Little Break Coffee & Kitchen (已結業)

今日難得早起，就決定出街食個all day breakfast。見呢間都幾多人推薦，離屋企都算近，就黎試下。黎之前以為係一般細cafe價位，點知唔係⋯set lunch 基本都係$160+ . order左一個all day breakfast 同 澳洲西冷牛扒。all day breakfast 個份量好細⋯味道亦好普通⋯ 西冷亦係如此。lunch用餐限時90分鐘，都幾多人黎食，如果太遲黎，都要排隊。總體黎講，性價比略低，應該不會再試

荔枝角D出口，D2 place地下既呢間cafe，Lunch set價錢比一般午餐貴，如非特別日子，都比較少黎食。但之前試過1次之後，有機會都會黎encoreLunch 同dinner 都係相同既menu，所以唔會覺得晚上黎會唔扺食！今日最欣賞係佢既磨菇忌廉湯同pizza! 好香同味道濃郁！蝴蝶粉味道正常，all day breakfast 就唔夠新意，唯獨個煎魚最普通。今次無點佢既炸薯條，怕食唔晒！但薯條粗身，都值得一試架！

星期日難得放假，本來一心想去工廈食好西，點知出到荔枝角先失策地發現幾乎所有工廈食肆星期日都唔開於是就走去D2 Place搵食啦，見呢間coffee shop有all day breakfast，網上d評價又唔錯就試下啦。可惜係入到去因為餐廳係full house，所以淨係聽到喧鬧聲，完全冇乜coffee shop嘅恬靜感覺。等左十分鐘左右就入座了，話就話二人枱，但同隔離枱距離都冇5cm好似搭枱咁，又係土地問題我明嘅，但出現喺selling point係悠閒慢活嘅咖啡店入便難以有d失望...叫左客蘑菇湯，兩個all day breakfast。湯上枱好期待，一飲即刻灰左加水稀釋得好勁。唔好話蘑菇味，連忌廉湯味我都只係勉勉強強飲到。仲hea過罐頭湯。138$嘅全日早餐，份量就一定唔合格，但勝在質素上有海膽、煙三文魚有兩大片。自問細食嘅我飲左杯珍珠奶茶先黎都仲係有d唔夠飽...應該就冇下次當試下算啦。