一虎 (已結業)

小店一家，不過幾有味道同朋友閒聚嘅餐廳，愉快嘅晚上。哩度主賣拉麵，都仲有大概10款小食同埋5同嘅啤酒。拉麵可以揀直身麵或者曲麵，仲有唔同嘅餸可以加。哩度最招牌嘅係一虎拉麵，所以決定一試。拉麵有叉燒，筍，蔥，木耳仲有一隻溏芯蛋。湯底係屬稀身的，不過味道都較濃味，唔洗再加咩調味我嗌左黑蒜油嘅黑虎拉麵，都有叉燒，荀同蔥不過就無溏心蛋。黑蒜油湯底幾香，同一虎拉麵一樣都係濃味的我揀左直麵，比起曲麵我覺得好食啲，彈牙啲叫左餃子，一客有6隻，煎得香，皮夠薄哩度都幾有居酒屋嘅feel, 細細間又幾warm, 所以酒品都唔少，不過我因為5舒服所以無嗌酒，朋友就嗌左綠茶beer, 唔好睇佢個樣好俠咁，其實好重綠茶香，飲落好易入口，係值得一試咖喺中環黎講，價錢合理，不錯嘅一餐！

Happy Friday! 今日收工同同事兩個去蘭桂芳食杯野, relax下。同事提議先去蘇豪區醫醫肚先, 我地係openrice搵到呢間評價唔錯嘅一虎拉麵。我地跟地圖去到史丹頓街13號但搵唔到間拉麵店, 原來一虎係巷仔入面, 餐廳門面非常有日本拉麵店風格, 店入面唔大, 除左bar枱位置只有大概6張枱, 不過由於我地到餐廳時只係6點, 客人仲未係好多。廚房係開放式設計, 可以望到日本師傅點樣即場炮製我地碗拉麵。😙餐牌設計簡單, 除左期間限定款式之外, 有6款唔同口味嘅拉麵可以選擇。我揀左每到拉麵店見到必點嘅蝦味噌拉麵, 同事就點左黑蒜拉麵加蛋。海老虎拉麵 $97我個人非常喜歡蝦味拉麵, 呢款海老虎拉麵由蝦味噌同餐廳自家豬骨湯底熬製, 加入左蝦油同櫻花蝦, 湯底富有濃濃嘅蝦味, 湯頭唔會太咸。麵質爽滑富有彈性而且好掛湯, 叉燒大大件, 軟腍入味, 配料有香蔥, 木耳同筍, 另外仲可以自己加配辣椰菜, 辣韭菜等調味, 味道唔錯。👍黑虎拉麵 $95 加糖心蛋 $12同事揀呢款黑虎拉麵蒜味好香, 我試左一啖湯, 黑蒜味好香濃, 同事都讚好好食。全店唔駛加一, 埋單每位$100左右, 性價比幾

一虎在中環的蘇豪區, 沿著半山行人天橋走, 經過八達通優惠站, 見到馬莎就可以差不多下電梯了, 一虎就在小巷的中段。店舖門面並不大, 輕輕底頭避開門簾, 一眼可見盡整間店。店裡有幾張供4人坐的餐檯, 而bar 檯是「一」字形排列。桌上備有吃餃子用的醬汁, 芝麻、紅薑等, 紅薑辣辣的很開胃, 另外店員也送上自家醃韭菜和椰菜, 當吃到中段如果感到太膩時, 可適量放進湯底, 味道會稍有變化。是日和朋友叫了兩客拉麵, 一客一虎拉麵和一客黑虎拉麵。一虎拉麵是最基本款的拉麵並加上一隻溏心蛋, 而黑虎拉麵是加了黑蒜和黑蒜油的拉麵先說一虎的湯頭, 湯頭濃郁而不糊口，豚骨海鮮蔬菜的平衡度水準不錯, 不會感覺過於肥膩。至於加了黑蒜油的黑虎拉麵, 當然有濃郁的蒜頭味, 味道不錯, 但當吃到中段時, 是的確會感到有點肥膩的。至於麵條, 有曲麵條或直麵條可選, 但軟硬度只容許全交由廚師發板, 曲麵條富有蛋味，並且也甚掛湯。叉燒雖然只有兩片且偏瘦，但不算太鞋。味付筍我非常愛吃, 但每次也怕吃完會生瘡, 所以吃了兩片就夠了 (如果店家能夠在選菜單上再附有 選擇會比較理想。另外黑木耳和蔥的分量也比我想像中多, 十分滿