MangoChaCha (已結業)

難得同一年無見既大學朋友聚舊，我地係好時沙嗲食完晚飯未傾計喉，於是搵下附近有咩甜品鋪可以歇腳。見到MangoChaCha近近地，佢主打芒果甜品又夠大路，仲要幾多好評，咁就決定去食下，點知間鋪比預期有啲難搵，原來佢唔係exactly係openrice所寫既漆咸道南，而係要屈入去赫德道先岩。去到等左一陣位，企係鋪外時見到佢地世界各地都有分店，我都幾期待下食到啲香甜文芒！我地三個人，總共叫左兩個甜品share，首先叫左個招牌（黑糖挫冰配文芒 $48) 其實挫冰仲有＂情人＂系列（e.g. 招牌情人），個分別就係"情人"系列貴十蚊然後多一球芒果味雪糕，但我地哩啲無情人得黎仲要著住外套都覺得鋪頭內好凍既人，都係叫返招牌算喇。個挫冰融既速度有啲快，尤其我手腳又慢食得仲慢，食到一半都半水半冰，配埋甜甜既黑糖，感覺有啲似飲緊冬瓜茶，都幾好飲／食既。而啲文芒就令我好失望喇，文芒肉咳落去無想像中既柔軟細膩同埋濃香，反而有啲生，味道偏淡，口感偏硬身。唔知係咪季節未當造，定係佢地切芒肉切得太近核，感覺較多纖維，總之就唔係想像中淋身香口既芒肉。我朋友仲講笑話，芒果咁一般，咁我不如用十幾蚊買杯冬瓜茶仲抵啦食完極凍既