Home Bar & Restaurant

營業中

休息中

休閒的星期四下午，約了好友們嘆返個late lunch， 傾下計，休休閒閒咁過一個下午，真係好relax呀！今日新手媽媽仲帶埋B女一齊，嘿嘿~ 去酒吧緊係要從小訓練啦～初初朋友book呢間餐廳，我地都擔心酒吧會唔會唔係咁好，但一去到，環境好舒適，唔似一般酒吧黑麻麻咁，反而似係一間裝修型格嘅屋咁，而且坐位都好舒適。坐低就有餐包送，個包暖暖地，軟棉棉，不錯。另外仲有餐湯，不過我忘記影相呀…今日天氣轉冷，一有碗暖笠笠嘅湯係我面前，我就忍唔住飲晒了。湯入面有南瓜茸，朋友們都話好飲，唔係水汪汪咁。我就叫咗個黑松露海鮮意大利飯，好香黑松露味，一放低已經聞到，仲有好多海鮮，海鮮全部都大大隻，有蝦，八爪魚，同魚柳，唔似係急凍海鮮，八爪魚仲好有海水味，意大利飯煮得剛剛好，配個汁亦都唔會太漏。讚~意大利飯跟餐飲：$82總結：環境衛生都很好，雖然地點偏僻少少，但都值得我地行過去，用心經營嘅餐廳，真係買少見少，會繼續支持！

與友人相聚,到開飯找資料,試試新店,訂位無難度位置距離地鐵站偏遠,卻更寧靜,周未下午居然大把坐位酒吧feel的裝修加上外邊的陽光,好喜歡黑松露海鮮意大利飯不錯漢堡包則沒特別,薯條很粗,又新鮮熱辣,讚不知道會有甜品,所以感驚喜,西米布丁加燕麥,特別,不甜,加分可是最後的餐茶卻不知所謂,我要的是桂花茶,怎料來了洋甘菊茶,跟待應反影過後,得到的答案居然說那就是桂花!!!!!!你當我是白痴嗎?扣扣扣扣分!餐廳居然可以攪錯桂花和洋甘菊,而且沒有認錯,亦沒有替客人換, 這個錯誤實在接受不了 

最近，突然「食盡荃灣」嘅使命上身 餐廳+酒吧(可能仲想加埋cafe, 因為我見到有波子棋...)，個場都幾大，有電視播波，但聲浪唔算太大，我坐餐廳區睇唔到電視都唔太覺被騷擾。燈光昏暗，樓底高，裝修有特色。但餐廳區枱與枱之間距離太窄(我哋係2+4人枱組合)，中間只夠人側身過，就算細細聲都聽到旁邊枱講咩，我哋二人枱連放食物嘅位置都唔多夠，旁邊枱先生行過仲差啲撞跌我哋個pizza Happy Hour 3-8 house wine 同 beer買一送一，近8點waitress會逐張枱走過去提醒happy hour last order, 而且仲可以hold兩round後上，好貼心。想飲白酒，侍應姐姐推介餐牌上第一隻話最易入口，的確好好味，不過唔知係咪happy hour嘅關係份量少咗啲啲，唔多夠喉 有set有散叫，價錢唔算平。set唔多啱食，加上主menu設計靚啲，所以我哋叫散 粗薯配黑松露醬($70)，再炸得脆少少會更好，依家攞起啲薯條濕氣仲係偏重，有啲會重得滯斷開。黑松露醬只有現成沙律醬味，好失望，點茄汁仲好味。 銀魚柳pizza($95)，menu寫signature pizza,