Coti (鴻圖道)

營業中

休息中

平時係依到返工都食開，今日禮拜六帶阿女黎食，店中只有一店員，出菜好慢，但店員姐姐都好好努力，整依個all day breakfast其實好多不同工序，又要煎，又要烘多士，又要擺碟，平時有兩個店員時都覺吃力，今日只得一人，真係好替佢辛苦，後來得閒啲佢仲咁努力整杯靚靚朱古力俾阿女，好感動 ... 佢既老闆見字真係要加人工俾佢，一個人搞掂咁多野仲要full house其實個餐只係$74，我地想嘆杯，所以加左$24 所以撇開唔加錢升級飲品，其實好抵食

🎐自從mac mac 👧🏻出世後，莎莉掛住湊佢一直忙個不停，今日中午餵完奶🍼終於可以咇少少時間出黎食個快晏喇。📌為左方便莎莉，熊妹揀左呢間位於觀塘咖啡店《Coti》，可以早啲見面。不過同地鐵站🚉原來都有一段距離。仲要匿左係樓梯下面，好似harry potter 住的廚櫃咁，地方有點窄。📌小小咖啡店內有兩張可以坐2-3人的圓枱，同5-6人的望牆bar枱位，好彩熊妹同莎莉12點半🕧到達，附近工廈🏢的上班族💼還未放飯，未算多人，岩岩好有張圓枱即刻坐下。📌熊妹之前做過功課，心裡盤算過吃什麼。但原來轉左新menu，無哂熊妹本身打算叫的菜式。咁就睇餸食飯喇。原條鰻魚蛋包珍珠飯，$78📌本來已經大食的莎莉媽媽，而家仲餵緊奶需要更多營養俾mac mac，當然要食份主食喇，米飯🍚一定唔少得。鰻魚係幼身的，都幾長一條，肉質偏淋，唔係爽身個款，淋上日式鰻魚汁真係好惹味，啖啖肉。炒蛋好滑，軟綿線，份量唔少，好香蛋味🥚，面頭還鋪上一些木魚片跟紫菜碎，多重味道入口，非常日式。🎏珍珠米有嚼頭，份量多到唔至一定唔至一個飯碗，一向唔好米飯的熊妹都忍不住口吃了幾啖。📌幾乎每枱食客都點呢款鰻魚蛋包飯，成日羨慕隔離飯香的熊妹

新開的，好清新，店員親切，用心經營，入去原本只為一杯咖啡，翻開menu有食物，旁邊見到已帶動食慾，即時叫埋一份。食品需要自行取的，反而咖啡由店員誠意遞到面前。今天沒有諗頭，店員好有心地介紹一下，最後點了鰻魚炒蛋厚多士和一杯由店員發版的名為「dirty」，有驚喜！我用餐得好開心！至於朋友點了all day breakfast, 賣相也吸引

鴻圖道新開的咖啡小店，老闆為我們作推介，點了一份All day breakfast $58，可加$15配冷熱飲品一杯，好抵，加左杯piccolo另外，仲點了杯Rose Latte，加$12可配雞扒流心蛋三明治👍🏻咖啡的Blend有果香，不會苦澀食物都好高質，All day breakfast嘅蘑菇同香腸都好食，炒蛋都夠哂份量三明治入面塊都雞扒好好食, 加埋流心蛋嘅蛋汁環境舒適，但堂食坐位不多用心小店，會再去！希望下次可以試試佢既手沖咖啡！咖啡旁仲serve左粒咖啡豆型嘅小蛋糕