灣仔冰室 (已結業)

黑毛豬肉好林☺️但個汁太濃了，如果可以適量咁調節下會比較好倉魚蒸得岩岩好，而且唔細條價錢已經配埋飲品，所以算抵食，店內員工勁有禮貌，而且茶餐廳黎講佢啲通風做得好好☺️食完都唔會好太油煙味👍🏻

昨晚係灣仔個頭附近學完車，好肚餓，離遠見到呢個黃色大大個招牌既冰室，就黎左呢間冰室醫下餓先，店員安排左我去卡位座,佢推介我食佢地新出既即烤黑毛豬叉燒大碗飯，加凍飲+$7，所以就叫左杯少甜既凍檬水，等左15分鐘左右就黎到啦，好香噴噴既黑毛豬叉燒配2隻太陽🌞蛋，一篤開隻蛋，d 蛋汁流落去d 飯度更加好味道，再食埋舊黑毛豬叉燒，唔多肥膏仲好多汁嫩滑，真係估唔到小小既冰室都可以食到黑毛豬叉燒！😋😋😋之後再後加個木糠布甸，佢好得意係有間車仔盛住個甜品，打卡一流！😍味道唔太甜，好creamy 既口感，幾好味道！😌+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

港式茶餐廳向來以快捷見稱，所以不能說質素欠奉但亦不算是高質的美味，但當中就是有着其獨特的風味，算是香港本地獨有的飲食生態之一。灣仔食肆林立，要找一間價錢合理的餐廳不算難，尤其是茶餐廳，可以說是梗有一間喺左近。舊式的茶餐廳又名冰室，大多感覺比較懷舊，亦沒那麼整潔，滿是街坊風味。而筆者屋企附近最近新開了一間冰室，風格卻截然不同，燈火通明，地方四正，牆上貼上多幅舊日的灣仔景觀，新派得來懷舊色彩濃厚，店員亦熱情有禮，和熟客打成一片，蠻有街坊食堂的感覺。細閱餐牌，發覺這裡麻雀雖小，五臟俱全，除了一般茶餐廳供應的茶水麵包炒粉麵之外，還有提供不少家常小菜供客人選擇，筆者當晚就和家人點了滿枱不同的小菜，實行一試這冰室小店的水準。椒鹽魷魚，大廚採用了傳統的拍粉處理，炸皮薄身酥脆，魷魚厚肉Q彈，味道剛好不會過鹹，很有舊日酒樓的風味。薑蔥霸王雞，這款是店員的推介菜式，一端上來十分吸睛，翠綠葱花堆滿了整碟雞件之上，雞肉熟度剛好，幼嫩滑溜，葱油雖感覺有點肥膩，但味道鹹鮮，滲著濃郁的葱香，以茶餐廳來說質素實算超班，果然值得推介。煎封黃花魚，原條黃花魚煎得金黃香脆再淋上微甜醬汁，入口魚味十足，鮮嫩酥香。魚香茄子，茄