幸圓

營業中

休息中

幸圓主打西日fusion菜，仲有刨冰、牛角包窩夫等igable甜品📸 裝修以木色及白色為主，走文青簡約風🌿適合同朋友靜靜哋食野傾計🍽️-🐟芝麻醬蛋黃火山海鮮丼 $328聽落係幾新奇嘅配搭！刺身有拖羅蓉、三文魚、油甘魚、吞拿魚、三文魚子～整體質素幾好，特別係拖羅蓉充滿油脂香🤤估唔到海鮮丼加埋芝麻醬都幾夾！撈埋蛋汁令所有食材充滿蛋香同埋滑溜溜✨🐑烤焗紐西蘭羊架配薄荷香草汁 $268羊架肉質軟嫩，肉味濃郁，而且唔會太羶火喉控制得好，仍然保留肉汁👍🏻🦑黑松露野菌魷魚筒墨汁意大利飯 $238魷魚筒包住黑松露野菌，一切開啲餡料及香氣都爆曬出嚟！魷魚筒爽口彈牙，外皮煎得好香🔥 墨汁意大利飯就正正常常～-🍧火焰檸檬柚子刨冰 $108冰底打得十分幼細！不過應該係為咗易啲定型所以壓得有啲實～外層係檸檬蛋白霜，中間及底層有柚子醬蛋白霜輕盈幼滑，而且唔太甜～食曬成個冰都唔覺膩🤓🍧芒果西柚芝士刨冰 $98芒果西柚味清甜，一啲假糖精味都無中間有cream cheese～另配芒果西柚醬可自行添加兩個冰相比，同行友人一致認為火焰檸檬柚子刨冰出色啲🤣當飯後甜品係OK，唔洗特登嚟食-🔻總結🔺整體食物質素唔錯，而且環境舒適～

平時好少經過鰂魚涌原來呢度都有唔少好嘢食🤩就好似呢間西日式Cafe咁有刺身丼飯之餘🐟又有意粉選擇🍝仲有好多勁吸引嘅甜品🍨✨幸圓海鮮丼 $238呢個海鮮丼材料好豐富😝有海膽、三文魚子、帶子、三文魚、油甘魚吞拿魚、魷魚、八爪魚、北寄貝、赤蝦等等🙈賣相色彩繽紛全部食材都好新鮮😋✨黑松露野菌魷魚筒墨汁意大利飯 $238本身以為魷魚筒會係平時見到切開咗一嚿嚿嗰啲🦑點知呢度嘅做法好特別😎將炒香咗嘅野菌、三色椒同洋蔥釀入去魷魚筒入面食落口層次更加豐富🥳意大利飯嘅口感都煮得啱啱好✨士多啤梨芝士奶蓋牛角包窩夫 $68呢排好興嘅croffle呢度都有得食一上枱已經聞到香噴噴😍Croffle口感鬆脆佢嘅士多啤梨醬仲食到一粒粒果肉🫣值得推薦👍🏻✨Bleu Bliss $58嘢飲方面呢度都有好多特飲選擇🥰今次就叫咗杯藍色嘅Bleu Bliss賣相好似藍天與白雲咁🌥️入口有豐富嘅雲呢拿香味充滿著奶香😚🍴幸圓📍鰂魚涌英皇道1001號1樓1-2號舖📞28380823

日系簡約裝潢，座位設置寬敞，空間感十足，使人感覺憩靜舒適，是跟好友聚餐的好地方。❣️ 幸圓海鮮丼  幸圓海鮮丼的海鮮款式多樣，包括三文魚、油甘魚、海膽、赤身、帶子、魷魚、赤蝦、鯖魚、八爪魚、香蔥吞拿魚腩蓉、蟹籽和三文魚籽，總共十二款。豐盛的海鮮丼，各項刺身新鮮美味。魚類富甘香油脂。海膽和香蔥吞拿魚腩蓉入口即溶。帶子和赤蝦鮮甜。魷魚和八爪魚新鮮帶嚼勁。 蟹籽和三文魚籽爆脆。富海洋鮮味的海鮮丼令人滿足。❣️ 黑松露野菌魷魚筒墨汁意大利飯切開魷魚筒，湯汁傾瀉出來，內藏滿滿的黑松露野菌。配搭墨汁意大利飯，美味。❣️ 火焰檸檬柚子刨冰  體積非常大的二人份量。刨冰頂部有甜甜的芝士奶蓋，內裏含味道酸酸的檸檬和柚子，配搭軟綿綿的雪花冰，入口即溶。口感和味道層次非常豐富，帶來清爽感覺，是夏日消暑恩物。🍹 Secret Angel由士多啤梨、梅子、青檸、薄荷葉和蘇打水組成。甜甜中帶微酸的味道，感到自然氣息。

難得鰂魚涌開左呢間有誠意既日式餐廳，餐廳既食物除左有心思，又打卡able，服務員都好有心，用心介紹不用既菜式，服務態度一流。餐廳環境光線充足，有d少女既感覺，坐得都好舒服，但餐廳係open area，樓層的一旁，所以最好揀坐窗邊位置。松葉蟹海膽三文魚籽丼-呢個丼飯超新鮮，除左有大量松葉蟹肉，仲有蟹膏係底，超鮮甜，海膽似係加拿大的，但大大啖，新鮮搭夠。松葉蟹肉重配埋蟹籽，口感變得脆口。黑松露野菌魷魚筒墨汁意大利飯，首先唔可以俾佢既賣相誤會，入口出奇地清新，因為魷魚筒入面係炒左野菜粒，有翠玉瓜、黃椒、野菌等，味道新淡，有菌香但唔會好搶。意大利飯煮得口感啱啱好，配上三文魚籽既鮮甜，味道鮮甜而清新。賣相重好靚📷甜品有士多啤梨芭菲，賣相好打卡able，面層有士多啤梨雪糕球、雜莓、食用花朵係面作裝飾，之後有軟身嘅士多啤梨雪糕、雲呢拿雪糕，中間再夾有士多啤梨果醬，酸酸甜甜，溝有脆米增加口感。飲品-Home made lemonade， 呢個飲品好啱悶熱嘅夏天，唔會好甜，好fresh，令人退去暑熱。