伙食工業 (已結業)

可能因為食店係喺工廈卦，所以門口冇名牌。之前已光顧過，上次來食lunch，食物都唔錯，只係上菜速度比較慢。 今次係同友人嚟tea一tea，只點左飲品同小吃。 下午茶時段，人唔多，好多位任揀。最呃like應該係d拉花咖啡，我卻係為左杯美祿恐龍而來。尤其炎炎夏日，真係好掛住呢杯恐龍。鹽酥雞炸得香口，表面再灑上少少辣粉，好熱氣！另外仲點左台式甜不辣，我以為有湯的，原來只係炸魚餅咁，有d油膩。記得上次嚟果時，店員都係講國語，但今次的全部變哂local人。雖然轉左人，但面口一樣，同上次一樣都係木無表情。唔知點解可以令人覺得一d都唔被welcome，生意可做可唔做咁，雖然佢地d食物都ok。

自從睇完小儀金剛介紹呢間有特色既台灣店，便好有衝動要來試試！地點位於火炭其實頗為不方便，相信平時多數做附近工廠生意較多。星期六下午去已經9成滿，餐廳採自助點單形式。好喜歡餐廳裡的懷舊擺設，好特別。至於食物，真的不要抱太大期望。先來穩陣之選的半筋半肉麵牛腩牛筋其實味道都濃，幾軟身入味。可惜的反而是麵條，其實食物未到時已留意到隔離台食剩大半碗，心想是否叫太多食唔哂，但試過之後的確食唔落。麵非常厚粉，似食緊刀削麵，太Lum身，完全敗筆。之後的鹽酥雞湯麵亦非常失望。鹽酥雞炸得非常燶，乾身，似食石頭！麵條如上應該出自同一鍋。所以不值一試。最後的滷肉飯加迷你滷水拼盤屬正常，滷肉飯份量較細，女生剛好，但男士一定不夠飽。豬耳味道不錯。成餐飯最回味一定是這杯黑糖奶茶加黑糖凍！食台灣野點少得叫台式奶茶呢！