Ocio (煙廠街) (已結業)

星期日同朋友行旺角波鞋街，未到夏天已經熱到溶左，又熱又攰想坐底食D輕食同甜品降下温！行行下就見倒呢間café，比佢門口嘅刨冰🍧吸引左！仲有輕食之首選all day breakfast ! 立即入去食！🍳 All day breakfast🥯 $108 跟餐湯大大份好豐富嘅全日早餐，有煙三文魚、沙律菜🥗、牛乳炒蛋、香腸、煎雞排，楓糖窩夫，配料有大番茄，茄汁焗豆同薯條。食材新鮮豐富，煙三文魚好香口，雞扒煎到剛剛好唔油又唔乾身仲幾juicy，牛乳炒蛋夠滑，最驚喜係楓糖窩夫，香濃蛋香味，外層鬆脆，軟硬適中！好味！玫瓏蜜瓜刨冰🍧 $59 為左呢個刨冰入黎，梗係要點 #期間限定 嘅刨冰啦！一上枱，真係太驚喜！個刨冰係～超～巨～型！賣相極靚極吸引！隔離枱都忍唔住望左幾眼！大大個雲呢拿雪糕喺刨冰頂部，勁多粒超甜嘅玫瓏蜜瓜，加鮮艷嘅綠色蜜瓜糖漿，同埋香甜軟滑嘅煉奶，食完真係透心涼！

旺角呢間西餐廳Ocio都有10年😃，我記得佢一開始係買窩夫紅咗🧇，就算之後旺角越來越多新 cafe進駐，依然無損Ocio嘅地位😌環境: 7/10以昏暗柔和嘅黃光線為主，樓底比一般高，感覺好舒服relax👍🏻食物: 7/101️⃣Ocio All day breakfast $89超大份又足料😍，最特別係用咗餐廳主打嘅窩夫取代面包🥨，仲要有埋雞扒同煙三文魚，真係要開心share先食得晒👍🏻2️⃣奥斯BBQ 醬春雞配薯條 $89整體個皮都係脆嘅同個味都幾好😜，但係可能係雞胸位比較厚略嫌‘鞋’咗少少🤭P.S 兩個午餐都仲有包嘢飲，果汁都唔使加錢🤪，特飲就再補返差價😄💰性價比 :8/10 ($100/人)，性價比很高的cafe推介推介🥳，食物質素唔錯👍🏻

星期日同男朋友食 brunch，我地好想食 all day breakfast , 見到呢間有，所以嚟試試 😃Menu 屬於假日午餐，配有餐湯，今次嘅係粟米蘑菇湯，無咩特別。招牌 Ocio 特選全日早餐包括有：炒蛋，窩夫，蕃茄，雞柳，煙三文魚，薯條，沙律同埋香腸 (仲有茄汁豆）冇諗過雞柳都算大件，望落去好靚，但食落有啲乾；反而炒蛋我覺得幾滑，好味；腸仔係長條形德國腸，唔太油對於星期日brunch 嚟講真係夠晒豐富同飽👍🏻👍🏻 超讚各加 $15 飲：雜果賓治、朱古力咖啡

黎Ocio呢個間窩夫專門店食飯點可以唔食窩夫，我就揀左奧斯特選早餐（$98）。跟餐送餐湯，今日係忌廉粟米湯。特選早餐黎喇！雞扒有成隻攤平既手咁大，平均1cm厚！窩夫有四分一塊，鬆軟得黎，又唔會腍，加啲蜜糖好滋味。烤蕃茄好大好大個。煙三文魚有捲埋兩大塊。平時食All Day Breakfast只會嫌唔夠既我呢個大胃王，今次都要投降啊，要放棄薯條同半條腸仔，因為仲要留肚食呢度既甜品。甜品揀左雙層咖啡芝士蛋糕（+$19，原價堂食$39，外賣$29）。都幾大件，一開始略嫌唔夠咖啡味而且比較甜，食到過半開始食到榛子味同咖啡味。餐飲本身包$33以下飲品，我就+$15揀左杯玫瑰咖啡。上面有片片玫瑰，飄來陣陣香氣。味道相對無咁甜，平衡番蛋糕既甜味。

這幾月都比較少來旺角吃飯了 今次在平日的晚上 來這間西餐廳跟友人聚一下 每人點了一個套餐 挺好的 有餐湯有餐飲有主菜《餐湯》粟米忌廉湯 不過不失 就像罐頭湯 比較濃郁 飽滿的粟米《芒果沙冰》挺不錯 鮮芒果味只帶點的酸 酸的程度可接受 沙冰喝到最後仍能保持到冰粒 正《蜜桃冰茶》嘩 茶底很濃 有苦澀的味道 蜜桃的甜填補不了《奧斯特選早餐》感覺挺豐盛的 有茄汁豆 德國腸 煙三文魚 薯條 炒蛋 沙律 窩夫 更有雞扒 吃起來正正常常 味道不突出《肉醬千層麵》賣相十分吸引 表面是焗到超級香的芝士 濃濃的味道 拉起來還有絲 最愛這種 如果層數更多會更開心 這只有3層 不夠層次感最後 人均$140 以晚餐來說 有餐湯有餐飲 挺合理的

