Outback Steakhouse (德福廣場2期) (已結業)

黑糖麵包好好味，最正係可以無限任叫。侍應服務拍得住澳洲牛奶公司嘅職員，老人家用安心出行慢，門口帶位員就先畀一個面色。收碟多數都要叫佢哋先會嚟收。其他食物性價比比較低。分隔板下面有前幾手嘅食物殘留⋯

都有一段時間沒光顧OUTBACK了，是次同朋友相約晚飯，朋友提議來OUTBACK。說到OUTBACK，第一時間想起的當然是每枱都奉送的黑糖麵包啊第一次來德福廣場的分店，店面大間，座位夠寬敞。和另外兩位朋友點了兩份小食及兩份主食來分享！黑糖麵包，微暖又口感鬆軟，加上淡淡的黑糖香甜味，好吃！！炸蘑菇，是我喜愛的小食之一。炸蘑菇外層炸得香脆，而蘑菇內裡不會乾身，多汁又有菇菌香，令人吃個不停口～～～蘸酸忌廉來吃，能稍減一下油膩感。香草蕃茄海鮮意粉，配料有蝦﹑青口﹑帶子及魚柳，意粉面層灑上一些巴馬臣芝士。意粉的質感稍為稔身一些，不夠爽彈。意粉帶有香草蕃茄醬味，味道不會太酸。海鮮配料並不特別鮮甜好吃。燒肉醬味豬肋骨，伴薯條及酸菜。豬肋骨啖啖肉，肉質較為乾身，醬汁不夠多，味道並不算好惹味。吃點酸菜，令人開胃一點，沒那麼快感膩滯。烤肋骨雞搥芝士薯條拼盤 (Appetizer Combo)，一心只知是小食拼盤，並沒有留意是什麼配搭，原來當中又有烤肋骨！！小食拼盤中的烤肋骨雖然沒那麼啖啖肉，但醬汁卻香濃惹味些啊！！雞搥炸得外脆內較嫩，帶有肉汁，都算不錯～～～芝士薯條，粗身薯條帶薯仔香又夠脆口，加上芝士醬，

好耐冇食過Outback 今日朋友臨時約我食飯一時間諗起就可以嚟呢度 最鍾意呢度嘅環境 唔會迫又好坐傾計好正 仲要今日唔使等位 實在太好相信好多人都好鍾意食呢度嘅黑糖包 講真我次次都自己食兩條😂有時真係飽到食唔落其他嘢今日見到有一個會員優惠就係會員價$178可以有個拼盤 入面有豬肋骨炸雞鎚蕃茄仔同芝士薯條咁平仲有咁多嘢食真係好抵另外可以加$42叫埋黑牛飲 非常滿足 由於朋友想食帶子所以又加咗$98有一份帶子最後黎到outback當然唔可以唔食牛扒 我哋叫咗美國西冷牛扒配鮮蝦蘑菇$258 呢個我真係第一次食 原來嗰個白色醬汁真係好好食 呢個應該係cream sauce 食outback一定要係會員先最抵 因為會有85折 仲可以用$100優惠卷😂

最近由於疫情的關係，政府開始推出一系列的防疫措施，包括晚市禁堂食，二人限聚令等等，簡直是重創飲食業，所以很多餐廳立即紛紛推出一些優惠套餐來「自救」，而 Outback 亦不例外，除了推出了外賣優惠套餐，同時堂食亦推出了午市特惠套餐，至於食物款式則和外賣一模一樣不過提提大家，堂食的套餐只包括了餐湯和黑糖麵包，餐飲要額外另加 $18，並且只有咖啡茶/檸茶檸水/汽水等選擇，其餘所有特飲和酒類則已暫停供應，所以我們最後都只是單點兩份套餐便算了No.1【燒澳洲羊扒】$168羊扒可以選擇 5成 / 7成 /全熟，而我則要求了 7成熟，可惜最後給我們的，卻是一塊肉質只有些微粉嫩紅色的羊扒，感覺上應該接近 9成熟了...不過，雖然羊扒接近完全熟透，但是肉質卻依然十分柔軟嫩滑，鮮美多汁，口感一點也不堅韌之餘，每一口更充滿著香濃的肉汁，小口品嚐過後，濃濃的羊肉氣息迴旋在口中，咸咸的，香香的，咸香四溢，滋味非常，讓人唇齒留香，回味無窮最重要的是，這塊羊扒充滿著淡淡的膻味！我一直都認為，有膻味的羊肉，才是真正的「羊肉」！所以今次這份羊扒，雖然膻味並不算太濃郁，但是都算符合我的要求，值得推薦給喜愛羊膻味的朋友！

