棕櫚閣西餐廳

營業中

休息中

上openrice搵野食，偶然發現有coupon，其實我之前都冇留意有呢樣野，後來先聽friend講話一直有，我先知自己離地，咁就即刻開咗個openrice account，獻出我第一篇食評。廢話少講，呢間buffet係酒店裡面，環境好舒服加清淨，我成日都話，出黎食野，除咗食物正，同間餐廳氣氛夾唔夾都緊要ga!最吸引係龍蝦有得任食，D蝦肉好新鮮，有D人誇張到一次過攞十幾隻，佢地就真心回本啦所以每次refill前大家都去排隊~跟住仲有亞拉斯加蟹腳同好好味嘅螺！美中不足係每個人得一隻鮑魚，因為隻鮑魚好好味咯，食完好想再食！但係咁嘅價錢又龍蝦又鮑魚又刺身同好多其他野食，都算係抵啦！跟住係D羊架、蝦同多春魚（其實我估係多春魚），我encore咗好多次，明明好飽，行過聞到個師傅煎得超香，跟住又想食跟住我記得好食嘅仲有燕窩蛋撻啦、三文魚刺身、吞拿魚刺身、熱盤區有隻泰式薯仔同hageen dazs雪糕~最緊要係幾錢呢？我星期日去，帶埋張75折openrice coupon，每位都係360左右~！抵到爛！

經過門口見出咗新buffet，又忍唔住行入來~首先冷盤啦~同之前食差唔多，但係水準好咗~好新鮮~食完會想食多碟~！長腳蟹比我記憶中要好食~個青口加D檸檬汁會好食D~呢個counter嘅每一樣野我都食均~我覺得全場最值得推薦就係佢地~！精緻得來又好味~！！主角龍蝦來啦~！！登登登登登~好嫩滑~超大隻~！！今期嘅甜品~

同老婆慶祝結婚一週年所以黎呢度食Buffet~因為我地第一次食Buffet就係黎呢間酒店所以我地重回舊地佢地而家做緊龍蝦‧燕窩自助晚餐每人都可以有半隻龍蝦味道都幾好！好似話每日個煮法都唔同既今日呢個係蝦醬煮都幾特別喎~好少咁食呢度d頭盤都唔錯魚生呀長腳蟹都好新鮮食左好多呀~~淨係食呢d都食到已經飽飽地喇仲有沙律~都有成10款我試左少少~個三文魚沙律我覺得最好食仲有呢個杯仔~有2隻蝦+奇異果蝦有鮮味~奇異果有d酸酸甜甜咁食落覺得好好味喎仲有另一個主題燕窩湯佢除左有燕窩之外仲有雞絲個湯底都好好味~飲左2碗........仲有鐵板燒~好香好惹味其他d熱盤我都唔係好食到因為已經好飽~~~最後甜品時食，有哈根大C食佢仲有Dryer's 甜筒架好想食~但係真係食唔落喇仲有個燕窩蛋撻~掛住食，唔記得影相真係好正~埋單每人都係$340左右一位都真係幾抵食~I'll be back!!