Gioia Charcoal Grill & Oyster Bar (已結業)

約左朋友去西環食飯，由於好即興咁約。所以無話要特定去邊一間餐廳。行左一陣後，同朋友都發現左呢間餐廳。Gioia由於唔係西環海旁，所以比較似一間有自己特色的西餐小店。今次叫左兩個Dinner Set, 一個意粉。Dinner Set湯，我地揀左黑松露野菌忌廉湯。個湯飲落去唔會太過咸，仲有陣陣既黑松露香味。而前菜就選擇左田園沙律配意大利黑醋汁同焗芝士流心大傘菇。前者就較為普通，不過值得一讚既係個黑醋唔會太酸，令列喉嚨唔舒服。而後者，個人黎講就覺得好味同有驚喜。個芝士焗得岩岩好，所以有起絲的口感。而且個菇亦好juicy~由於我唔食牛，所以食唔到個牛肋骨不過朋友一直讚口不絕個牛肋骨唔會太乾身，啲肉汁完全鎖住哂。同埋個薯蓉配菜都好好味😋佢係好creamy,好似細細個係西餐廳食既薯蓉咁，而家係香港真係買少見少啦！到個炭燒虎蝦闊麵啦～雖然佢係茄汁做個底sauce,但係唔會太酸。而且，仲有啲creamy，增加個層次口感。整體黎講，價錢與食物質素成比例。餐廳環境都適合同朋友食個飯，傾下計咁～值得推介俾大家呀

朋友介紹，位於西環嘅Gioia Charcoal Grill & Oyster Bar旺中帶靜，環境又有情調，當晚我就訂咗檯同好朋友聚舊。一坐低見到有生蠔嘅promotion就即刻order咗幾隻做starter。法國小珍珠蠔每隻約3吋，肉質爽脆，帶子位鮮甜。好可惜當晚飲唔到酒，如果唔係，嗌杯白酒又可以試埋其他。黑松露野菌忌廉湯黑松露味不會太濃烈，與菌香相得益彰。野菌打得頗幼細，令成個湯口感幼滑，略帶菌蓉。焗芝士流心大傘菇上個禮拜自家製焗大啡菇失敗，當晚喺memu見到這道菜，忍唔住要試專業廚師嘅出品。大傘菇夠厚，火候拿捏得當，焗至乾身爽口菌香出眾。義大利醋惹味，🍄下面仲有流心蛋，實屬驚喜之作。蟹肉意大利雲吞件龍蝦忌廉汁鮮味的蟹肉、番茄肉及瓜粒混合，釀入雲吞內，加上龍蝦忌廉汁，每啖一口，其甜美味道就在麵皮內滲透出來，溢滿口中。慢煮美國牛仔肋骨近年流行慢煮，防止維他命如B雜及C等流失，又可以真正做到肉質軟腍，骨肉分離的效果。牛肋骨肉鮮質腍，加上少許肥膏，味美而不膩；醬汁也醒胃。朋友介紹lee間真係冇得輸啊！

今晚同事話要帶我去堅利地城食野，而我就真係第一次去堅利地城，對呢個地方都幾陌生，無諗過係呢個位置竟然有間隱世好食西餐廳。餐廳黎地鐵站不遠，位置亦很好找。餐廳內裡燈光柔和，很適合情侶把酒談天。坐低後侍應為我們呈上麵包脆條，像食緊大版百力滋，幾脆。我們4人揀選了1個精選晚餐及1個二人餐一起吃。海鮮拼盤，包括有生蠔、大蝦、青口、翡翠螺及蜆，生蠔很鮮甜厚肉，海水味濃郁!翡翠螺同蜆都很新鮮，蜆亦很肥美!黑松露野菌忌廉湯，湯很creamy，不會好稀!野菌蓉都好多，好有口感，飲落去還有淡淡黑松露味!慢煮美國黑醋牛仔肋骨，由於慢煮的關係，牛肉好鬆軟，配有黑醋味道很特別，酸酸地得黎又食到牛肉既鮮味。薯蓉亦有淡淡的黑松露味，配菜用上茄醬整成的翠玉瓜同南瓜，很開胃!露筍鮮蝦菠菜天使麵，露筍同菠菜好新鮮，鮮蝦係「真」鮮蝦，爽口彈牙，而天使麵用上蒜片炒香，很惹味!總括黎講，餐廳不算很大，但勝在夠靜，很適合情侶食飯談心。另外侍應會主動加水及上菜時會說明菜式，態度親切。有機會會帶朋友黎呢個隱世餐廳試下。

今晚放工同同事去港島線尾站堅尼地城果邊揾野食，行左去近海旁的GioiaCharcoal Grill & Oyster Bar。唔難揾，地鐵站B出口向左手邊行，轉右過斑馬線再直行，餐廳就係左手邊，都算方便。餐廳採用落地玻璃，環境細細，燈光較沉，播放柔和音樂，是典型的西餐Setting.我點左個精選晚餐~前菜係焗芝士流心大傘菇~菇的賣相好靚，面頭一大片芝士，切開亦真係流心，焗得好入味，配埋D沙律菜，好特別的一個前菜。餐湯揀左黑松露野菌忌廉湯，黑松露味超濃，但忌廉味又唔會太濃太膩，恰到好處。主菜揀左C︰慢煮美國黑醋牛仔肋骨，上台時已經切好哂，方便食，而且份量多，牛仔骨厚身，但煮得好淋好入味，個汁有別一般的蕃茄汁，而選用左健康的黑醋汁，加埋伴碟的蔬菜和薯蓉，超飽，所以就無飲餐飲。