只 (已結業)

位於尖沙咀嘅·只Zi cafe·經常full book🥺 👧🏽今次提早訂位終於試到啦💕上到去發覺空間比想像中細👀裝修簡約清新 好有屋企嘅感覺🤣平日中午walk-in都有少量座位~🔸黑松露薯條($58)🔸鹽燒蟹棒明太子白菌貓耳朵($98)🔸泡沫鮮奶焙茶☕️<熱>($58)🔸泡沫鮮奶朱古力🍫<熱>($60)貓耳朵意粉最有驚喜💕醬汁好豐富好creamy 調味啱啱好 夠惹味又唔會太咸/辣😋 蟹棒如果大件少少更好🙈薯條份量適中 每條薯條都沾滿黑松露 不過味道唔太突出 主要靠個黑松露醬👀飲品分別叫咗焙茶同朱古力鮮奶🥛兩杯嘅味道可以再濃啲🙈 價錢都唔平 不過勝在熱飲好大杯🤣拉花都幾靚本身想試埋個waffle 可惜去到已經賣曬🥺得番蛋糕 有點失望...整體驚喜不大👀環境就幾舒服 梳化位夠闊落😆(順帶一提✍🏼 由於餐廳只有兩位店員 繁忙時間可能要等耐少少 落單同俾錢都要自己行出去講🤫 而且餐廳本身並冇內設洗手間 舊式樓宇衞生又一般 呢點就爭啲🤧)－－－－－－－－－🍴食物：3/5🏝環境：3/5🛋服務：2.5/5 💲價錢：3/5💥翻兜指數：2.5/5✨CP值：3/5

今日同男朋友黎試下貓耳朵，我地有預先book位，但其實上到去都有位，環境都幾舒服，係店鋪位置的確有d隱蔽。我地嗌左幾樣野食明太子貓耳朵特級芝士忌廉汁紫椰菜花貓耳朵黑松露薯條碟豆花白桃乳酸梳打第一樣黎既就係碟豆花白桃乳酸梳打，個樣已經好靚，好似有兩層咁，飲落去都有白桃乳酸既味，碟豆花其實係冇乜味，係個顏色吸睛。第二樣黎既就係明太子貓耳朵，一黎已經聞到好香，好吸引。點知食落去都一樣咁好食呀啲明太子同啲紫菜好夾，而且貓耳朵比一往嘅貝殼粉較為煙韌，好好食。第三樣就係特級芝士忌廉汁紫椰菜花貓耳朵，聞起嚟都好濃芝士味，岩哂鍾意芝士既人，而紫椰菜花就冇乜特別，好似係比正常嘅椰菜花淋少少，但係依一個食得多會有啲膩。最後就係黑松露薯條，啲薯條好脆，真係由落碟到食完都係脆抵讚，而個醬都ok，雖然吾係話好濃黑松露味，但都算值得叫成餐飯食得好飽，但好彩無話限時，都可能食下停下，抖抖再食😂😂個明太子貓耳朵我好值得嗌

見到有唔少Foodie都Share哩間Cafe，所以之前專登同朋友嚟試下😆不過要搵佢間鋪出嚟都花咗少少時間，跟住google map由漆咸道南行去加連威老道，行前少少就可以轉左入嘉蘭圍，行入一個鋪位就可以見到威華大廈嘅入口架啦，佢嘅對面係一間酒店嚟👀• • • • •🧚🏻‍♀️特級芝士忌廉汁紫椰菜花貓耳朵🧚🏻 [$92]平時好少餐廳有賣貓耳朵，佢嘅貓耳朵外型好得意🐱佢食落會比平時嘅通粉/意粉嗰啲更加有咬口，而且貓耳朵凹落去嘅位仲可以裝住啲汁🤓仲有紫椰菜花都好少見，望落隻色好靚，食落同普通椰菜花差唔多味💜雖然略為淡味咗啲，但佢嘅芝士忌廉汁煮到好creamy，食落都唔錯🤤• • • • •🧚🏻‍♀️水牛城雞翼配藍芝士醬🧚🏻 [$62]平時食水牛城雞翼好驚啲醬會嗱喉😖但哩間嘅水牛城雞翼辣得嚟又唔會嗱喉，食落酸酸辣辣都幾惹味🐥上面仲有啲咸咸地嘅藍芝士醬架😉仲要佢係單骨雞翼，食落好方便，好貼心💕• • • • •🧚🏻‍♀️黑松露薯條🧚🏻 [$60]薯條新鮮炸起，好熱好脆🍟啲黑松露醬比較稠身，所以好濃黑松露味😍仲要好味到點得太多，食到一半就食哂，好彩店員好好人肯幫我地加醬🥰• • • • •🧚🏻‍♀️燒綿

