轉角‧見

營業中

休息中

荃灣人氣黃色小店每次去到都見到大排長龍原本以為入面無咩位坐 但原來入面幾大 環境比外面好今次叫左型男漢堡同蘑菇未來肉漢堡😍好開心有得食未來肉漢堡 因為平時唔食肉既我 終於可以食漢堡😍呢間小店食品高質 個薯條又勁好食下次會再黎😍

荃灣隱蔽嘅💛小店，好受歡迎，假日長期都要排隊，已經黎過好幾次都放棄咗🙈🙈今次下定決心要等吓，其實門口有櫈坐住等都好快啫😆食物即叫即整，所以都要預少少時間等🤤🍔 型男漢堡 ($68)應該係小店嘅招牌菜，即叫即整，用咗100%新鮮牛肉，有漢堡牛扒、美國煙肉、流心蛋、沙律菜、紅菜頭、蕃茄同芝士，非常足料🤤🤤 我其實平時唔食紅菜頭，但係唔知點解夾喺burger入面，有一種好新鮮refresh嘅感覺，又幾出色😍👍🏻👍🏻🍤 催淚蝦堡-期間限定 ($72)即係Wasabi蝦堡，蝦好新鮮🥰食落都幾攻鼻，但就純粹催淚，冇乜芥末味，如果好鍾意芥末嘅話應該會失望🙈🍺黑牛 ($28)係久違了嘅茶餐廳風味，喺雲呢拿雪糕上面加咗少少可可粉，賣相即刻加分🤤🤤🍵鮮奶抹茶 ($28)賣相同拉花都好靚，但係可能擺耐左先飲，飲到中間超級多粉🤢 唔夠幼滑，飲飲下已經冇飲🥺

食物味道幾好😋😋但選擇唔多～店內地方環境又幾舒適，如果坐外面，隔離就係洗手間～都好適合同幾個朋友or 情侶去食下野，傾下計～型男漢堡🍔 配沙律🥗好多材料，個蛋係流心既，一咬d 蛋汁流出泥，令到個包唔會好乾身，牛肉都好好味！而沙律係配烘培芝士醬，好味～蒜香藍鱈魚🐟意粉🍝我個人比較中意食硬身既意粉，所以覺得煮得岩岩好，唔會好林～而魚既味道幾好，但就有d 嚡～如果可以再加多d 蒜片會更好味！同埋食到最後，個底真係幾油下，可以少d 油會好d~芝麻蝦多士🦐🍞上面勁多芝士，蝦都好爽口，多士好脆，沾埋個醬一齊食好好味，但油左少少～黑牛🍦🍹可樂（應該係沙士汽水）+雲呢拿雪糕將雪糕同汽水攪拌再飲味道更好～抺茶奶昔🍵🥛味道唔錯，好濃既抺茶味，所以有少少茶甘味～環境：地點有d 隱蔽，店舖不算大，但都算舒適，地方都好乾淨！店員都好nice~🙂