一鳴拉麵

營業中

休息中

站於運頭街的小店，午市主打拉麵，晚市就有各類串燒小食，當日下午2點左右到，因為舖頭細細，都需要等位10分鐘，拉麵只有4款：豬骨濃湯、自家黑蒜油豬骨濃湯、地獄醬豬骨濃湯以及芫荽豬骨濃湯，每款都是$60，拉麵而言已經十分抵食，亦可自選麵種類(曲/直)、麵質、蔥多少、唐辛醬辣度，配料可選叉燒或豬軟骨，亦可加$10-28追加其他配菜，或者加$20或$30加一款飲品及小食(炸雞x4或餃子x4)，加麵$5，而落單時出示學生證可享減$10我點了黑蒜。鳴 (黑蒜油豬骨濃湯) $60湯底 ：見佢黑蒜油係自家製呢點幾吸引，一試果然沒有令我失望，蒜油香濃，與香濃豬骨湯底相輔相成，即使食完成碗亦沒有口渴，咸味適中麵質：我點了曲麵，麵質選了硬，因為感覺曲麵口感較好，亦較為掛湯，麵質真的十分推薦選硬，因為即使第一口也不會真的十分硬，它的硬不會真係的像大型拉麵店般的超硬，之後麵浸了湯一段時間亦可保持口感配料：豬軟骨口感又乾又柴，好似比咗啲斬剩既碎料我咁，不太滿意；糖心蛋一流；蔥和唐辛醬我都叫了多，份量合符預期我和朋友都加了$30，分別有一杯特飲和一份小食餃子4隻即叫即制，非常熱，餃子皮有啲厚，內餡不是太多炸雞4件都

黑蒜 。鳴 （#豬骨濃湯 配自家製黑蒜油）4⭐️$58 超抵食，平時普通拉麵閒閒地都80-100蚊一碗，仲有可能食到假日本拉麵，但係依間小店50幾蚊就有一碗，仲要味道不錯👍🏻比價性好高🤤芝士明太子醬玉子燒 3.5⭐️ $68好味🤤不過相比拉麵就貴少少，要留意返個明太子醬係蛋上面，唔係夾心哦總括黎講價錢合理，食物質素高上，性價比高，可以再encore！下次可以試下晚餐menu💬一鳴拉麵大埔運頭街20-26號廣安大廈地下E舖

好少去大埔咁遠一去就要好認真仔細揀食咩餐廳見呢間居酒屋幾靚 價錢唔算貴 評價不錯驚多人 一到晚市就走去食 唔駛等🤓門口大大個招牌同裝修都好有日本feel一開門入到去更加唔駛講木枱櫈 吧枱嘅紅色布 牆上貼滿大大少少日本海報 仲有播住日文歌 好有feel🥰同日本好多居酒屋一樣 座位比較少亦可以選擇坐吧枱望住店員整嘢食嘢飲兩個人食咗一個拉麵 幾個小食 好飽好滿足！拉麵可以自己配搭食材份量同軟硬就基本啦不過呢到唔一定係配叉燒 可以揀豬軟骨幾特別一於試吓豬軟骨好淋 醬汁好入味 如果食飯撈埋啲汁仲正🤤湯底好濃黑蒜油味 唔錯！溏心蛋做得幾出色🥰玉子燒大大份好抵食入面夾住拉絲芝士 出面吱上明太子醬慢慢食放耐咗切開仲係熱辣辣一啖食到滿口玉子芝士同明太子好滿足好邪惡😈炸雞炸得幾香脆 唔會太厚粉太油膩吱啲檸檬汁感覺清爽少少重點係想試個醬！少少wasabi味但唔會好攻鼻好味🥳雞軟骨比較少見用嚟做餃子餡多數居酒屋都係串燒雞軟骨又幾有驚喜 餃子皮厚薄幾啱 雞軟骨爽口 感覺好似平時餃子加馬蹄咁食落唔會肉餡咁一pat淋嘅 有咬口啲🤓推薦！呢款燒係底部係菜加麵糊 中間夾住豬肉片 表面再有蛋同醬汁同日本其他大阪燒 廣島燒

突然好想食拉麵，於是就搵咗呢間一鳴唻食個午餐一睇menu 有啲失望，本來有四款拉麵但午市只可以揀兩款，店員解釋因為午市做唔到咁多款，最想試既焰鳴無得試於是就各叫咗一碗湯都算濃郁，麵叫咗直麵，豬軟骨比叉燒味道好，總括唻講不過不失店既裝修就好有日式拉麵店既味道，值得欣賞