一月初同朋友到呢間cafe閒聚，位置比較隱蔽，要由加連威老道走入內街再行去商業大廈一入cafe既感覺係 － 好大油煙味！雖然環境寬敞，但要留太耐就唔算係理想既地方～食物方面都多選擇 ：雖然係晚市時段，但因為我同朋友都唔係太肚餓，所以只係叫左兩款小食同一款甜品share 水牛城雞翼配藍芝士醬 - $62雞翼醬汁少辣惹味，反而芝士醬味道並唔算太突出 黑松露薯條 - $60所有薯條配上黑松露都唔會差得太遠～值得一試 紅豆窩夫配抹茶冰淇淋 - $76賣相吸引～味道亦唔錯！最欣賞係窩夫唔算太甜，配上抹茶雪糕既微苦味剛剛好 自家製玫瑰草莓梳打 - $58呢杯梳打飲品有驚喜，除左外表打卡用一流外，味道清新微甜，比起appetizer來得更開胃

🎐肺炎疫症蔓延到人心惶惶😷，熊妹除左返工都少不免留係家中同玄彬度日🥰。卡卡貓home office到吽哂菇🍄，係時候出下黎曬下太陽🌞，相約熊妹到尖沙咀呢間樓上cafe《只》食個下午茶抖下氣。📌卡卡貓其實之前黎過，話坐得幾舒服😌。📌果然，卡卡貓無介紹錯，cafe 環境開揚，大塊透光玻璃射入柔和陽光☀️，感覺好温暖；梳化位🛋️大大張靠牆，仲有很多軟綿綿咕𠱸椅背，真係好舒適喎！📌Menu就大路cafe食物，有小食🥡、主食🍝、沙律🥗同咖啡沖調飲品☕️。黑松露薯條，$58先點個餐前小食，薯條🍟就最好不過。有明太子同黑松露兩款口味，其實熊妹兩款都很喜歡，先試下黑松露味，因為意粉點了明太子味。薯條粗粗的，即炸好脆口，有撒上黑松露碎粉，不過唔算好香。另外跟上黑松露醬，不過都唔係好重味，未算好突出。水牛城雞翼配藍芝士醬，$58再來另一款小食，莫過於雞翼。係單骨雞翼喎！幾驚喜！可以一件放入口，再原條雞翼骨吐出，成件事食得滋味又無咁狼背。雞翼食得出先炸起，再撈上水牛城汁，酸酸辣辣的，連埋藍芝士醬咸咸的，多重味道真係好惹味。鹽燒蟹棒明太子白菌意大利麵，$92食完小食，就點個主食意粉。熊妹見到有明太子食材真係不能放過

原來公司附近有間文青cafe，裝演又幾有心思，一直都唔知添😂Lunch都喺一點先開㗎！水牛城雞翼配藍芝士醬 $62合共8隻單骨嘅雞翼，雞翼上有滿滿嘅醬汁😳醬汁咸咸哋咁😳😳不過食唔出芝士味，細細舊咁幾得意。黑松露薯條 $60新鮮炸起嘅薯條，外脆內軟，薯味濃郁我食咗好多條🤣黑松露味道喺來自黑松露醬，都幾重味，一定要沾醬食！特級芝士忌廉汁紫椰菜花貓耳朵 $92貓耳朵喺貝殼粉，粒粒都盛住cramy嘅醬汁，咬落每粒都好juicy🥰紫椰菜花有咬口，但就無味。

