世界の山ちゃん (已結業)

一直想試一試傳說中既雞翼打電話預約既時候店員用譚仔呀姐口音表示已經FULL BOOKING咁收工同友人A係銅記行陣就上嚟WALKIN睇下會唔會有位上到嚟店員帶位時見到全場得一半滿咦??乜咁多人甩底呀?_?三文魚沙律ER....其實個賣相會唔會頹咗少少呢?而份量亦都係偏少有啲令人無語刺身拼盤(三款)當你以為沙律個賣相已經夠頹點知低處未算低刺身拼盤個賣相更加頹 完全係同本人放工之後個樣相映成趣魚生係一般般，唔算好新鮮，但未去到有腥味既但呢碟野係咪值$138呢?本人唔直接答你黑色雞翼係脆既，但味道偏咸，得個咸字其實食落冇乜特別味噌豬肉串係好咸，好濃味，並唔係好食到有味噌味而且食到有啲豬肉既腥味應該係所加入既碎肥豬肉唔多新鮮就算個醬幾濃味都遮蓋唔到陣腥味唉食到本人有啲不安鰻魚玉子燒全餐最滿意應該係呢個味道叫做正常，鰻魚有鰻魚味玉子未去到算好滑就係日式家庭既普通玉子口感雙份威士忌梳打水啲野食咁樣令人好難振作唯有每人都叫杯酒叫自己唔好咁清醒食完呢餐唔知點解個人係好頹埋單見到個價錢更加頹，咁既質素每人都要兩舊幾水完全係頹居酒屋既表表者埋完單好似有發咗場夢既感覺

阿sir鍾意食雞翼，終於有機會同佢嚟試，日式裝修格局，隔離枱又係日本後生仔，即刻覺得感覺良好，仲帶點期望架，點知主角會係咁！鰻魚雞蛋卷 $78 (*****星星)點解個雞蛋卷可以滑到咁架，超香超好味，雖然有我鍾意既鰻魚饀，但我最欣賞始終都係個蛋炸蝦飯團 $38 (****星星)估唔到呢個又幾好味喎，就算無醬油都好好味，ｄ飯咸咸地，炸蝦雖小但整體ok架夢幻雞翼 $45 (**星星)我唔太識欣賞佢有幾夢幻，只係覺得雞翼好奀，太重胡椒味好辣，食咗一隻已經無興趣食第二隻黑色雞翼 $36 (***星星)較少人叫呢款雞翼，但因為醬油味所以想試，味道似大阪燒，無乜驚喜，但雞翼濕濕地感覺幾好，唯一大問題係醬油非常咸味噌豬肉串 $48 (**星星)呢個豬肉串同平時串燒店既豬肉串好唔同，呢個醬油比較重，又唔會成條都係豬肉，好似唔太豬肉串咁，都係平時串燒店果d好味得多西柚汁燒酌 $48 (**星星)呢杯係阿sir叫既，試咗一啖好燒酒頂唔順，但阿sir就話好正囉荔枝特飲 $38 (***星星)不過不失啦，都飲到好淡既荔枝味，其實特登叫嚟解雞翼辣味架後記：不過不失，試過就算兩人共消費: $370