Outback Steakhouse (愉景新城) (已結業)

下雨天, 下班後到達愉景新城, 仲猶豫緊晩餐食咩好。逛逛下見到OUTBACK, 仲做緊特價, 不論外賣定堂食都係呢個價錢(只係差10%既服務費)。因為實在太想食佢地個黑糖麥包, 見到有位, 二話不說就走入去食啦! 我地點左燒蝦凱撒沙律同芝士白汁燒蝦寬麵, 仲有大既STELLA ARTOIS 生啤, 由於真係太口渴, 個生啤冇影到相就清左了。首先黎左個黑糖麥包, 個包真係好正, 配埋個牛油, 絕配, 我地2 個人不知不覺食左3 條。跟住黎左是日餐湯 - 青瓜湯。個湯個清清地, 但好重牛油味。燒蝦凱撒沙律 - D 蝦燒到剛剛好, 調味唔太咸, D 菜好新鮮, D 汁略咸, 但整體好好味。芝士白汁燒蝦寬麵 - 調味剛好, D 麵軟硬度剛好。老公極力稱讚好味。埋單以呢個價錢黎計, 真係好抵。

呢日放假，黎荃灣行下街休息下行到攰攰地就想搵個地方坐下食下野～由於係星期五，所以冇咩人，正！話說原來自己第一次食Outback既Tea唔知抵唔抵食呢！＃黑糖麥包呢個包配埋牛油好好食！感覺如果有多一份我地都可以食得哂～#澳坊芝士漢堡朋友叫左呢個漢堡，賣相唔錯味道都可以，不過個牛有點過熟＃香辣燒蝦飯我就叫左呢個飯，望落好似好香！平時又好鍾意食蝦賣相好好睇，不過食落就覺得有ｄ失望，Ｄ飯煮到一舊舊，食落偏淡，加上唔夠熱

Outback對我來講真係百吃不厭嫁！每隔一陣子，就會心癢癢，好想食，十年不變！上星期六，為著預早為我最愛慶祝生日，決定再度光臨！由於我個人比較隨性，通常都唔會book位，選擇晚上6:00幾walk-in, 食到8:00幾交台。今次我們到左settle down後，waitress 就向我地介紹匯豐信用卡推廣優惠，指定set menu 星期一至四低至7折，咁岩有呢張卡，最後決定叫優惠2-享用2人美國頂級肉眼牛扒套餐價值港幣559元（星期五、六、日有85折）。除咗黑糖麥包外，我首先第一樣介紹有忌廉蘑菇粟米餐湯，味道不錯，粟米夠甜，忌廉味濃郁！再來二人分量的 Caesar salad!其實我真係勁愛outback 既沙律嫁，雪到凍凍地既新鮮生菜，食落爽口，夾上香濃芝士，鹹味麵包碎，極值係perfect match!到左主菜，首先有今晚主角，美國頂級肉眼牛扒套餐，牛扒放上熱辣辣既鐵板上，充滿氣勢地上台，喜歡呢個做法，因為鐵板既熱力可以令牛肉既表皮微微燒焦、但裡面肉汁鎖緊，一口一口地咬著美味牛扒，會有種好幸福既感覺！再配上蘆筍、被烤過既原隻蒜頭、酸酸小果子等伴菜，食起上來更加滿足！另一份主菜就