犇道 (已搬遷) 新店位置

主打慢煮牛排o既屋邨小店，成間店舖只有十零個位。一面牆貼o左好多相，雖然都有個別明星，但更加多o既卻係員工同埋親朋o既合照，相中每個人都充滿歡笑，俾人感覺好親切貼地。開心，是可以感染的。餐廳無加一，menu 都係日式o既熱食為主。一個主食加$28 可以升做一人set，會有埋湯、沙律同甜品。湯係味噌湯，沙律係龍蝦沙律，其中呢個沙律唔好睇佢只係side dish，真係激好食！又多蟹肉又鮮甜，已經混入適量o既wasabi。我見其他食評中有人提到佢係翻頭幫襯，覺得上次跟餐太少特登叫o左全個大沙律($32)！我地試o左餐廳o既招牌料理之一，松露燒牛扒定食。有兩個價錢，叫o左個細的($98/150g)。用上美國prime 認證o既牛肩肉，用料上盛，加上黑松露慢煮，香氣四溢；菇菌o既氣息之間，又帶點煙燻肉o既味覺。日本漢堡蛋包飯($82) 係menu 上o既人氣之選！可以配選三款醬汁，o係店員姐姐推介之下，試o左自家黑咖哩汁；我見佢黑咖哩飯本身自己都獨自有另外一個系列，應該會幾唔錯！實物賣相好靚好吸睛，漢堡扒厚身鬆化，雞蛋用上日本蛋，蛋味濃郁。咖哩o既黑色原來源自黑朱古力同咖啡，味道獨特，辣度大約輕

龍門居除咗有龍門餐廳同係掃街熱點之外其實都仲有啲小店 今次就去咗犇道試下一睇招牌就知佢主打食咩啦hahaha入面其實真係有啲細嘅 得3張4人枱同2張2人枱夜晚7點去到都已經有兩三枱客食緊 好彩都可以坐張2人枱唔駛搭枱😛筆者8點左右食完 入面已經完全full house出面仲要等位添屋苑小店嚟講其實個人流都好犀利呢雖然係主打食牛 但其實都幾多選擇呢到嘅餐牌都仲係節錄咋 仲有沙律拉麵同飲品甜品嘅每張枱會有個調味架有黑胡椒同岩鹽俾大家配牛肉食✨龍蝦沙律 $33其實跟餐嘅話都有龍蝦沙律 不過因為筆者淨係想食龍蝦沙律 所以就決定單點一個喇不過嚟到有小小失望嘅 因為佢嘅份量同餐嘅無咩分別 只係多咗啲蟹籽😢不過個沙律係食到龍蝦仔嘅肉 而唔係一pat野咁嘅 味道上都好係鹹咗小小啫✨黑松露醬薯條&明太子手羽 $38&$28薯片份量都唔少 熱辣辣嘅粗身薯條配埋黑松露沙律醬好好味 明太子雞翼入面饟咗大量嘅明太子鹹鹹辣辣咁幾好食✨北海道野菜薯餅 $18筆者初初係打算嗌牛肉薯餅嘅 不過無晒就試下野菜啦 估唔到有意外得著呢外層炸得剛剛好 薯蓉好滑 帶啲蔬菜嘅甜味好食😋✨火山牛丼 $92好抵讚嘅係實物同相係一樣嘅大

嚟到屯門，聽講喺龍門居樓下有好多好好味嘅小型餐廳，今次我就揀咗其中一間去食，呢一間餐廳係專食一啲慢煮嘅牛扒，叫犇道。佢主打有三款形式既牛，分別係火山牛，松露燒牛排，板燒吉列牛。每一款都好吸引咁，我今次就叫左「松露牛排定食220g」，「厚燒鰻魚飯配黑松露炒蛋」，「明太子手羽」。1. 松露牛排定食220g $156呢道牛排採用左牛嘅牛肩肉，本身以為會好難咬，點知食落去又覺得都幾嫩滑，可能因為用咗慢煮嘅方式，同埋一上枱嘅松露味好香，同牛肉好夾，而且我哋仲將佢升級左做定食，包埋有一碗味增湯，龍蝦沙律，同埋有甜品添，呢個價錢來講真係好抵食啊。而且個龍蝦沙律都做得好鮮味，非常好嘅開胃菜啊。2. 厚燒鰻魚飯配黑松露炒蛋 $121我嘅朋友就叫咗鰻魚飯，佢嘅鰻魚燒得剛剛好，鰻魚汁同鰻魚肉好夾，肉質爽口，再配黑松露上面嘅炒蛋，用咗日本雞蛋去整，果然蛋味好濃，而且相當之滑。3.明太子手羽 $28我哋都叫咗樣小食，呢個雞翼入邊包住左明太子，外面香脆，裏面包着香辣嘅明太子，一啖咬落去，外脆內軟，而且明太子嘅味道好出眾，真係覺得好好味呢。真係好鍾意支持呢一啲小店，鋪頭細細但係可以食得出佢哋係花咗好多心機，令到出嚟

