蘭苑饎館

營業中

休息中

今天晚上實在是非常的肚餓，而且很久沒shopping了，便提議媽咪一起去行街，順便出街食飯醫肚，媽咪當然舉腳贊成啦。想試這間已經很久的了，可是它的位置較遠&偏僻，所以一直沒有機會，今天知道行街會係呢附近，便和媽咪來這裡吃晚飯了。大概八點一入到去，竟然坐無虛席，完全沒有位，要我們稍等一會，幸好有兩名男士非常禮讓，立即結帳讓座給我們，真是太好了!一坐下當然看看吃什麼好呢，看見別檯的肉餅相當吸引，所以我便決定要叫個咸蛋蒸肉餅，而媽媽猶豫了一會，終於決定要個豉汁蒸白鱔，它的套餐還附送湯 + 油菜呢。仲有仲有，佢白飯任裝，哈哈!!! 先來個湯，個湯有好濃既藥膳味，媽咪話有南棗，首烏，黑木耳等等，其實我都唔知咩黎。但我本身都比較喜歡中藥既味道，所以就覺得ok呀，因為飲落去好香，而且d黑木耳食落口好有口感。另外佢油菜有3隻揀，我地就要左菜心同埋油墨菜啦。講返主菜即係白鱔與肉餅啦，個白鱔黎到真係超吸引，因為佢整到個外表好靚，而且d豉汁好香，所以就好想食啦。佢個鱔一d都唔腥，佢切到好薄，如果佢個鱔再肥美相信會更好味d，不過而家都好好食啦。另外就係個肉餅，蒸既時間剛剛好，唔會蒸到過哂龍，亦都唔會覺得好油膩

星期日要到石峽尾看比賽，完場後行回旺角乘車回家。順道經過蘭苑，好懷念其芝麻糊，於是與男友入內。時值接近 6 時，但食店幾已接近爆滿，時間尚早，竟然有這麼多人來吃晚飯，厲害。要了芝麻糊和一盅龜苓膠。前者入口甘甘地、帶少少中藥味，芝麻香濃、甜度適中，亦挺幼滑。龜苓膠是男友食，還附上一壺冬蜜和一瓶幼鹽。龜苓膠好稀，不呈膏狀，男友說可能自己太熱氣，所以唔覺得苦，臭落藥味都幾重，清熱一流。埋單發現芝麻糊現在 $18 一碗，加價加咗咁多，好貴呢！