今日去懲罰一下黃店💛餐廳入面周圍都有文宣poster，同自家連儂牆😚平日lunch嚟都多人，而且廚房得一個人煮嘢食，所以都等得比較耐，不過好嘢食係值得等嘅🤤我哋叫咗煙三文魚菠菜忌廉汁扁意粉同柚子蜜糖雞翼🤓真係比較甜，我本身對柚子麻麻哋，不過可以試下嘅😂我覺得最好食係櫻花蝦牛油大蜆香蒜炒扁意粉😍真係好鬼好食，意粉又入味，勁濃香蒜味❤️個大蜆又好大隻😹😹仲有黑松露薯條🍟個醬好正😆同埋有素食options🥦好貼心✨✨叫咗特級芝士忌廉汁紫椰菜花意粉😚呢間黃店不得了🙈會再嚟❤️

近年工作繁重，不像學生年代，很少有閒坐樓上CAFÉ談上大半天的興致。難得文青系姐妹推介，今天就來到尖沙咀的【Zi Café · 只】回味一番。小店隱隱於加連威老道的小巷內，要不是識途老馬的姐妹帶路，也不易找到。店內裝潢走小清新路線，到處都要乾花的影踪。近牆身的位置是大量沙發座位，優雅中帶舒適。首先端上的是法式洋蔥湯，洋蔥燉煮得非常軟淋，沒有了那股刺鼻的辛辣，取而代之是甜美的香氣。湯中加入大量黑胡椒調味，既惹味又暖胃。小小的麵包片盡吸洋蔥湯精華，帶來酥脆與濕潤的雙重美味。黑松露薯條新鮮炸起，入口又熱又脆。薯條偏粗身，薯味濃郁，做到外脆內軟糯的口感。黑松露份量不算多，但也帶來點點香氣。水牛城雞翼預先切成一半，以單骨奉上，方便食用。雞翼炸漿薄薄一層，做到外皮香脆而內裡肉質嫰滑。醬汁微辣中帶酸甜，中和了油膩感。加上藍芝士獨有的鹹香，豐富了層次感。溫泉蛋熱情肉醬意粉份量十足，肉醬鮮茄味濃而不會過膩。溫泉蛋蛋汁豐盈，拌勻吃大大增加麵條的掛汁度。如果意粉可再彈牙一點，必定更美味。貓耳朵是店內名物，當然不能錯過。點了明太子口味，貓耳朵形狀的意大利麵樣貌別緻，吃下口感Ｑ彈有嚼勁。小窩型狀沾滿醬汁，令人吃

琴日同朋友係尖沙咀行街行到攰，想搵啲野食同坐低休息下。朋友就話之前去過間cafe幾舒服又有得影下相，就帶咗我上黎～.明太子長通粉- 聽講佢地啲明太子意粉好出名諗住試，點知店員話冇曬要轉長通粉，其實個汁都係一樣明太子味道好重 ，醬汁份量剛剛好，每條長通粉都被醬汁包圍，好香濃好滿足🥰必試.蟹肉南瓜意大利飯- 南瓜fans一見到南瓜就好想試！蟹肉份量多，又係每粒飯都被南瓜汁包圍，意大利飯係真係做到嗰種口感唔會淋曬.黑松露薯條- 唔單只有黑松露醬點，薯條面頭都有黑松露，又香又正呀～ 略嫌薯條炸過火咗 有啲硬.洋甘菊茶- 幾清新~泡沫鮮奶焙茶- 朋友話好香茶味 唔錯💕.整體食物頗高水準，地方又舒服，會再黎！

