老二花廳 (已結業)

成日係ig見到係到食飯，環境睇落幾vintage，終於到我同朋友去試下～ 因為餐廳係唐樓入面，隔離亦都有另一棟唐樓，我同朋友都搵咗一陣先搵到間餐廳。入到去燈光暗暗地，有好多舊物，有舊玩具同保留咗唐樓嘅裝修，係幾有feel嘅。我地以為星期日晚會有好多人，所以預先book咗枱，但我地坐咗個幾鐘，都係得我地一枱。可能加上冇咩人，餐廳都冇催我地交枱，都幾適合同朋友chill下傾下計。食物方面，我地嗌咗黑松露大啡菇意大利飯（$118）、意大利海鮮蕃茄燴飯（$118）、明太子蟹子意大利粉（$118）同蜜糖牛油雞翼（$48）。4個人分啱啱好～ 我地都覺得明太子蟹子意大利粉係最好食，因為佢係咁多個主食中調味最夠嘅，所以好足料，醬汁都好好食，啖啖意粉都會食到明太子。相反其餘兩個飯嘅調味都比較輕手，有少少淡，不過大啡菇同啲海鮮係好食嘅～蜜糖雞翼係好食嘅，佢餐牌寫住4隻， 以為係4隻原隻雞翼，上到枱先知原來係半隻雞翼咁上，感覺好似食多咗咁haha。不過最出乎意料嘅係餐廳連爛咗嘅碟都照用... 因為本身個碗嘅色睇落好似乞衣兜... 而家佢崩埋，就更似，觀感唔太好。 雖然係行vintage風，都唔代表啲裝食物嘅

呢間Cafe位於旺角的樓上舖，位置非常不顯眼，好容易就行過左。不過佢嘅環境同裝飾都非常特別，有超過三個打卡位置，非常適合文青黎打卡。而食物方面，亦都冇因為環境而影響，可以話比我想像中好食。黑松露大啡菇意大利飯，HKD 118。菇非常大件，唔會苦。意大利飯方面，黑松露嘅味道已經滲入咗每一粒飯，所以就算冇乜材料，味道都好濃郁。非常強烈推薦！明太子薯條，HKD 55，每一條都好好食！飲品叫咗特濃朱古力，HKD 48。樣貌就一流，打卡都一流，但係飲落去淡茂茂，唔夠濃味唔夠甜，同埋如果再大杯啲會好啲。總括而言，都係一個唔錯嘅體驗，下次有機會會去埋佢間分店，呢間主打港式風格，分店主打悉尼風格，期待。

疫情關係，「老二花廳」只係開星期六、日；佢位於舊樓入面，行兩層樓梯就到；餐廳配以懷舊裝修，同會播一啲未聽過，感覺很懷舊嘅歌。🍅『意大利番茄海鮮燴飯』$118燴飯粒粒都被鮮甜嘅番茄汁包住，上面嘅海鮮煮得啱啱好，連青口都幾嫩；我見好多枱人都有叫⋯⋯🍄『黑松露大啡菇意大利飯』$118大啡菇肥厚，飯面灑咗一陣橄欖油，意大利飯嘅汁有陣陣奶油香，加埋松露味，Yum! ⋯⋯🍟『黑松露薯條』$55大大碟，夠曬兩個人share；可惜唔夠脆，友人話可能無翻炸🤣；但個黑松露mayo，黑松露好多，mayo又夠凍，其實已經好夠醬，但都唔夠點，因為好夾⋯⋯🖤『黑芝麻豆腐拿鐵（熱）』$50影相嘅時候，已經聞到芝麻味；入口有少少豆香，可能個奶泡係用豆奶造；我叫咗熱，如果想要靚靚透明杯打卡，就記得叫凍飲⋯⋯🤎『Sickly White』$45 先係厚厚嘅奶泡，多到湧出來（店員話係特色）；然後到咖啡，入口自然，帶少許nutty。📍 老二花廳 (旺角)旺角山東街80-82號2樓。【小編的話】➡️每一個菜式，都係年輕主廚一碟一碟慢慢煮嘅，好適合坐低飲住咖啡，傾住偈慢慢食；如果想食快餐就唔啱你