語命Cafe (已結業)

2018年開始，好似運程麻，希望可以有人指點下。新年都諗住去黃大仙問清楚。點知比我揾到呢間cafe可以玩占卜，預測下運程。滿心歡喜約埋朋友上去試下，點知原來有日子同時間限，失望。要怪就怪自己無做功課，唔一早了解清楚。不過有失必有得，雖然無得占卜，但就俾我同朋友hea左成個下午平日下午上黎，真係包場一樣，可以同朋友傾密計，完全唔會比人打擾，又無人趕你走環境唔錯，睇得出有用心佈置食物都有驚喜。呢個意大利飯好好食。一上桌已經嗅到好香既黑松露，唔好諗住只有中間個堆黑松露，其實佢整個飯都混入左黑松露，所以每口飯都可以食到黑松露既美味。口感亦好豐富，有嚼勁，但又唔會太硬身，軟硬度控制得剛剛好。雖然要成118蚊一個飯，但真材實料，性價比高，值得一試炸魚薯條配他他醬，88蚊。份量多，滿滿一碟。粗薯條和炸魚炸得很脆，而炸物竟然唔覺太油膩，食完整碟碟底竟然冇乜油，頓時感覺罪惡感無咁重。哈哈係我喜愛既他他醬。唔好成日薯條配茄汁，炸魚配沙律醬，好鬼悶。雖然他他醬都唔係乜特別野，不過喜歡佢甜甜地得黎感覺又清新。雖然冇得占卜，但就有星座特飲（58蚊）可以試。♌座既我，當然叫返杯🦁特飲配親返啦😁😁呢杯其實係菠蘿沙冰

好朋友婚禮舉行前夕，搵我呢位司儀出黎傾多次婚禮細節流程，佢提出想揀個地方傾到計又碞女仔傾野既地方(上次就因為有兄弟係度所以先揀韓燒，平衡到雙方)。今次唔使，得兩個人，佢打算搵間CAFÉ方便到大家走，又可以邊食邊傾無咁嘈。餐廳由友人揀，佢話上網見到呢間語命CAFÉ評分好似唔錯，先達廣場隔離近旺角火車站，碞晒佢食完搭番上水(朋友主要方便我，因為我就住係行路都唔使20分鐘既路程就番到歸，夠貼心)，主人家請當然由佢拍板話事。實不相暪，平時多係商場或街鋪食(2至3丁友都係來去食一餐既快閃黨)，第一次上來樓上CAFÉ幫襯，感覺很新奇。入到店內，店面雖不大，但感覺幽靜舒服。裝潢選了冷色系營造出星座那種深冷帶點神秘既感覺，天花吊住不同大小既顆星星，感覺好似細過睇既『閃電傳真機--烏卒卒』擺設陳列。店面看似不大，但擺放到長長的沙發座，坐位空間挺大簡潔又舒適，坐落去軟綿綿，令人有種鬆懈感覺。張餐牌都幾有趣，整到似塔羅牌咁，兩個人揀左一個黑松露野菌意大利飯、香蒜虎蝦炒意粉、一個小食(雞翼配蜜糖芥末汁)同兩杯餐飲(檸檬蜂蜜水+檸茶)。野食上場，先黎既香蒜虎蝦炒意粉，香蒜炒得好香，一上枱已蒜香撲鼻，意粉煮既”U

今日夜晚去咗試呢間叫語命嘅樓上Cafe，佢係以星座塔羅占卜為主題，入到去燈光暗暗地咁，餐廳仲播住啲柔和嘅音樂，幾有feel🤤🤤睇完Menu之後，我就決定咗食黑松露野菌意大利飯（$98），跟餐會附送一杯野飲，不過既然一場黎到，梗係要試吓12星座特飲啦🤘🏻🤘🏻因為我本身都係白羊座，所以我就叫咗白羊座嘅特飲（跟餐+$18），佢係一杯白桃乳酪冰沙嚟嘅👅👅呢個黑松露野菌意大利飯，黎遠已經聞到好香嘅黑松露味，飯既分量十足，仲有好多蘑菇均勻地分佈係成個飯入面，啖啖都食到蘑菇、飯同埋黑松露，正呀😍😍呢個白桃乳酪沙冰都好正，白桃味甜甜地咁，又帶有少少乳酪嘅酸味，配埋一齊好夾好好飲，不過因為係沙冰，所以嚟到就要快啲飲，如果唔係好快就會融哂🙈最後埋單，我哋四個人每人都係＄100鬆啲，但係就過咗愉快休閑嘅一個晚上☺️☺️