Cafe Paradise (杏花邨) (已結業)

今日和同事係杏花邨做完野的時候一起食飯，見到一間西餐廳Cafe Paradise好像不錯我地就入左去。餐廳環境裝修得好夢幻！！打卡點都非常多，座位都好舒適。我地叫左一個黑松露野菌薄餅同黑椒牛肉飯一起Share食。黑松露野菌薄餅：pizza係厚批底，但係食落唔會覺得好硬！而且pizza 的黑松露頗出，加上野菌厚肉多汁，整體口感不錯。黑椒牛肉飯：呢個黑椒牛肉飯我自己好鍾意，因爲這個飯是鐵板的，新鮮的牛肉透過鐵板煎香，只是聞到味道已經好想食！牛肉不會過熟，加上黑椒醬汁更是惹味。

去杏花邨探朋友，朋友話帶我去「遊樂場」。呢間餐廳裝修fancy，有「旋轉木馬」，baby blue colour tone，很有夢幻感覺。.食物方面，以西式為主，有pizza、burger、意粉、扒類等等。.⭐️慢煮紐西蘭羊架配薄荷汁有3大塊羊鞍，配以2種醬的，飯及菜。羊鞍好厚身，啖啖肉！.⭐️石燒美國安格斯穀飼西冷牛扒 石燒！上菜時是”Sasa” 聲的！感覺新鮮，不錯。.⭐️黑椒牛肉飯由生煎到熟，夠香。.⭐️炸魚薯條 魚夠大塊，適合開心share，一邊食一邊談天岩晒！

今次食野食到嚟杏花村，嚟到Cafe Paradise尼間裝修好靚好夢幻既餐廳，就係因為實在太吸晴就入嚟試下佢哈哈😍😍當你以為佢淨係得正常西餐咩，點知佢有d好好好好好似pepper lunch既鐵板野食，又見咁耐冇pepper lunch加佢真係實在係太靚太療癒啦，就試佢一下啦哈哈🤗試左佢個黑椒牛肉飯同埋黑椒雞脾肉飯，賣相唔差jilajila，又幾香播，個飯仲會有小小焦尼個看先係最正呀，加上佢仲會有dd熱住咁食食落又真係幾yummmmmy，仲有仲有最後佢既黑椒汁真係不得了呀，就是好吃哈哈😚仲有聽講pizza好食，今次就試左一個味，黑松露野菌薄餅，pizza size都係比較細既，所以一齊share食都尚算岩岩好唔會太太太太太飽，而且又夠哂多芝士同菇，真係好好味呀哈哈👅💦💦

輕鬆吹水cafe星期六,我地一大班朋友BOOK左呢間CAFE,邊食邊玩邊吹水。呢間鋪位置非常方便,距離杏花村地鐵出口行一陣就到,係杏花新城。入到去間鋪就見到擺左個好巨型既旋轉木馬,裝修幾靚,側邊仲放左隻好大既毛公仔。我地叫左好多野食,以下介紹其中兩款好食既。水牛城雞翼-一碟4件,個醬汁好特別,咸咸地有D似燒汁,雞翼都算幾嫩滑。黑椒牛肉飯-牛肉好大塊,肉汁豐富,7分熟,配上燒汁跟BBQ汁,用來餸飯都唔錯既。我地係間鋪HEA下HEA下HEA左3個鐘,一路吹水,一路玩下,黎呢到消下遣其實唔錯。價錢唔算好貴,一齊SHARE D野黎食都OK,最重要係黎呢到非常方便!