這家店雖然位置比較難找，在內街的大廈4樓，但可以說是鬧市中的Hidden Gem。整間店舖都滿佈不同的鮮花和乾花，完全是休閒的田園風，非常舒適～而且影相都好靚。裡面仲有露台可以出出面㗎～黑松露薯條 $60 |黑松露薯條好好食，熱辣辣剛好炸出來，非常香脆。而且醬點完還讓我們添醬，好好呀！因為多數其他餐廳，加醬就要加錢的。意大利海鮮意粉 $128 |呢個意粉係廚師推介的，龍蝦分咗兩邊，還有青口和蜆，材料豐富，兩個人食剛剛好～最怕很稀很水嘅意粉，但呢個每條意粉都掛咗蕃茄汁，炒得幾好食。

呢間樓上咖啡店個位唔係特別易搵，但係因為之前曾經上過黎一次，嗰次撞正廚師落場無得食，所以今次再黎唔駛點用地圖都大概知係邊😳下午茶時間入去，竟然係完全無人，所以位置任揀，我地就坐窗邊，不過坐左一陣之後都入多左三四檯到，冷氣就開始唔係好夠🙊▪️ 黑松露薯條（7.5/10）💲60呢個帶有陣陣黑松露香，熱辣辣薯條保持微脆，內裡夠粗啖啖薯，份量亦都唔少🍟再加上嗰個黑松露酸忌廉醬夠酸，非常開胃無咩油膩感，食曬個醬請求店員添加佢地都好樂意🤣▪️ 香蕉窩夫配焦糖冰淇淋（7.5/10）💲76有一部份係普通香蕉，另一部份就係加左燒過既焦糖面上香蕉，至於焦糖冰淇淋亦都係甜甜地，配上口感外脆內軟既竹炭窩夫，啱啱好可以平衡返個甜😈▪️ 燒棉花糖鮮奶焙茶（7.5/10）💲58 (Hot)；64 (Cold)之前有朋友黎過，話佢既茶系飲品出色，茶控既我當然唔會放過呢個機會🍵熱既有拉花，擺面係細既棉花糖粒粒，飲落都夠滑身，焙茶味道亦都香濃，果然係幾有水準，而同行朋友叫凍，唔同既就係一大粒微微燒過既棉花糖🍬·🔎 整體評分（7.5/10）

自己一個成日會去尖沙咀搵下有無正cafe，有次去尖東搭巴士無意中搵到呢間，即刻帶埋朋友嚟～～我幾鍾意佢cozy嘅設計，最加分係座位本身好闊，座位之間亦有足夠嘅空間。聽講大廚之前喺另一間知名cafe工作，所以食物都有一定水準，而茶系產品更加係招牌。黑松露薯條 $60外表雖然係老麥咁嘅樣，但內裡係另一件事！薯條條條都夠脆唔油，薯仔味好香濃，點埋黑松露沙律醬咸香味提升，份量都幾多，抵食。呢度的主菜都可以加少少錢轉套餐，有湯﹑麵包同餐飲，是日餐湯係蘑菇湯，水準超高！好足料又夠滑，上面D香草又令個湯清新D，真係可以encore多碗。櫻花蝦蒜蓉海鮮炒意粉(套餐) $130櫻花蝦數量都幾多，蒜蓉味好突出，整體組合都幾調和，佢個意粉煮得剛剛好，非常爽口彈牙，仲有大大粒又新鮮嘅蜆肉，呢個幾清嘅感覺令我食多好多，個人推薦。特級芝士忌廉汁紫椰菜貓耳朵(套餐) $127原來貓耳朵係短意粉嘅一種，唔係好多地方有得食，所以特登叫來試。芝士忌廉汁比一般濃稠，紫椰菜同普通椰菜話味道差唔多，小蕃茄都幾鮮甜，一口食剛好互相平衡唔會太漏，不過份量都幾多，一個女仔未必食得曬。明太子貓耳朵 $92鍾意明太子嘅一定要試呢個，每一

