尚鮮海鮮料理

營業中

休息中

好耐未打過邊爐，搵左呢間好評如潮既餐廳同朋友試下，就係佐敦附近，交通方便～餐廳環境：餐牌入面既食物都好吸引，揀左湯底先：個皇牌之選- 龍皇海鮮鍋好似好正咁！ 於是我地揀左黎試下。先上湯底：龍皇海鮮鍋睇落去好足料，龍蝦好多肉，湯呈金黃色，入面仲有其他海鮮材料，飲落好鮮甜，係濃濃海鮮既鮮甜！海蝦都好正～牛柏葉：好大碟，size都好厚好大片鮮味好爽口！牛三拼： 雪花牛柳粒、特尚手切牛、本地手切牛好有牛味！有脂肪分佈、唔怕靭、都唔油膩！鮮打四寶丸：（牛、豬、墨魚、蝦丸），漸變顏色咁樣排列，賣相都好靚，亦都好有光澤！食落都起晒膠、好彈牙！新鮮！白鱔片：切得夠薄、一拾就好快熟，而且好爽口、亦都冇泥味清潔得好好好鮮甜！木耳鮮蝦雲吞：都好唔錯，蝦好甜西洋菜香菇餃：都好香菇味～田園盛： 娃娃菜、蕃茄、雞髀菇、粟米蔬菜料吸收湯嘅精華一齊食總結：呢間係一間有心機嘅火鍋料理，個湯底十分正！d配料都唔錯、新鮮！

之前同朋友食過一次銅鑼灣果間，原來佐敦都有分店，試吓啦！必點湯底「龍皇海鮮鍋」，有龍蝦、大蝦、扇貝、大蜆、蟶子⋯⋯店員會建議客人先飲湯食海鮮，食完再加湯打邊爐，睇住佢分都覺得開心！龍蝦，厚肉，甜、爽，算不錯大蝦，勁甜、彈牙(仲有幾隻添)扇貝、蜆、蟶子呢d貝殼類都ok，有隻蟶子肉有d殻碎，小朋友食要小心～個人食牛鍾情濃味牛肉，記得上次店員推介牛邊位，今次水準依然，牛味濃郁鮮甜，不油膩～脆鯇骨腩，打邊爐必點！唔錯，鮮、甜、脆湯底冇蠔，後加咗份廣島蠔，一上枱有少許腥味，灼熟後都有少許腥，有d失望⋯⋯基本上，叫呢個湯底灼咩都勁甜勁好味，灼海鮮、菜類更加冇得輸！店員反應快，勤換碟，醒目地主動提供協助，加分！唯分店環境銅鑼灣店較好～

今晚黎呢度主要係歎海鮮，所以叫左支好match海鮮既白酒，呢支Pieroth出面飲開最平都三百幾蚊，黎到呢度二百蚊左右有交易。一打開有陣陣花香，飲落微甜好易入口，男男女女都啱飲。叫左個招牌龍皇鍋，入面好多海鮮，龍蝦、大蝦、蟹、花蛤、帶子同扇貝等，仲會用埋訂左果款刺身既頭及殼，再加工處理熬湯。我地訂左龍蝦刺身，所以個湯飲落好鮮甜、龍蝦味特濃，一飲就知好足料。而啲海鮮食得出好新鮮，大家都十分滿意。另外想講下個龍蝦刺身，厚度切得唔錯，入口啖啖肉鮮甜無比，口感清爽帶脆，一般生蝦刺身完全無得比，話係極品一啲都無誇張。順帶一提呢度個法國生蠔，蠔身肥美，蠔味濃、海水味重，其實只要來貨夠靚，簡簡單單最能食到食材既原味。

天寒地凍，火鍋就成了人們的最爱，美味不上火的海鮮火鍋更是得到食客們的青睐，想要品嘗正宗好味道，尚鮮海鲜火煱料理自認为是不錯的選擇！前幾日就同班朋友去試過！ 我地選擇了招牌鍋--尚鮮龍皇海鮮鍋 ！香港租金高昂，很多餐廳都向樓上發展，尚鮮也不例外！餐廳在餐牌上采用了環保的概念，衹要在所選食物上用水筆圈起，既不浪費紙張也不繁複  ！選料上乘，品種豐富的海鮮鍋裡面有：龍蝦、蟹、帶子、大蜆、鮮蝦等！新鮮的食材在慢火熬煮下，將各種鮮味融為一體，“鮮”字的主題更加得到認證。蝦肉嫩滑爽口，緊密的蟹膏入口即化，大大隻的帶子和大蜆就無比鮮甜，最後係飲所有海鮮的精華～湯，超級鮮甜😅。吃火鍋少不了牛肉的。牛尚盛，以三層盛裝擺放，很精緻。给人視覺上的盛宴，即刻勾起食欲，牛肉都很鮮美！ 店員推介的自家製蟹皇蛟，果然好有水準，餡料鮮甜好食👍👍，再來份田园盛，有粟米、白蘿蔔、金针菇，生菜等，分量足，十分抵食 ，砌得精美的午餐肉也很好吃！該店是采用无煙環保的火鍋盧，唔使驚食完火鍋後頭髮、衣服一陣味。店員的服務貼心週到，值得推介！

海鮮湯鍋，必須要有一流的生猛海鮮作材料。當我食過“尚鮮”的海鮮料理後，就有呢種感覺！ 尚鮮龍皇海鮮鍋 ($398)     湯底是用大蝦蝦頭和其他材料，從中午開始用慢火细熬而成的老火湯，再放入大蝦、蜆、帶子、蟹，龍蝦等，啖湯好鮮甜，還以為海鮮會出曬味，然而海鮮的味道經過不同材料的相互輝映，反而鮮味更加突出！材料豐富份量更是十足，食極都有，服務員亦超細心，怕我哋食唔切，D海鮮過火會變韌，嗱嗱聲攞D碟幫我地撈起佢，抵讚。鮮打四寶丸 ($64)      每一款肉丸內都有不同餡料配搭，分別有：金沙牛丸，黑松露豬肉丸，甜薯墨魚丸，芥末籽鮮蝦丸。 這是師傅靠手工打出黎的，卖相精致， 食落滿口肉的香味，彈牙的感覺唔同街市買果D咁假。蟹皇餃（$98）內包住新鮮蟹肉和蟹膏，味道濃郁！餃子吸收了海鮮湯味，更好吃！田園盛($64), 每次打邊爐都一定會點蔬菜, 呢個係好多人的習慣和喜好，唔單止有益健康，更是因為蔬菜吸收了火鍋的精華，變得更好味，菇類、蘿蔔、白菜味道較淡就係最好的例子， 粟米本來就甜，食火鍋生菜是最受歡迎的。