I's Corner

營業中

休息中

鋪頭細細，但五臟俱全，我哋一行20人既gathering, 又想食好D，又乜都想食，又想有自己嘅空間，隨便行隨便傾計，好在有人一錘定音揀咗呢間可以一次過滿足咁多個願望嘅地方，地點係近紅磡土瓜灣嘅內街，尚算方便。我哋一到咗，侍應已經ready好場地，俾menu同我哋講解，嘢食好多元化，沙律、小食、炸物、意大利粉/飯，burger同主食每個category都有至少5-6種俾我哋揀。而且每樣份量亦適中，上菜亦好快，我哋可以叫唔同嘢食share。酒水方面，都有咖啡、茶飲、紅白酒、啤酒任飲。侍應同老闆娘都好熱情招呼我哋，仲同我哋打成一片，餐廳仲有得唱K娛賓添。嘢食方面，眼闊肚窄嘅我都點咗唔少嘢：美國Chairman‘s 穀飼1支骨斧頭豬扒 😋😋😋加拿大 Northern Gold AAA+ 西冷牛扒😋😋😋燒汁原條美國牛仔骨😋😋😋😋😋鐵板鵝肝雞扒漢堡😋😋😋和牛烤大菇芝士牛肉漢堡😋😋😋😋日本柚子胡椒醬海蝦沙律😋😋洋蔥圈😋😋薯格😋😋魚手指😋😋😋炸雞軟骨😋😋😋😋黑松露薯條😋😋😋黑醋蜜糖雞翼😋😋😋😋😋香煎大啡菇蟹肉蜆肉墨汁risotto😋😋😋😋香煎日本帶子蟹籽墨汁risotto😋😋😋😋😋香煎鵝肝蟹肉忌廉意

黑醋蜜糖雞翼$68有6隻雞翼醬汁拉絲 掛滿全隻雞翼 配上黑醋酸酸甜甜 相比一般淨甜味嘅蜜糖雞翼更有層次和牛大菇芝士漢堡 $148漢堡相當厚肉 大約8-9成熟 但肉質仍然保持juicy 配上大菇、芝士、蕃茄、生菜、自家製蛋黃醬 非常豐富 如果旁邊嘅扁薯條脆啲會更加好帶子海蝦墨汁意粉 $128賣相相當吸引 意粉上有2隻大蝦同帶子 帶子2面煎香 大蝦肉質都算爽口 墨汁味頗濃 意粉質感夠彈牙 巴斯克芝士蛋糕 $58 表面焦香 面層有塊檸檬作為裝飾🍋 蛋糕中間做到細滑濕潤嘅質感👍🏻唔會太甜 如果檸檬味重多少少就perfect喇！每份主食包一杯飲品 最特別係有提供薑蜜嘅選擇 另外發現原來佢哋有$278+10%晚市2個鐘任飲任食 真係幾抵！去開紅磡嘅朋友可以一試～

📌 I's Corner - 紅磡北拱街8號薈點地下1號舖🗓(15/6) 星期四 ⏰ 晚上6:30左右 💈特式：每日放工返屋企嘅必經之路原來有間專食漢堡，而且仲有做$278任飲任食嘅西餐廳，一直都無試過，今日經過就嚟試一試佢地嘅漢堡先。🥩🍔🌭🌮🥗🥯🥘🍲🍝🍣🥟🍤🍱食物：餐廳主打做漢堡，有成15款選擇，價錢有平有貴豐儉由人，而且仲有其他限量供應嘅食物選擇，而家等我同大家講下🍔味道先。菠蘿炸蝦漢堡 $98 - 個漢堡會配埋薯條同餐飲，我最近都有食過M記推出個菠蘿炸蝦堡，但呢度個炸蝦堡比M記嗰個好食N倍。首先，個漢堡size又大又厚身，塊包又鬆軟同好有小麥香，漢堡餡料係即叫即做，上枱熱辣辣，感覺又特別新鮮，有新蝦肉同炸蝦，所以有兩種唔同口感。餐配嘅薯條係好粗身嘅薯條，食落口感亦比一般幼身薯條好。日本海蝦帶子墨汁意粉 $128 - 呢個係限量供應，兩隻日本帶子都幾大隻，仲煎得幾香口，兩隻海蝦就拆晒殼去埋蝦腸，非常細心，墨汁意粉入面有埋墨魚粒，墨魚味好香，墨汁亦好濃郁。黑醋蜜糖雞翼 $68 - 份雞翼有6隻，size都中規中矩，味道少少酸多多甜，小食嚟講都幾唔錯，肉質亦都juicy嫩滑

又去石門食嘢好嘢，呢間走遠少少路，之前食過一次外賣今次堂食，雖然枱唔多，都坐得幾舒服，餐廳佈置有設計可以來打卡，覺得廚師好用心煮食物，下次都會再嚟石門食過。同行朋友叫咗斧頭豬扒$198.00好大件算係抵食，但今次整得太熟有點嚡。（又唔記得影相）

今日到何文田探望朋友，順便到附近一齊食午餐！想不到何文田也有文青小店，雖然外面下着雨，但在店內望向出邊的環境別有一番風味。龍蝦味尾意粉：扁意粉軟硬適中，加上龍蝦造型上很吸睛！龍蝦肉爽彈鮮甜，加上蘆筍和雜菌令意粉味道更有層次。和牛洋蔥煙肉漢堡：首先漢堡份量一點也不惹少，中間的和牛漢堡很厚！和牛堡大概有7成熟，所以肉汁非常豐富，加上番茄，蘑菇芝士等配料，口感非常豐富。另外餐廳的黑醋蜜糖雞翼也是非常出色，雞肉嫩滑，配上黑醋蜜糖醬汁創新美味。值得推薦。

紅磚牆襯上黑色窗框，加上昏黃色吊燈，令人感覺好像置身於外國街頭上。裝潢設計以木為素材配搭灰色水泥牆，感覺悠閒輕鬆。L形的吧檯可以望著街景，添上寫意舒適的氣息。黑醋蜜糖雞翼 ($58)雞翼外層香脆，肉質嫩滑可口，一咬下去甜甜的味道，令人胃口大開。和牛芝士漢堡 ($138)包表面烘得脆脆的，內裡非常鬆軟，配料豐富，有煙肉、蘑菇、芝士、蕃茄和生菜。厚厚的和牛漢堡充滿肉汁，入口時肉香滿溢。厚切薯條口感佳，薯味也相當較突出。香草烤紐西蘭羊架配意粉 ($128)羊架肉質軟嫩， 肉味濃郁多汁，口感細膩嫩滑。意粉也毫不馬虎，是蕃茄意粉，酸甜開胃。

踏入新一年, 轉了新的工作環境, 工作地區也不同了, 當然要係工作附近覓食, 早前便相約友人去了紅磡的I’s Corner食晚飯. 這是一間café, 坐位唔算多, 最啱與友人一邊食嘢, 一邊傾計. 菜式選擇唔算太多, 我地同樣選了漢堡包. 我點了經典紐約漢堡. 也點了小食 – 黑醋蜜糖雞翼. 雞翼的醬汁甜甜酸酸, 幾開胃, 最適合作為小食. 雞肉肉質嫩滑. 經典紐約漢堡. 份量也不少, 配上我最愛的厚切薯條. 牛肉漢堡的質感尚算不錯, 若肉汁多一點會好味. 配料和醫汁稍為少了一點. 厚切薯條口感較佳, 薯味也相當較突出. 最後, 點了熱朱古力咖啡. 拉花幾靚. 入口有淡淡的咖啡味, 甜度適中.