今天中午同朋友去咗依間只（Zi)樓上cafe到食野。雖然係樓上cafe，但個空間都幾大，而且坐得又幾舒服。有sofa位置，仲可以望住窗外嘅景色，可能係今日晴天☀️，窗外柔和光線射入間cafe特別靚。Sofa 旁邊擺咗個小書櫃，應該係比人睇下書吧！而枱上面會放下乾花瓶子，好有文青feel。女仔應有鍾意乾花吧！點咗個黑松露薯條（$60）丶日式魷魚圈（$60）丶水牛城雞翼配藍芝士醬（$62）丶一個櫻花蝦牛油大硯香蒜炒意粉（$95）+35配餐湯同包。仲有補18蚊加一杯燒綿花糖鮮奶培茶（原價：$58），再叫多杯鮮奶拿鐵$46。感覺叫套餐便宜一點。🧐首先講下小食先，黑松露薯條🍟炸得好香脆，黑松露醬嘅味道十分之濃烈。而日式魷魚圈都好脆，使用嘅炸粉比較少。值得一讚👍🏻，用料十足。而雞翼呢，唔同平時食開果種，這種比較幼身而長，肉質都幾滑，不過如果多肉啲，就比較好🤣。對食肉獸嚟講就不夠食了。正餐方面：今日個餐湯係蘑菇湯，隻菇味係好濃郁，而且好多菇粒。麵包🥯雖然細，但沾蘑菇湯變得軟脆而入味。反而個櫻花蝦牛油大硯香蒜炒意粉無咩味，雖然有香蒜味，但櫻花蝦嘅味就無咩，而意粉調味真係太過清淡。飲品方面：鮮奶拿鐡普普通

呢幾日同幾個姊妹去食晚餐，佢哋揀咗尖沙咀呢間有田園feel嘅餐廳，我哋因為睇咗餐廳嘅相覺得幾靚所以就嚟咗呢度啦，但係我哋嗰日可能好多人入到去覺得有啲迫，同埋個餐廳有少少侷，好啦我哋叫咗幾款嘢食，有意粉意大利飯，黑松露薯條，同埋明太子多士首先講吓個黑松露薯條，我覺得個黑松露醬幾好味薯條睇得出係啱啱炸出嚟直接送到，所以熱辣辣點醬食幾正，你哋食記得要吹兩下，之後個明太子多士口感幾特別，唔會好油膩都唔錯，但係個意大利飯我就覺得有啲強差人意，個櫻花蝦牛油意大利粉走純樸路線，冇乜特別無驚喜 反而我好鍾意我嗰杯焦糖雪糕忌廉凍朱古力，個焦糖雪糕幾好味唔係死甜嗰D，有誠意之作哈哈😄我覺得呢間餐廳比較適合幾個女仔一齊坐低飲杯嘢傾吓計

係ig睇到哩間cafe裝修以乾花為主, 影出黎d相都好靚, 小清新嘅感覺今晚約左朋友食飯, 就突然諗到哩間餐廳, 仲發現哩間餐廳係mileslife可以儲分tim~ 食飯儲埋里數, 爽呢^^晚餐book左位, 成晚得幾枱客, 所以好安靜, 可以慢慢同fd談心食物整體都不錯~ 價錢合理~ 水牛城雞翼 - 有8件單骨雞翼,  相對容易入味, 辣辣地, 幾野味黑松露薯條 - 炸得好好, 唔會油林林, 又夠脆海鮮意粉 - 哩個就一般般, 味道唔係唔好食, 係食完都無乜印象果種+左40蚊跟左個餐湯同有飲品, 餐湯好好飲, 菇味濃又夠杰身~ 有口感飲品一杯係燒綿花糖朱古力, 好味另一杯係培茶鮮奶, 好香茶味~ 不錯最後加左個心太軟, 整得好好~ 唔會好死甜, 中間仲好流心tim~ 埋單$470, 食到好飽~ 整體滿意會再光顧~~~~~~~~~~