一直想搵一些平靚正dinner set：一個寧靜舒適嘅環境，可以同朋友促膝詳談。簡單three course就夠，如果有扒扒鋸就最好，不然的話有意粉都OK。價錢最好$200內。地點最好係油尖旺，方便大家。今日比我搵到一間，喺旺角煙廠街。餐廳名叫”OCIO”，牌匾寫的是撩草，好似高級嘅西餐廳般的。一邊環境都唔錯，樓底都幾高，座位之間有足夠空間，簡單優雅。共有19款dinner set 可選，由$89到$178不等。有牛扒、春雞、意粉、漢堡、全日早餐等等。當中也有很多龍蝦的options，想到菜單上嘅照片，龍蝦都是原隻上，抵食。【奧斯特選早餐】全日早餐很豐富，有煙三文魚、雞扒、很長很長的薯仔及香腸、雞蛋、焗豆、窩夫及沙律菜等等。配有糖漿，淋上窩夫上食。見到咁豐富的早餐，未食已經很興奮。..【奧斯BBQ醬春雞伴意粉】有半隻春雞，伴有意粉及沙律菜。春雞烤得剛剛好，雞肉多汁鮮嫩。值得一提的是，意粉煮得很有水準，應該是煮的時間控制得好好，不會太軟。調味到位，又夠熱，不是快餐廳的hea 意粉。..【奧斯水牛城雞翼】+$39有5隻雞翼，夠多醬好滋味。..飲品方面我叫一個熱飲及凍牛奶，茶包是選用較貴的T

今日約左幾個姊妹出黎聚聚, 女仔就通常去CAFE多但旺角都有好多好伏既CAFE, Ocio之前都黎食過DINNER覺得唔錯先敢帶班姊妹黎, 不過好耐冇黎, 唔知質素仲保唔保持到我地去到既時候已經坐滿, 門口有人等緊位好彩我一早經OPENRICE BOOK左位, 如果冇BOOK真係唔知要等幾耐但呢度有限時, 如果冇人等位既餐廳都唔會趕你走由於我地黎到既時候已經係2點幾, 開始有下午茶供應, 而同時間LUNCH都會有LUNCH SET同TEA SET都包括左一杯$33飲品, 其他飲品只需補差價餐廳食物既定價都唔貴, 合理價錢我地叫左LUNCH SET, 包括埋餐湯, 係忌廉磨菇湯幾CREAMY, 仲將磨菇打成碎粒, 味道唔錯, 但就唔係好夠熱樣樣野都想試, 所以我地幾左幾樣野SHARE, All day breakfast有雞朳, 窩夫, 蕃茄, 炒蛋, 腸仔, 薯條同茄汁豆味道OK既, 但個窩夫就淋左少少另外仲有燒汁牛柳粒意粉同埋醬燒豬肋骨窩夫早餐味道都唔錯既, 以佢呢個價錢黎講眼闊肚窄既我地起初仲諗住叫甜品, 但呢度我地都已經食飽左, 唯有下次再試啦

旺角咁多cafe次次去唔同gei都要好多次先有機會再去,但呢間cafe我回頭率非常高,高到我覺得已經係我gei飯堂,仲要我次次都係食o個一個餐,無計啦,真係抵食夾大件嘛!雖然呢度D甜品好出名,但我次次去都係午餐時間,所以每次都係睇住同一個menu...由於我係唔食澱粉質類.所以只能選擇最少澱粉質gei餐-all day breakfast(雖然都有個包)店員會先上湯同飲品,個羅宋湯真係好羅宋~番茄味好濃郁,仲會隱隱約約飲到番茄蓉,作為頭盤佢完全做到開胃的作用!等左一輪終於都見到我個allday breakfast,哇!咁大份gei???平時去其他cafe,有D收同樣價錢但分量起碼少一半,我見到呢個size都擔心自己食唔曬,好彩,我個胃彈性都幾高XDD如果係肉食獸的話,你應該會好開心,因為呢分全日早餐舊雞扒超~大舊又厚,只係食佢已經好飽,之後條腸係其他cafe的1倍!雖然個包賣相有少少扣分,但味道絕對滿分,甜甜地~~我要特別推介佢個番茄,大大舊仲要超級多汁,食完好似飲左一杯番茄汁咁,真係好厲害~加上有賣我最愛的茄汁豆,真係好豐富!薯條佢提供黃芥末醬,其實都幾好食的,不過我都係鐘意茄汁,所

