掌壽司 (已結業)

今日返工，約左朋友係觀塘附近食飯。朋友突然話近排發現左一間工場區裡面嘅高質日本餐廳，就今日帶我黎試下🤤入到餐廳，餐廳裝修都偏向簡約日本風格，環境唔錯。首先我地叫左一個燒蟶子。蟶子燒到啱啱好，唔會燒到好乾，好鮮甜。刺身方面，我地叫左油甘魚刺身同埋帶子刺身。帶子食落好鮮味，啖啖肉，好肥美😋😋 油甘魚刺身就油脂同魚香都好豐富👍🏻最後我地叫左一個黑毛和牛壽喜燒。和牛嘅脂肪比例分部好平均，食落去好香牛肉味，有入口即溶嘅感覺。最正係壽喜燒有好多蔬菜，所以唔會食到覺得好油膩。

今日朋友說要帶我到觀塘的工廠吃晚餐。他說這間店人流可多了。我們到這邊的時候已經是8點左右，差不多已經滿座～我們被安排到一個小房間，房間只有兩張小枱，挺舒服的一個空間，可以聊聊天，慢慢吃～岩鹽槍燒魷魚槍燒魷魚是有驚喜的一道菜。 本打算把魷魚一口吃掉，但想不到里面內藏玄機！🤣飯竟然在魷魚的中間🙊飯藏得太好了吧。魷魚不韌，不用沾醬油都可以。黑毛和牛壽喜燒這是非常期待的壽喜燒！壽喜燒的蔬菜非常入味！我差一點把湯都飲光😋和牛的紋路很漂亮，吃下去牛味重。我跟朋友都很喜歡這個壽喜燒🤤海苔軟殼蟹天婦羅卷飯的軟硬度適中，軟殼蟹的蟹肉挺多的～喜歡吃軟殼蟹的應該會喜歡這個天婦羅卷☺️南瓜大福南瓜甜度剛剛好，大福皮的粉不會很多，剛好不黏身，煙煙韌韌，口味特別，是美味的大福～！

世界杯期間真好，成日有人想請我食飯，因為有人另一半掛住睇波囉，搵咗我攝時間，有得話事我緊係食壽司啦！日本控出沒注意，哈哈哈！依座大廈真係好多舖頭，上次來過一次掃化妝品，今次就來開餐。食店都坐得幾舒服，仲幾靜，可以傾下計幾好，仲有個前菜送添！"雞泡魚乾" 我個人好鐘意食魚乾，口感煙煙韌韌又鹹鹹地，仲有D蜜糖甜味。"刺身" 牡丹蝦好鮮甜大隻；活赤貝好爽，兩款都好正。"壽司拼盤"呢~ 我覺得海膽最正，好多料又甘甜，好回味呀！"黑毛和牛壽喜燒" 雖然我唔係食肉獸，但和牛就例外，依家牛肉口感有點爽，都好食，加上我鐘意甜，壽喜燒湯底好適合我。"黑芝麻雪糕" 好似食緊一杯用芝麻糊做的雪糕，好好好香濃。

近年觀塘工商業區真係好大轉變，開左好多新餐廳係工商廈入面，晚上個區仍然人頭湧湧，好熱鬧！對於已經試過晒apm餐廳，又唔想食food court 既情況下，我已經轉戰左工商區個邊好耐了已經第二次黎到掌壽司光顧，食物選擇多了，（個陣第一次幫襯可能新開張，選擇小d)， 食材依舊新鮮。抵讚！由於在工商廈區，餐廳地方寬敞，客人自然坐得舒適，而且又冇限制坐幾耐，今時今日係香港寸金尺土嘅地方可以舒舒服服咁食餐飯真係幾奢侈～而且又可以泊車，就算apm行過黎都係5分鐘就到，超方便！Order左2碟前菜雞泡魚干：燒得剛好，唔會乾爭爭，無腥味，配上黑白芝麻增加香味， 沾上沙律醬食更好味。火灸吞拿魚柚子醋沙律： 火灸了外層既吞拿魚，內裡仍然係鮮嫩嘅深紅色，新鮮爽口沙律菜配上柚子汁，整件事好清新開胃之後我地既重頭戲就係原板馬糞海膽帶子刺身時令壽司盛海膽非常鮮甜，唔會有苦味或者臭味，價錢都只係$168，好想encore 再 encore 帶子肉質厚實彈牙又新鮮，而且唔會雪到過凍，完全冇冰硬感壽司盛六點分別有：拖羅，時令海膽，赤身，白蝦， 牡丹蝦，池魚。手握壽司尺寸及飯質軟硬適中，壽司醋唔會過濃，唔會搶去刺身既鮮味

舊同學澳州返嚟，我哋想搵個地方坐得舒服啲啲傾下計。同學大部份都係觀塘區返工所以就book咗呢間。有人食過lunch幾抵食，咁就二話不說就book咗位啦。工廠區有去開outlet嘅都唔會陌生好容易搵。去到啲環境係有裝修嘅，安排左我哋坐大枱。同學仔一打開本Menu唔識叫，因為見到多數都係二人份多，同埋附近嗰啲都係二人情侶⋯⋯我地一行六人，仲要其中一個孕婦無乜野食得⋯⋯都係叫啲大路野。時令刺身拼盤，都係外國送來啦有乜分時令吖。刺身都好新鮮嘅吞拿魚（唔是腩）、三文魚（幾厚）、赤蝦（都大隻既）、帶子（切左片既🙄）、油甘魚每樣三件，叫咗個和牛壽喜燒⋯⋯牛肉12片連溫泉蛋兩只，果然係二人份😅不過個煮法就唔係正宗喇，成個煲都無野點燒呀，汁又唔同味，似火鍋多啲。叫咗個香蔥吞拿魚腩赤蝦卷，得四件唔夠分啦哈哈賣相靚既，刺身新鮮都唔會難食既。仲有個皇帝蟹鰻魚卷，都係得四件，鰻魚完全搶晒啲皇帝蟹肉味，唔講唔知有蟹肉浪費左貴食材。雞泡魚干都係買現成番熱嘅無特別。烤物南瓜蕃薯天婦羅正常味，雞軟骨都係唔特別叫無乜油既，炸雞翼四隻唔夠分我無食🙄傾計就好夠靜（我地都無嘈架），1030關門轉場再食。門口見到lunch me