有時lunch想食好啲都會諗起outback, 除左因爲佢既黑糖麵包外，main course 都好多選擇，而且味道都唔錯！今日同同事黎食，建議預先book 定位，因為有時lunch time 都幾多人，就算book 左都要等一陣先入得。因為太多選擇，樣樣都好似好好味咁，所以同同事share唔同既主菜黎食。lunch會有set, 包左麵包、餐湯同飲品黑糖麵包暖暖地，而且好鬆軟，配埋忌廉牛油，簡直無得輸！最重要可以無限添加！餐湯係番茄湯，味道濃郁，沙律菜都幾多。燒豬肋骨係每次黎都必點，豬肋骨大條，燒得香口，但又唔會太乾，肉質仲好juicy,而且BBQ醬入晒味！燒雞無想像中好食，雖然外皮燒得香口，但肉質有啲嚡，唔嫩滑。漢堡不過不失，啲薯條好食，外脆內軟，而且有啲黐住薯仔皮，更香口！帶子鮮甜，但配埋煙肉食有啲唔夾，多咗啲肥膩嘅感覺。飯有少少辣辣地，個汁好creamy但偏膩，自己一個一定食唔晒！黑毛豬非常厚，但一啲都唔靭，好嫩滑，啲肉肥瘦適中，好味！依家午市黎食仲可以儲印仔，食一個set就有一個印，儲滿八個就免費送一個set，好抵食！

這是我最喜歡的餐廳，每次想到吃西餐，又要美味，價錢相宜，環境舒適，Outback 絕對是不二之選！今次就到了九龍灣德福二期的分店，這間店最吸引是有一大個窗口位置，非常開揚。指定動作：黑糖麵包（免費可refill) 暖笠笠的包滲出淡淡黑糖香，配埋香滑牛油，十分可口頭盤的牛油果蟹餅 $88 超refreshing，蟹味十足，配上脆餅，一軟一脆，雙重口感，正！芝士白汁燒蝦寬麵 $148 每條麵都沾滿醬汁，燒蝦爽脆，麵上更有多片薄切芝士，芝味十足，提升層次澳坊芝士漢堡 配薯條，漢堡Juicy，厚切薯條外脆內軟

每次食Outback其中一個原因一定係掛住黑糖麵包, 呢日咁啱就喺附返做野, 又見有一排無食Outback就揀咗佢。 Lunch Time勁多人喺門口等位, 我一個人又有點趕時間, 坐Bar枱都無所謂啦～唔駛等就即刻有得入。坐低後, 店員會話你知今日餐湯係咩, 而我揀咗"芝士白汁燒雞肉雜菜寬麵", 店員會先上黑糖麵包, 跟住仲有餐湯同沙律仲有飲品。黑糖麵包真係好好食💕配埋牛油一個人食哂成條完全無問題。 坐在Bar枱位置, 會見到店員收到order就會用焗爐翻熱麵包先上枱。呢日係瓜湯, 飲落勁似中式湯, 坐在西餐廳飲中式湯感覺怪怪的, 味道一般。 芝士白汁燒雞肉雜菜寬麵, 可能Lunch Time太多人, 等咗大約20分鐘先上意粉。 餐牌上有隻辣椒仔, 原來無乜辣味, 唔食辣的都無問題。 至於味道係好食的, 白汁味道濃, 加埋雜菜唔會太漏。鍾意食黑糖包Fans可以外賣黑糖包, $10一個連牛油, 簡直係天大喜訊💕

九龍灣新開既outbreak 想試好耐了，打風過後，2個家姐咁岩又唔駛返工，所以有機會約埋媽媽一齊黎食😎前一日本身想book定位，不過已經full booking😱😱😱所以只好walk in 😗😗餐廳開11點半，我地11點8就到左喇，已經差唔多有一半滿座，再過多半個鐘，已經full house，真係好誇張🤗🤗雖然4個大人，但我地都只係只左3個餐，因為有前菜沙律，餐湯 ，仲有黑糖包，同野飲，所以都真係好飽我地分別叫左1.肉醬意粉2.芝士白汁雞肉雜菜闊條麵3烤肉醬味豬肋骨咁多款餐湯我最中意就係飲蕃茄濃湯，因為真係好好味，湯入面混入左小小黑椒同蕃茄肉，真係無得頂呀！黑糖麵包都保持到佢既水準，最欣賞係佢可以無限食😎🤭，如果餐湯都可以無限飲，你話幾好呢🤤🤤🤤唔記得影左相先食😅😅不過呢個豬仔骨真係都係好好味有小小蜜糖味，肉質鮮嫩，會再encore肉醬意粉就不過不失吧望落去好似好好味，但實際就真係好嘛嘛，雜菜同白汁闊仔麵唔太夾，雞肉又無乜味整體黎講，餐廳既環境好舒適，侍應既服務態度都好好呢