鳴虎 (馬頭圍道) (已結業)

.周末黎左啟岸探朋友，之後一齊落去鳴虎食拉麵，我地都揀左拉麵套餐($128)，有拉麵、小食同飲品，都幾抵食。▫️黑鳴虎呢個係博多黑蒜油拉麵，湯底濃郁，黑蒜油味足亦好香，飲落唔會好咸。我揀左軟麵，麵亦好掛湯。叉燒有兩片煎得幾香口，仲有大量蔥粒、木耳絲同紫菜。最正係有一隻溏心蛋，好流心，浸落湯一齊食會好惹味！▫️鳴海老呢個係蝦味噌豬骨湯拉麵，湯底好香蝦鮮味，有櫻花蝦同蝦粉，麵亦好掛湯，有兩片叉燒、蔥粒、木耳絲同紫菜，份量好多，同樣有一隻溏心蛋，煮得剛好。▫️芝士魚餅及魚條望落有點油膩但好食，魚餅同魚條中間都有芝士，既香口又彈牙。飲品有汽水同花茶選擇，汽水係玻璃樽上，好飲啲架！如果唔飲嘢，餐廳都會提供冰水，亦會主動refill👍🏼呢到有YEBISU飲🍺唔係間間餐廳有架😮餐廳好寬敞，座位又多，好少拉麵店有咁大既空間。服務方面，每個店員都好有禮貌好helpful👍🏼

之前同老公去過北帝街嗰間食，依家係屋企附近新開左一間，近近地又走咗去幫襯。餐廳裝修充滿日式風情，另一邊有得食燒烤，下次可以再試試。餐廳新推出咗蟹肉冷麵，好似幾特別。但啱啱食完雪糕，食返啲熱食好些少😝鳴虎個湯底係豬骨湯加鮮魚，我欣賞呢個湯底，因為有少少鮮味。今次兩個人叫咗兩個拉麵一個小食。我個碗係鳴虎，湯底好好飲，重點我自己唔覺得有味精😍老公個碗加咗黑蒜油，黑蒜味道香濃，亦不錯👍個溏心蛋好入味！作為一個芝士控，當然會選擇芝士魚餅😎兩位埋單$250有找！

一心諗住泥日本街打個卡，順便食個early dinner, 泥得日本街緊係要食日本野，見到街頭有間拉麵店好似唔錯，就入左去😜✨黑鳴虎 - 即是博多黑蒜油拉麵，湯底幾入味，麵質爽口，我幾中意~✨鳴虎 - 其實係日都魚乾豬骨湯拉麵，幾香幾鮮，日式叉燒半肥瘦剛剛好👍✨肉餃子 - 有驚喜，外皮夠脆夠香口，裡面幾足料又熱辣辣，一d都唔膩✨芝士魚餅拼魚條 - 好邪惡但芝士味濃郁，好正好好味🤩✨鰹魚汁浸菠菜 - 食返碟菜健康下，我一向都好愛涼拌菠菜，仲要浸鰹魚汁冇得輸整體CP值唔錯，想食拉麵時值得encore👍