蜜蜜見 (已結業)

自從發現將軍澳變得咁Pet friendly，我地都去多咗好多🙈 係咁熱嘅天氣下同🐶 係戶外玩咗一陣即刻好口渴，想簡簡單單坐低飲啲嘢，食啲輕食，不防黎呢間 @delisweetie 佢地主食又有，輕食甜品又有，就咁飲嘢都得，將軍澳嘅朋友真係有福了～雪糕天地 📍$42係咪好有童心呢？真係好耐無食過咁色彩繽紛嘅雪糕杯啦 😍 有齊雲呢拿、朱古力、士多啤梨雪糕，仲有浸過焦糖嘅香蕉，充斥住幸福感 💞芋圓仙草📍 $38可以自己配搭更多配料架。我地今次就白簡單單揀咗芋圓，珍珠，椰果，同埋芒果，四款一齊食真係好夾，越食越想食多啲，一啲都唔會濟，好啱夏天食橘子檸檬梳打📍$36雖然呢杯好似好簡單咁，但係佢嘅味道金金甜甜，飲落有少少氣，夏天飲真係好refreshing黑牛 📍$24好似越來越少地方有呢啲咁傳統嘅飲品啦，難得見到，我地梗係即刻叫啦。朱古力雪糕味道濃郁，配落可樂到，真係肥啲都值呀 烏龍茶 📍$28茶味幾香濃，清清地，同甜品好夾，唔會搶味

放假就會好想食甜品，去開將軍澳發掘到呢間有咸又有甜嘅甜品店。打開餐牌鹹甜嘅選擇都好吸引，見意粉餐有加配優惠，我哋就叫咗一個餐另加小食甜品。意粉餐揀咗粒粒蟹肉意粉（$88），跟餐免費配汽水或者花茶，加錢可轉其他飲品。蟹肉意粉彈牙有嚼勁掛滿香濃忌廉汁再加埋蟹子更有口感。跟餐加$16叫咗Iced Latte Macchiato ，望落好似冇冰但飲落夠晒冰凍，比起有冰嘅咖啡完美保留到咖啡嘅香味，就算飲到尾都仍然夠凍，估唔到呢度嘅咖啡有驚喜。朋友叫咗杯黑牛，$24大大杯好抵飲。小食揀咗芝士肉醬薯條（$54），雖然係小食但份量超足，肉醬味道濃郁，層次豐富，再加埋拉絲芝士，食唔停口！喺咁多款招牌甜品中，我哋揀咗香芒拿破崙泡芙（$54）-跟意粉餐可減$15，泡芙賣相精緻，非常酥脆，夾埋芒果醬吉士醬同雪糕一齊食實在係完美嘅組合，果然係招牌甜品！另一個甜品揀左新推出嘅榛子香蕉牛角窩夫（$54），牛角窩夫熱辣辣，口感酥脆夾雜陣陣牛油香，上面鋪滿榛子香蕉醬再加新鮮打嘅cream，仲要打孖上，超級滿足！呢間小店由咸到甜都咁有心思，非常值得推介！順帶一提，牆上掛咗幾幅好靚嘅原創畫作，去食甜品之餘可以欣賞下🎨好滿意

可以有熱食有甜品，一次過滿足哂兩個願望，結果入到去就真係太多岩食既搞左勁耐先決定到😂😂2個人嗌左三款熱食：雞翼，辣肉腸意粉(跟餐加左杯黑牛)同豬手；甜品就嗌左oreo 2.0(雪糕加果仁加…5層脂肪啦總知😆)同仙草芋丸熱食真係每樣都正，雞翼炸？焗？唔太油夠light，加埋蜜糖汁夠清！辣肉腸意粉因為蕃茄汁就少少酸辣，夠開胃但又唔會不斷飲水…只係個腸無乜味豬手拆哂骨，岩哂懶人！如果蜜糖味再多d就仲正😊但都夠脆，正！甜品一清一濃，肥左都抵，特別oreo 2.0同黑牛，個朱古力雪糕夠哂味，正！！p.s. 餐廳既侍應好好態度又好服務，一定要讚！

將軍澳搵Cafe休息，teatime 都唔係容易既事，剛巧天晉匯開左間Cafe「蜜蜜見」，可以俾我地食甜品傾計！首先餐廳環境方面，全店以白色為主，配上七彩繽紛既椅子，枱以長方形為主，適合三五成群既知己朋友坐底傾計，格調簡單又舒適！其次甜品方面，小編叫左楊枝甘露，份量材料充足，除左有濃濃既芒果味道外，仲有少量既柚子味道，不太甜！仲有粉粉紅紅既雜莓奶凍，充滿少女心，有濃濃既草莓醬，俘虜左小編既心！最後服務方面，店員細心問客人需要及推介食品俾客人，而且仲不時為客人加水，令客人感到更舒適！整體而言，餐廳環境頗佳，食物優良，服務極佳，將軍澳休閒之選！