屋喔 (已結業)

好耐都冇食過台灣菜，無意中發現呢間個名幾特別嘅台灣茶 - 屋喔🌼，一於就試下啦！上到去先知原來餐廳都幾多位，有得選擇室內室外。 睇下食咩先...真係台灣菜？🤔啲菜名好新穎！太肚餓嘅關係，我地兩個人點了一枱食物😆嚇親身邊嘅食客。 首先食個沙拉醒醒胃。我地揀左凱薩沙拉配大蝦，估唔到有六隻咁多😧正 焗薯皮好脆，配上芝士醬同煙肉，夠香口。 黑松露野菌大蝦，好多野菌，大蝦都有6隻而且唔"鞋"口，味道又夠濃。 至於黑松露野菌蚵仔燉飯，好似意大利飯咁，但估唔到黑松露野菌同蚵仔咁夾，每一啖都有好濃黑松露再加上芝士粉👍🏻 我地每人叫左杯飲品，水果冰紅茶酸酸扡，有好多水果，有得飲又有得食。而冰藍蝶花蜜梨茶就偏甜。 最後我地忍唔住要試埋甜品😆見到好多人都叫窩夫都好想試下，不過我地實在食唔到咁多，所以最後只係叫左布朗尼蛋糕同法式焦糖燉蛋。布朗尼蛋糕會配埋雪糕、OREO曲奇、藍莓同士多啤梨，夾埋一齊食就唔會覺得漏，清新好多！法式焦糖燉蛋都好好味，兩份細小嘅甜品，就唔會太多食唔晒，又唔會覺得未食甜品而覺得唔完美！哈哈...可以滿足到我個胃😋下次再黎試下個窩夫先！

想起都有一年沒有去台灣，也懷念台灣的美食，雖然如此，香港既然是有「美食天堂」之稱，當然都會有一些cafe 主理台式食品，今天我放工後去了一間樓上的「屋喔 O'Casa」的台式cafe 食下野，順便休息下打下遊戲機，它位於朗豪坊旁的一幢大廈「朗晴坊」的4樓，交通方便又易找到。 一打開lift 門都已經看見有店中的menu ，當中有洋風烤排、屋喔的台式美食、沙律、甜品、咖啡、花茶、台式飲品等....款式都混入西方美食，食物款式更多元化!環境多數都是卡位，從窗中可以觀看到旺角的鬧市，仿如現在已經遠離繁囂，拋開工作的壓力正在一邊聽下餐廳播的歌曲，一邊放鬆心情享用個人的下午茶，真是人生美好大事。 點好食物後，等了一會，店員送上杯凍藍蝶花蜜梨茶($32)，賣相真是好鮮艷，用了碎冰配合了藍蝶花、蜜梨的成份，以薄荷葉及蘋果片作裝飾，我先吸了兩口，嚼中的碎冰真是好香甜，有蘋果的清新微酸，梨蜜的潤喉讓我感到好舒適又冰涼可口。 另外再想嘗試下一些熱飲，個人喜好愛飲花茶，薄荷玫瑰洋甘菊茶($36)以一個透明玻璃壺奉上，壺下的爐底有小爉燭可以把茶助熱，玫瑰花粒加上了洋甘菊，有清熱明目、肋掃走鬱悶的心情，

今晚又同媽媽撐枱腳 佢話想食台灣野上OP睇下大家有咩好推介搵到呢間屋喔 係朗豪坊隔離岩晒我地睇完戲過黎食 book左位唔洗等✌🏼️坐底媽媽媽又要食佢嘅至愛 — 凱撒沙律叫左烤牛肉口味 啲沙律菜勁爽甜齋點凱撒醬已經好好食 加埋烤牛肉口感一流不過價錢有點貴⋯黑松露野菌大蝦 野菌吸收左醬汁 非常入味大蝦係爽口嘅 不過蝦味不濃⋯呢個西班牙海鮮燉飯 超好食燉飯口感煙煙靱靱 吸收晒海鮮嘅精華非常鮮味 海鮮方面 尤魚圈大大舊 非常彈牙反而呢個海鮮飯裡面嘅蝦更加鮮味好食過之前嘅野菌大蝦😂😂 飯後當然要來一客甜品啦 窩夫係脆嘅中間夾有吉士 甜甜的 重有迷李冬甩配埋有鮮果肉嘅雪糕一齊食 多種口感👍🏼我叫左義大利芝士杯 小盤栽造型幾得意芝士忌廉打得非常香滑 帶上微微嘅咖啡味👍🏼最後來一客花茶清清腸胃 😌