花說 (已結業)

同朋友見到網上介紹粉紅色主題嘅餐廳，就特登過嚟試吓。餐廳係喺車房隔離，都要搵一陣先搵到，唔算好方便嘅地段。餐廳出邊已經見到裏面有唔少嘅打卡位同埋裝飾，好多粉紅色，少女心滿滿。雖然係平日，但係餐廳都有幾多客人，大多數都係好年輕嘅少女。因為多人，所以我哋被安排坐咗係一個相對起嚟冇咁多裝飾嘅位置。我同朋友都未食嘢，所以叫咗午餐，外加一杯嘢飲。食物方面，我叫咗All day breakfast，比想像中大份，而且味道唔錯。本身諗住餐廳賣點係打卡，預算食物會唔太好食，反而有驚喜。朋友叫咗三文魚意粉，意粉係粉紅色嘅，好靚，同時佢話味道都唔錯，正常，不過份量就一般，唔算好多。嘢飲方面，兩杯個賣相都好靚好啱打卡，我叫咗粉紅色拉花朱古力，朋友叫咗咖啡。朱古力嘅拉花好靚，朋友嘅咖啡都有貓咪圖案，好可愛。朱古力嘅味道正常，但咖啡就唔太有咖啡味，一般。餐廳提供左好多唔同嘅道具去影相，算係幾有特色同埋心思，但係有啲公仔就唔太乾淨，有啲灰塵。雖然影相睇唔出，但都建議時常清洗。整體來講，服務唔錯，食物質素正常，由於餐廳嘅賣點係打卡，所以依個價錢嘅食物我覺得可以接受。一個人大概消費$120，可以坐頗耐嘅時間。適合好好

少女心爆炸嘅cafe🌸同朋友1點幾到 冇乜人入到就有位一坐底就被餐廳同枱面嘅擺設吸引有公仔 頭飾俾你攞去影相 ！叫左個All Day breakfast食物絕對唔hea！唔係得嗰幾樣咁！另外叫左個菠菜汁露荀雜菌就意粉好夠汁👍🏽一啲都唔會係乾蹭蹭嘅意粉另外叫左一杯青蘋果梳打，同一杯水蜜桃梳打味道正常，唔會好淡👍🏽整體成個cafe真係好有feel有哂道具 擺設又多鐘意影相嘅女孩子真係唔好錯過！👯‍♀️💕食物質素都好 小店黎講價錢算係咁性價比高👍🏽可以坐上一個下就 hea下👍🏽

一間好合適打卡呃like 嘅cafe, 店內燈光勁粉紅，鐘意少女風嘅朋友應該會好buy，不過店內位置好少，大約坐到5 枱當晚並未提供肉眼扒，同行朋友都揀左All Day Breakfast唔洗10分鐘已經上菜，份量對於女仔黎講啱啱好，味道亦唔錯，大家可以一試