Outback Steakhouse (德福廣場2期) (已結業)

年初九突然約到好朋友食快閃LUNCH, 地點揀左德福商場, 二話不說就outback steakhouse, 因為餐廳夠大, 所以容易有位。政府剛放寬了可以4人食飯, 眼見商場食肆好多人, 心中暗喜餐飲業可以繼續營業。中午放工去到大約1:30, 門外都有不少人等位, 我地2人反而等2張就有, 太好多。九龍灣此分店好大, 我地坐到大電視位置, 而且全場爆滿, 不過待應就比較少, 但依然有禮貌, 做野快手快腳。我地點了兩個LUNCH :燒肉醬味豬肋骨 $128澳洲芝士漢堡 $88最中意係每個餐都跟飲品, 餐湯, 黑糖包(可以免費ORDER, 外賣$10)澳洲芝士漢堡食左好多次, 漢堡扒好香, 肉質JUICY, 薯條都係大大份燒肉醬味豬肋骨原條真係好多, 而且肉嫩易咬, 不錯提一提大家, 可以免費DOWNLOAD佢地的APP, 會有9折, 每次消費後的收據可以SCAN QR CODE用黎存分換食物呀 !

對上吃outback可能已是10年前，今次突然來吃，無想過如此驚喜餐牌多了很多選擇，感覺比之前便宜了？多年後再吃這個馳名黑糖包，軟糯帶點煙韌，有很香的黑糖味，難怪個個都話好食這碗青瓜湯不過不失主菜叫了US prime西冷，由於沒帶著任何期望叫的，所以吃下去令我非常驚喜熱辣辣，medium rare，牛扒少筋易咬，軟腍多汁，鹽，牛油和黑椒的調味，帶出肉的味道，令它層次升級，嘩，相比起上次去ritz carlton鋸的和牛扒，這裡完勝九條街，價錢更加平一截，我知道為何outback做了這麼多年仍然咁受歡迎了無他，只因美味，足以留住人心配菜選了薯條和羽衣甘藍沙律，前者很好味，炸得很香，鹹度剛好，沙律就爽脆，略嫌油了少許。蘑菇汁無特別，因為肉新鮮好味，所以都沒有點汁另一主菜點了鱸魚，得滑，但底下的飯有點霉，有點影響整道菜因為朋友是會員，兩人埋單打了8折後只是$500有找，真係抵到唔知點形容，加上當天有個好友善風趣的waiter - Kenson serve我地，令是次用餐更加愉快

今日去左九龍灣德福行新開既muji，行完肚餓又到下午茶時間，周圍都好多人，於是搵間係咁多人，地方又大，又坐得舒適既餐廳食，咁我就黎左outback。大約等左20分鐘就可以入內，響等位既同時，已經諗好叫芝士雞肉夾餅，因為被芝士吸引左，同時再叫多個招牌黑糖包1. 黑糖包2. 芝士雞肉夾餅黑糖包焗完出黎，再加佢既奶油，外皮鬆軟，內裡好有質感，唔同出面既空氣包，價錢$10，真係好抵又好食😋芝士雞肉夾餅可惜無咁熱，芝士無流心效果，但配埋個特製醬，真係好好食，薯條即炸，好香脆，份量都算多，總括呢個下午茶性價比高，可以再試😋😋

黎 Outbacks 要食黑糖包 (無限 refill 的 !) 是常識吧 !微熱麵包配埋奶油係好食, 不過要留胃食主菜我地2個人叫左香辣炸雞搥, 一碟有8隻, 聞落係好香, 不過個辣味一般, 而且炸得比較乾, 唔推介另外仲叫左美國西冷牛扒 (5成熟), 可以揀2款配菜, 揀左甘藍沙律同薯條牛扒質素中規中舉, 有肉汁, 有牛味, 但未有驚喜 🤔薯條做到最基本要求,  脆同熱 !甘藍沙律係失望 😟 .. 雖然羽衣甘藍係比較貴,,, 我都唔 expect 份量會好多, 但成個配菜得 d 羽衣甘藍碎... 夾夾埋埋都唔知有冇一塊 ... 反而紫椰菜就好多 ... 下次唔會揀呢個配菜餐廳人手唔係好夠, 侍應亦都經常整跌野 😅 ... 但坐得幾舒服, 亦唔會有人催賣單 ~

心掛掛黑糖麵包，就黎呢間新店食，地方好大，裝修得好靚，而再入啲嘅位置整到火車入面咁，幾特別，座位闊落坐得舒服。落單上菜都好快手，侍應會自動自覺斟水收碟，服務好。今次三人叫兩樣菜已經好飽，分量多又大，平均每人$150。黑糖包 Free食咁多次都仲係覺得咁好食，包微甜外微硬內夠鬆軟，加上牛油咸咸地咁，更香更好味。烤肋骨雞搥芝士薯條拼盤 $168肋骨同雞搥各有6舊，薯條分量都算多，好抵食。肋骨個醬味道好濃，酸酸甜甜，酸味較出。雞搥，炸到脆卜卜，咸味重左啲啲。薯條，夠實在，外脆水內軟，芝士再多啲咁就Perfect。美式慢燒安格斯肉眼牛扒(8OZ) $228好香口，牛香味愈咬愈出，呢個熟度岩岩好。而配菜揀左薯條同焗甜薯，薯條同頭先一樣好食，而焗薯真係必食，黎到熱辣辣，睇住個Cream溶化，口水都流，個甜薯真係好夠甜，唔係假甜味，配埋Cream變到好滑口好creamy好好味。

因為食完黑糖包之後成日心思思想再食，時隔唔夠一個月，我又再戰outback啦今次就黎到九龍灣既分店，哩到既空間同座位都寬好多，坐得比尖東分店舒服！侍應人數都好多，大家分工明確，唔會好似尖東咁侍應所有野都一腳踢，亦唔會叫極都無人理，服務質素較好燒肉醬味豬肋骨因為食肉獸成日要有肉落肚先滿足既關係，豬肋骨上次食過都要再encore今次豬肋骨既份量較大燒得冇咁乾身，表面仲保留住醬汁，賣相更吸引之餘，味道更惹味！肉質亦相對嫩滑有汁，唔似尖東咁乾同柴；而且豬肋骨更厚身，肉既比例多左，真係啖啖都係肉豬肋骨肉質更鮮嫩多汁，依然入味、骨肉亦容易分離，唯獨是薯條冇咁好食，入面薯蓉較少同相對幼身啲，唔夠驚喜薯條作為配菜，表現欠佳亦無傷大雅，就主菜而言，哩到既豬肋骨無論味道定肉質都更勝一籌香辣燒蝦飯 配料有四隻蝦、肉丸片、淋洋蔥、淋蕃茄、炸紅蘿蔔絲同蔥 蝦燒得乾身，但蝦係無味既蝦仲要唔新鮮、肉質霉霉地，差肉丸片都幾多片，提升飯既鹹味炸紅蘿蔔絲脆口但較乾，增加口感淋洋蔥、淋蕃茄、蔥可有可無既配角飯飯粒粒分明，唔算乾身，未至於過淋整體味道一般，飯一上台已經係常温，唔洗試沙律菜唔算太新鮮黑松露蘑菇湯：食得出有黑松露