犇(讀音:奔) 道，位於屯門龍門居屋村下嘅一間小餐館，店內位置唔多，只有十多個位麻雀雖小，但勝在五臟俱全😂🌌極上燒牛肉壽司 $52🌌美國特選安格斯薄薄一片，肉味香濃，另有特製牛肉汁， 味道比起吉野家嘅牛肉汁較濃較重安格斯上面有黑松露，而黑松露同牛肉係絕配， 再加少少wasabi，味道滿足😋🎆日式唐揚金雞 $39🎆唐揚金雞外皮脆口，炸到熱辣辣脆卜卜， 皮內有肉汁，唔錯嘅小食🌠明太子手羽 2隻 $28🌠同樣新鮮熱辣嘅明太子手羽味道好好，明太子帶少少辛辣味，手羽啖啖肉，一大咬咬落去就係爽！裡面都有肉汁，唔會炸到乾哂✨龍蝦沙律✨龍蝦肉嘅味道唔錯，都幾重海鮮味，如果沙律菜份量多返少少就Perfect 😁👍🏻🎇柚子沙冰 (左) +$28 + 柚子梳打 (右)+$22🎇推介柚子沙冰，將打碎左嘅柚子果肉製成沙冰，清新得嚟又解渴，而且仲好正好清涼，加上個份量都好大杯，一杯都足夠兩個人飲🌌松露燒牛扒定食 150g $98🌌美國特選Prime嫩肩牛肉，食落口較有口感， 黑松露及牛肉配搭惹味，嫩肩肉無渣，唔錯唔錯👍🏻總括而言， 估唔到屋邨可以去到呢一個水準，除左價錢親民之外，味道亦係滿意，雖然只係屋邨小店，但

近排興慢煮，呢種烹調方式可以令牛肉口感更嫩滑，同時保留到肉汁同營養。龍門居呢頭麻雀雖小但五臟俱全，所以周不時都會過黎食野，知道呢度開左間慢煮牛排專門店當然要黎試下午市套餐都係$4x-$8x，難怪咁多街坊都落黎撐枱腳仲包左開胃前菜同餐飲。朋友揀左凍咖啡，呢度既咖啡豆味道偏酸，烘焙味偏淡，岩哂怕苦但又想飲咖啡既人。慢煮牛排定食可以+$8轉沙律或烏冬，選擇好人性化。好似我咁唔中意食飯麵，就揀左伴以胡麻醬既沙律，夏天食清清地特別開胃$108 220g份量十足，牛肉肉質非常軟嫩，食起黎鬆軟有肉汁，牛味濃厚，唔洗配燒汁都夠哂味跟餐可以以優惠價加配小食。薯餅炸得好乾爽香脆，比得上日本既可樂餅，入口綿密，帶有淡淡馬鈴薯香。店員推薦既雪山牛丼，本來只做晚市，依家午市都有供應珍珠米堆成小山丘狀，牛肉片環繞堆上，面頭仲有隻生蛋黃蛋黃瀉下令飯粒增添濕潤感，加上惹味既燒汁同奶香十足既忌廉芝士汁，鹹香不膩，好好送飯+$28仲可以配味噌湯同小龍蝦沙律沙律由薯仔同千島醬打成，拌入粒粒龍蝦肉，非常鮮甜。甜品係柚子布甸，質感似意大利奶凍軟滑，柚子味濃，食落好fresh想食又唔想去咁遠，可以揀叫網上外賣平台，仲有優惠添呀天