Plat du Jour (已結業)

係之前Asia Miles x Openrice Restaurent Week發現左呢間餐廳$368 3-course🍽，係PP黎講性價比都幾高🤗去到發現Menu有一個更抵食既$268 3-course😂於是我地決定一樣叫一個試試😌餐廳既情調都唔錯架☺️平時慶祝特別日子諗唔到去邊度?呢間金鐘法國菜性價比一流🥰Starter🍽🍴龍蝦湯🥣餐廳好細心幫我地分左一半🤗龍蝦湯夠濃好飲🦞🍴Steak tartare🥩另一個starter揀左tartare, 唔會腥而且入面為酸瓜撈埋蛋好開胃☺️Boo就最鐘意連埋個脆包食😆Main Course🍽🍴Grilled Lamb🐑肉質好嫩唔會好羶🥰一啖一舊點埋蒜茸汁同埋下面既薯蓉食好夾👍🏻🍴U.S Rib Eye🐄估唔到食法國菜有大大塊扒🤣Medium啱啱好又多肉汁😋甜品🍽Creme Brulee🍮估唔到甜品都係大大碟🙈🤣唔算好甜但食完會濟🤣Apple Tarte Tatin🍎配埋雲呢拿雪糕🍦一上枱已經聞到好香😆配埋粒粒焗左既蘋果正呀👍🏻不過Boo覺得如果好似apple crumble咁個面脆脆地就更好喇!!!不得一提，order左杯Fuji Apple J

昨晚經過見set dinner menu菜式同價錢都幾好，所以今日上網訂位，還加入埋dining club. 接待員原本安排室外枱，但今晚室外比較前幾日多人，所以揀了室內坐。坐低後，服務員可能想情調好D，較暗了燈光，攪到唔係好睇到menu,老公直接開了電話個燈照，超攪笑。我地都揀3 courses。首先來法包，都算脆同軟，牛油普通。我同老公都要龍蝦湯，個湯有好濃龍蝦味，味道唔錯，如果有龍蝦肉就更好，份量都幾多。主菜我食慢煮三文魚配意大利飯。第一次食熟三文魚係滑，原全唔鞋，真係要俾過讚。意大利飯軟硬剛好。老公主菜食牛，佢話唔錯，我剩試左D薯條，炸得好香脆。甜品我原本叫心太軟，點知之後話沽清，所以揀焦糖燉蛋。面嘅焦糖燒得脆，蛋唔太甜，份量算多，條曲奇棒都好味。服務幾好，雖然我地冇叫支裝水，服務員都會自動幫我地加水。最後因為係dining club會員，晚餐有八折，仲可以儲印換dining coupon.應該會再來試其他菜式。

性價比高嘅午餐，龍蝦湯味道濃郁，主菜選擇多，最後order安格斯漢堡，非常juicy美味，坐位舒服，店員好友善同熱心幫助！$250兩道菜，加$20就再包括美味甜品，雖然咖啡要另外加錢，但也值得，一定會再去！

門口接待那黑套裝廣東話姐姐黑面的，零笑容，語氣硬，衰過屋邨酒樓。好彩坐低就其餘所有人員都好正常，有番晒禮貌和服務。下午茶就點了 龍蝦湯$115，另加個 迷李蕃茄Pizza$105, 兩樣都有水準！但感覺好似加價加了好多……

今年情人節揀咗哩間餐廳食晚餐，其實點解情人節要去啲貴夾唔飽嘅餐廳食飯呢。。。。我都唔知。。。。這間二人套餐埋單接近一千，這個日子都算平，可能平，所以唔好寄望會食得飽。套餐包括咗餐包(餐包好好食的)，跟住有龍蝦湯(都幾好飲的)，再有帶子或鵝肝，我哋都揀咗鵝肝(我覺得都好食嘅)，主菜有羊或臚魚，每樣都試吓(魚份量少細輕，味道都 ok，魚有魚味，但羊就無羊味，一碟3舊羊，同樣份量細小)，餐無跟飲品，只送了一小餅的氣酒(但我無開嚟飲，帶走咗) ，最後跟個甜品，這甜品太甜，(用白朱古力做成一個球體，內有一啲生果粒，用熱嘅朱古力淋落去熱溶個波咁，但生果粒超凍)全餐只靠甜品整流自己令到感覺好似已經飽咗咁。

今日約咗朋友食lunch，他叫我在公司附近揀一間餐廳。選擇太多，有日、泰、意、法、中餐等等，最後就揀了法國菜，因平日太多人，今日因時間早咗，所以不用排隊。餐廳的室內環境和佈置也非常舒適。午市的選擇也非常多，也可選二道菜或三道菜，適合胃口大的男士和需要輕食的女士！還可加一些海鮮頭盤。我們三個人就加了法國紛加蠔，點了$180有六隻。亦可以$40一隻，也可以點一打。那款蠔也好鮮甜，比較爽身而我先點了兩道菜，頭盤也有七八款可選擇。我點了龍蝦湯，份量非常之多。好重龍蝦味有牛肉漢堡當然係我首選，薯條也十分好味牛肉非常厚身實在，肉汁超多大食的我也食唔哂成個飽，所以甜品都要等下次試！