たまご園 (朗豪坊) (已結業)

假期同朋友到朗豪坊行街，行到好攰，於是想搵個地方坐起到傾下計。朋友帶左我去TAMAGO-EN 食甜品，我地叫咗兩杯飲品，同埋一件蛋糕開心share。 豆腐芝士蛋糕(配士多啤梨) : 呢個芝士蛋糕嘅芝士唔會太濃，豆腐同芝士味道很夾，伴以蛋黃醬同埋雜莓醬，可以每一啖點唔同嘅醬嚟食，口感軟綿得嚟帶點清新的感覺。士多啤梨奶昔：賣相巳經夠晒吸引，佈滿新鮮士多啤梨果肉，雪糕球巳經佔咗杯子1/3，夠晒香滑。口感順滑，奶昔既士多啤梨味都好出。黑糖珍珠奶茶： 賣相正常，軟硬適中，珍珠很有𡁻口。

喺旺角銀行處理完啲文件，一家人搵嘢食，喺OpenRice見到親子丼飯，見到來自日本，決心去是一事，店舖比較細小，見到全場已滿座，自己又唔係好想等，但係店員非常之好服務，同我哋講，又有一張枱就走，你哋可以等一等！大概10分鐘就有位，嗌咗兩個飯，一個意粉， +1個小食，兩杯嘢飲！親子丼非常出色，蛋好香濃，雞肉非常之滑！炸豬扒當豬扒非常香脆，飯裏面充滿蛋味，非常濃郁！煙肉明太子忌廉意粉，亦都係充滿蛋味，全餐蛋味滿佈口腔！正！唯一唔滿意嘅地方，地方比較細，冷氣不夠充足！

之前媒體成日都見到呢間既推介，不過次次去旺角都無食過~~所以就專程黎試下，睇下係未真係咁好食~~呢間最吸引我去試既係「終極TKG生雞蛋拌飯」（$39），我同朋友都係叫呢個餐~~一碗就加$28金槍魚蓉同加$15配迷你沙律及味噌湯。再叫左杯黑糖珍珠奶茶。另一碗就配 $28醬漬三文魚同$18牛油果，加$15配迷你沙律及味噌湯。再叫左杯水果茶~~可能我下午無食野既關係，好快就食曬成碗飯，而且食完都唔太飽..感覺份量太少了，而且黑糖珍珠奶茶的黑糖唔夠味~~另外再叫左個小食，玉子燒 (3件)如果下次再有機會去呢間，我會選擇吉列豬排或親子丼~~