花斑茶社 (金龍樓)

營業中

休息中

帶著新買的環保杯 去元朗的花斑茶社。點了黑糖珍珠烏龍奶茶少甜少冰，因自備杯可減$3。奶茶甘香，珍珠口感很好十分彈牙煙韌，最怕買到好硬沒煮熟的。黑糖甜度亦剛好，整體很好，不會膩。

一直有聽人介紹花斑茶社既飲品好飲，咁啱行過，一於去買黎試下。🔍黑糖珍珠烏龍奶茶今次叫左黑糖珍珠烏龍奶茶少甜走冰，雖然有叫少甜，但因為係黑糖珍珠既關係，其實都甜甜地，驚甜既朋友可以揀微糖或無糖。黑糖珍珠係煙韌，有咬口既，但對我黎講，我就覺得硬左少少，如果冧少少就好啦。整體來講，我覺得黑糖珍珠烏龍奶茶味道唔錯。有機會行過一定會再買黎飲。📚有機會都會想試下佢另一款好多人介紹既「白桃烏龍+寒天」，聽講都係好飲既。

香港珍珠奶茶店實在太多選擇，我都搞唔清邊間打邊間。復活節五日長假期，見疫情又有少少緩和跡象，一於到一年都無去一次既元朗走走搵好西食一落車已經見到沿路有幾間新店鋪開張，果日又鬼咁熱，即刻想買杯飲品涼一涼，行下行下就見到一間裝修比一般門面時尚既店舖，原來係台式珍珠奶茶店，叫花斑茶社，個名都幾特別，又上網搵下呢間連鎖店既評分係點先，原來都好高分，唔係好甜既我決定買杯試試。兩個人叫左一杯名間四季春，少甜，另外又叫左杯招牌，黑糖珍珠烏龍奶茶，少甜。杯名間四季春茶味好香好出，少甜亦調得啱我心水，下次加埋個芝士奶蓋試下先。另外一杯黑糖珍珠烏龍奶茶都好飲，我本身對奶類好敏感，所以開頭只敢飲兩啖，但緊係飲飲下又飲多咗啦，但當日飲完竟然個肚仔無事喎不過唔知係因為太好飲，定本身杯野唔夠大杯，好似好快飲晒可能果日係第一日開張既關係，門口好多人，裡面有茶葉買，不過見太多人最後無買到，下次入元朗再買啦。