Amour Garden Grill & Bar (已結業)

今日約左班舊同學係旺角聚舊，又想飲下酒又想食西式野又想靜靜地傾計，其中一位就提議去佢之前去過既Amour Garden食，我地一行人係朗豪坊行過去唔使十分鐘。上到去餐廳地方寬闊，燈光足夠，餐廳中央有個大型投射螢幕播緊MV，仲有卡拉OK功能，正!!!近門口位置仲有兩部飛標機。最正既就係餐廳出面有個大大天台可以BBQ。我地叫左個四人餐，包湯，沙律，二個小食，四個主菜，餐飲同甜品。白湯鮮甜，沙律新鮮上面有巴拿馬火腿。小食好香牛油味，雞翼煎得剛剛好，蒜香好入味，帶起左成隻雞翼既野味。夠曬低脂無咩脂肪，豬肉烤得外脆內軟，入口鬆化。主食BBQ汁鋪係豬骨上面非常香濃，肋骨豬肉夠香滑鮮嫩，一切就切到。果然真係香煎，成塊龍利柳外層煎得好脆，龍利肉帶有牛油味，唔油膩。西冷扒煎得岩岩好，肉質彈牙香軟。黑松露香味充斥住整個意大利飯，再加埋忌廉同芝士，令全個飯非常 creamy香濃。意大利飯飯質鬆軟富有口感。大大隻海蝦同好多鮮蝦，蝦肉鮮甜彈牙。黑松露香味亦都滲曬入意大利粉裹面。甜品木糠份量剛剛好一層薄薄係布丁上面，布丁有好香濃牛奶味入口香滑。

黎到旺角覓食，吾想再食連鎖餐廳，上左黎呢間位於4樓樓上舖嘅Amour Garden食左個抵食夾大件嘅二人套餐因為室內的位置爆滿了，我們被安排到室外的露天座位。天台空間非常寬敞，有冷風機，而且頗有格調。吸煙人士可隨時到這裡交換空氣。我地試左個 $238 二人餐餐湯有忌廉粟米湯 非常濃稠，好有口感，一入口就食到有好多細小的粟米碎粒在口中好有咬口。House Salad蔬菜都幾新鮮，好鍾意個dressing，酸酸甜甜好開胃。蜜糖雞翼蜜糖味十分突出，亦嘗出有少量黑椒味，可再略為加重黑椒味，建議可添加其他香草作調味，令味道更豐富。澳洲西冷牛扒配意大利飯大大塊牛扒，十分慷慨，可惜味道一般，煮得略為太熟太韌，但配以蘑菇汁感覺還可以意大利飯就幾好食，忌廉味道啱啱好。黑松露海蝦意大利粉十分足料，有明顯黑松露味，有多隻鮮蝦和蘑菇。仲有隻炭燒虎蝦，抵返晒。看得出有花心思裝飾菜色。甜品揀左木糠布甸同Oreo曲奇朱古力雪糕，幾好食！好鍾意木糠布甸入面放左花生脆脆，好有咬口！而且碟邊裝飾得好靚，非常有誠意！服務大致不錯，招乎我們的女生態度友善，有主動問食物好吾好食。而且食物份量算大份，以二百幾蚊二人餐黎講都算抵，

早兩日，難得上司放假，BeautySearch 可以準時一點放工，於是，便約同蝦子餅在旺角行街，行到朗豪坊時，開始有點餓，本打算在這裡食晚飯，想不到，閒日裡商場的食店是如此多人，怕迫、又怕嘈的我，忽然想起早前曾在附近的商廈裡參加過 event gathering，那間店子環境唔錯，而且，鄰近朗豪坊，於是便決定往那兒去。店子位於萬利商業大廈的4樓，有趣的是，竟然位處4 樓，也擁有別有洞天的露天位置！雖然，當晚有點熱，但在鬧市中的露天餐廳進食，還是第一次喔！正當我們打算走到外邊的露天位置進餐時，卻突然下起大雨來！結果，還是註定我倆返回室內涼冷氣！簡簡單單的一餐，當晚我們揀了精選二人晚餐$238，包兩個前菜、是日餐湯、田園沙律、主菜四選二，以及任何$25餐飲。先來田園沙律，沙律菜很新鮮，尤其車厘子，既大粒、又鮮味，仲好多汁！份量十足，粟米粒的數量亦不少，還落左BeautySearch 喜愛的日式胡麻醬，份外醒胃！是日餐湯是龍蝦湯，雖然沒有真龍蝦 (其實，BeautySearch也未嚐過有真龍蝦味的龍蝦湯…)，但有不少的蝦仁，用料可算豐富喔！龍蝦味也不錯，相信用了不少蝦殼熬製。上桌時，見到如此