RISE Kitchen (已結業)

最好友今個月尾生日，話明最好友，當然一早準備，而一早的意思就是由3月中安排不同的節目和禮物直至她生日當天，厲害嗎?第一擊就是外出生日飯。她跟我一樣，除了喜歡吃麵包，亦很喜歡睇包。無錯!是睇包，即是走入麵包店看看有什麼麵包都會滿足，哈! 所以今日我帶她到一間主打麵包的餐廳吃生日飯。全間餐廳以大型落地玻璃建成，坐在內裏能看到外面空曠的環境，感覺得舒服寫意。仔細觀察四周，除了門口以燈泡鑲了店名和Logo外，內裏頂部也用燈泡砌了店名，真有心思。另外還為食客着想，近門口擺放了消毒手液啫喱、消毒紙和放口罩的密實袋，真貼心!內裏地方寬敞，樓底又高，設有闊落的椅子，真的很舒服。用膳區分兩區，一邊是以三人圓枱為主，而另一邊是兩排的二至四人枱，中間是開放式的水吧區，而後方是自製麵包重地。先看看menu，選擇不算多，晚上只有All Day Breakfast、A la Crate Menu、Rise Signature Bread和Drink，而飲品就有Coffee、Hot Tea、Cold Tea、Soda、Healthy Boost、Smoothies、Chocolate 和Alcoholic。****

今晚黎到將軍澳食晚餐，因為唔太肚餓，所以剩係叫左黑松露忌廉汁煙鴨胸意粉同All Day Breakfast。另外再叫左兩杯野飲。一杯係法式焦糖燉蛋泡沫咖啡，另一杯係百利甜酒朱古力。黑松露忌廉汁煙鴨胸意粉唔錯，有濃濃既黑松露味，忌廉汁同意粉同撈得幾均勻，煙鴨胸又唔會整到好鹹。All Day Breakfast有太陽蛋、雞肉腸、芝士腸、煙肉、炒野菌、粟米、沙律，好豐富，而且擺盤又靚，賞心悅目。法式焦糖燉蛋泡沫咖啡好好飲，咖啡香滑又有甜味，表面有層脆脆既焦糖，口感好夾。百利甜酒朱古力第一次飲有酒味既朱古力，好彩係甜酒，所以唔會好衝突，幾特別。

Rise係烘焙店同時都係Cafe餐廳，集於手工麵包甜品店、cafe、烘焙工作室於一身，主打健康手工麵包，做得好精緻。環境裝修高雅，除此之外餐具、擺設、攞盤各方面都好用心❤️而且仲好注重衛生，每當有人去完廁所都會有清潔姐姐去即時清潔、枱櫈即使冇人用都會定時噴酒精消毒💓-💕黑松露忌廉汁煙鴨胸意粉$89💕日式大和豬肉眼扒配穀飯 $139💕薄荷青檸梳打$42💕法式焦糖燉蛋泡沫咖啡$46 💕時令水果撻$38-1️⃣ 黑松露忌廉汁煙鴨胸意粉［滿星］⭐️⭐️⭐️⭐️⭐️‼️好香黑松露味，黑松露混合忌廉汁佈滿意粉，汁既質地煮得唔過稠過稀，岩岩好，調味都剛好，煙鴨胸都份量好多，每啖意粉加鴨胸都仲有鴨胸剩😂/2️⃣ 法式焦糖燉蛋泡沫咖啡⭐️⭐️⭐️⭐️味道唔會好苦，都幾特別，係真係焦糖燉蛋既味道，較重焦糖味，飲落甜甜地後勁再有咖啡既小小苦澀味，不錯😊/3️⃣ 時令水果撻⭐️⭐️⭐️⭐️餅底做得有咬感唔會淋哂，水果真係多到就逼爆個撻，而係用糖漿粘住，雖然細細舊，不過都幾飽肚下。-環境：10/10服務：8/10好味指數：8/10回頭率：9/10-