一禪

營業中

休息中

本身冇食素既習慣 但係見到呢度有素食既All day breakfast覺得好得意 而且餐廳既裝修好簡約好佛系 俾到人好舒服既感覺 所以就入左去試試喇我地一行二人都點左佢地既All day breakfast 佢地All day breakfast既賣相好靚 呃左我地唔少菲林 而且仲好豐富添！ 裡面有牛油果、薯餅、麵包（正確d黎講係Sourdough)、菠菜、鷹嘴豆、炒蛋、磨菇同車厘茄 值得一讚既係塊薯餅真係好好食 外脆內軟 又唔會好油膩 另外營養亦非常均勻 當中既鷹嘴豆含有多種植物蛋白 咁就唔怕因為冇食肉而導致蛋白質攝取不足啦！（而且仲好高纖添！）飲品就叫左一杯凍既美式咖啡 一杯青瓜青檸梳打兩杯飲品亦同樣高質 尤其係青瓜青檸梳打 好清新好適合熱辣辣既夏天飲！今個午餐真係令我地心靈同身體都同樣得到滿足 Relax完充足電又係時候努力工作喇！

這是新開的一間素食咖啡館🌿環境舒適，食物有好多選擇，今次吃了All day breakfast $70及 無花果吐司$75，份量足夠，價錢合理。 無花果吐司配以芒果加藍莓果醬味道很夾，再加上乳酪，酸酸甜甜很開胃不會覺得漏。飲品點了鮮奶咖啡$42和豆腐焙茶$55。咖啡拉花很有心機，豆腐焙茶味道十分重，會食到一些豆腐碎，十分推介。下次會再去試其他食物，而且見到有賣純素蛋糕，都想去試下。