Doux (已結業)

係旺角行街行到累就搵間餐廳食個下午茶鬆一鬆，今次揀左Doux。環境幾開揚，旁邊落地玻璃仲可以睇下景，可惜旺角只得樓景。3式芝士火腿帕尼尼包帕尼尼包表面有烤紋，表面酥脆，入面鬆軟，仲有D麥香。中間夾住火腿同半溶芝士，見到三色芝士既半溶狀態就已經流曬口水。芝士味道香濃，加埋旁邊熱辣辣既炸粗薯條，外脆內軟，我覺得非常好食。藍玫瑰花茶窩夫第一次試黑色既窩夫，原來係竹炭，不過竹炭味唔重，同埋窩夫口感偏軟，做唔到外脆內軟既口感，旁邊既藍玫瑰花雪糕有種淡淡的既玫瑰香，加埋充滿彈性又煙韌既啫喱同士多啤梨。Mocha下午茶就當然唔少得杯咖啡提提神啦，叫左杯Mocha，拉花拉得幾靚，咖啡味偏濃，可惜完全冇朱古力味，有點失望。餐廳主打甜品，適合假日黎嘆個下午茶或者夜晚黎個飯後甜品。

今日同朋友相約係Doux食飯傾計，環境好，坐得舒服，食物又好食，過左盡興既一晚我地兩個都鍾情芝士同薯仔，每次一齊食飯order既野食都離不開呢兩樣食材呀~今次就order左 3式芝士火腿帕尼尼包 ，panini 包夾住芝士火腿烘至外脆內綿，三種芝士加埋齊集香濃，流心，牽絲既效果，真係芝味滿瀉！！雖然panini已經有配薯條，但我地要order多份先夠分呀法式有皮薯條，粗切薯條真係特好味！仲要連皮就特別有薯香意式芝士條用上Mozarella Cheese，牽絲調果非常好，一咬落去唔整斷既過真係可以拉到對面枱好好味呀~~~最後以一杯奶泡綿滑既香醇cappuccino完美作結！

這天放工後，一早已決定要黎Doux試試他們的藝術甜品，真的讓人很期待呢! 6點多到來，人流未算很多，這樣可以讓小妹盡情拍個夠呢!.餐廳的裝飾簡約得來又有點型格，近窗口的落地玻璃位置更可看到旺角的街景，雖然不是甚麼漂亮的夜景，但感覺也是頗不錯的!.餐廳本身係主打賣藝術甜品的，像海報中這款甜品係由師傅即席在檯上所畫的甜品畫，真的美得像一幅畫!.除此之外，較特別的有數款不同主題的甜品，像血桃、蜂巢、星空、綠茶和養生等，圖文並茂，每款主題都夠晒特別，心大心細不知道要那一款?! 另外也有聖代、窩夫和厚燒班戟等供應啊!.據說餐廳除左甜品之外，還加入左不少鹹食供選擇，像三文治和小食等也有，價錢也大眾化。.邪惡芝士香草包 $58香草包的賣相未食已讓人垂涎三尺! 麵包上放滿芝士和蒜茸一同焗製，上面還加了少許香草，一端來時香氣十足。麵包咬落密度高且鬆軟，不乾身帶點濕潤，入口蒜香味相當濃郁，還帶有陣陣芝士香，好食啊。.3式芝士火腿帕尼尼包 $45帕尼尼包經過烘壓過後帶微熱，中間夾著數塊火腿和那半溶的芝士，光看那半溶的芝士已經相當吸引啊! 而且芝士和火腿的組合確實無得輸，內餡材料豐富，我倆都食得很滋味呢。另外

今日係旺角BOOK 左一間專食分子料理甜品既餐廳，點知男朋友話未食午餐，要食d飽既嘢，所以奇怪地叫左個三文治同炸雞。估唔到呢個3式芝士火腿帕尼尼包都幾好食, 個包整熱左好香口, 但唔似飛碟, 口感好好, 仲唔會凍得好快, 唔似平時D方包.一開始見到碟炸雞得咁少, 呆左, 估唔到有驚喜, 入面夾左芝士, 不過最特別既係炸雞同薯條都無油, 唔知係咪用光波爐整呢最後都叫左一個甜品HONEY COMB, 呢個係檸檬蜜糖芝士慕士, 蜜糖流心, 分子淑女茶碎冰. 碎冰好清甜, 慕士有D似CHEESE CAKE既感覺, 食食下中間有蜜糖流出, 上面有d糖唔知點形容, 好似細個食過既叮叮糖但又好食d,好好味, 值得一試, 不過d花瓣就唔好食啦仲叫左一杯70%朱古力, 男朋友真係好驚唔夠飽, 不過無咩朱古力味見到有兩枱人慶祝生日, 原來有廚師係面前即整分子料理既蛋糕, 都幾靚, 都唔係好貴, 可以諗諗