餐廳格局迷你，我們到達時，已滿座了，十分熱鬧。在外等了約20分鐘，才有座位。在等候期間，我和朋友便看看門外的餐牌，只見晚餐的選擇挺多，大約15款套餐。百多元，就有主菜，飲品，湯或沙律和甜品，感覺抵食。是日餐湯是蘑菇湯，入口感覺到粒粒的蘑菇蓉 ，菇味濃郁。湯中加入了忌廉，更添香滑。另配軟腍的麵包。我點了香煎帶子伴蟹肉意大利飯。整個飯呈奶白色的，配上一撮芽菜，灑上香草碎，感覺清新。當中混有芝士，每粒飯也被黏稠的醬汁包裹，質感濕糯。飯粒外軟內硬，有嚼口。可以嚐到帶子和蟹肉的鮮味，飯中還有蘑菇片、洋蔥塊和青椒絲，增加了口感。朋友點了一份奧斯精選早餐，份量十足，包括滑蛋、沙律菜 、薯條、雞扒、牛角包等九款食物。我吃了厚切的薯條，熱騰騰的，薯味濃；滑蛋軟滑，火喉剛好；雞扒厚身，雞皮以黑椒調味，肉質嫩滑。甜品雪糕有四種口味可選：綠茶，草莓，朱古力和雲尼拿。我和朋友都點了綠茶雪糕，味道甜中帶微甘。雪糕下面鋪了一些水果粒，火龍果，奇異果，桃肉等，與雪糕同吃，甜味突出。

美好的星期天當然要有豐富的早餐！在旺角要吃All Day Breakfast,可選擇的不太多，難得這間不用排隊，便試試看吧！Logo寫法很不同，遙遠就可以看到這門面。餐廳座位不多，有簡單裝修，唯獨每張桌面比較少，可擺放的食物有限。Lunch set 沒有太多的All Day Breakfast 可選擇。製作需時，要等15分鐘。奧斯特選早餐很豐富的早餐，賣相很吸引！最喜歡的是薯條，因為是新鮮炸出來的，外脆內有薯仔口感，而且份量很多！但雞扒的質感不是太好，比較老身，但吃到香草的味道。整體不錯！奧斯素食早餐喜歡素食的你一定會喜歡這個！薯條也是新鮮炸出來，很香口！雜菇也是挺有驚喜，很香而且份量很多！蕃茄也很Juicy !唯一缺憾就是多士比較硬身，而且不是熱烘的，牛油份量不夠，沒什麼味道。跟餐咖啡這個完全沒有口感，像水一樣非常稀身，而且沒有咖啡的香味，只有苦澀味，下次還是選擇普通的茶會更好！看到隔坐的窩夫賣相挺吸引，如果下午茶來的話，可以試試他們的窩夫！

終於都完sem啦!同兩位戰友一齊去旺角搵食蕃茄湯味道好濃郁，入面有好多蕃茄蓉，洋蔥同香草墨魚汁大蝦意大利飯意大利好足料，入面有好多墨魚粒，蘑菇，洋蔥同香草。🐙墨魚汁味道啱啱好，意大利訓好重黑椒味，可以除去各種海鮮嘅腥味，唔會太咸，份量適中。奧斯特選早餐材料好豐富，有兩件厚多士，一面烘底，脆卜卜，豬肉腸，雞扒，但雞扒口感少少鞋，炒蛋，煙熏三文魚加沙律，炸薯條，蜜汁豆同兩件蕃茄夠哂份量鑊仔紫薯窩夫 天氣開始凍，食返個熱辣辣既窩夫有種好幸福既感覺，兩層鬆軟既窩夫浸住粉紫色#紫薯 汁，上面配上一球雲呢拿雪糕 ，一小球紫薯蓉。🍦雪糕受熱溶化，🍠紫薯汁受熱沸騰，個畫面好夢幻好似浸緊泡泡浴咁。窩夫層鬆軟口感，沾上紫薯汁同雪糕食甜度適中，但都比較濟，可能因為紫薯汁有忌廉既關係。Rose latte味道偏甜但係整體好味，好香玫瑰味而且上面鋪有玫瑰花瓣碎，賣相一流。玫瑰梳打同樣都係有一陣好香玫瑰花味，梳打嘅感覺俾人清新感覺，唔會太甜，甜度啱啱好。大合照

呢間餐廳其實一早已經聽過 環境舒服 成個下晝都有午餐同下午茶供應 幾點黎到都有野食😛本來諗住叫waffle 但望到隔離食pancake好吸引 綠茶控嘅我點忍得住😆而且熱辣辣 暖入心☺️----------焗綠茶心太軟班戟 ( $89 )真係估佢唔到pancake版嘅心太軟都係第一次食😂個樣係幾靚嘅 抹茶Pancake熱辣辣 pancake皮夠哂煙韌 不過厚左少少 心太軟 一切就有超濃厚抹茶醬爆出黎 嗰下都幾震撼😂一路食都一路仲有醬流出黎 醬唔會太甜 另外心太軟點可嫁冇雪糕呢 唔知係咪啲醬太濃 港🐷覺得個綠茶雪糕 味道淡左啲啲 不過一凍一熱咁食真係正😆原來諗住咁大個有排食 點知一人一啖好快食曬😅-奧斯特選早餐（午餐$83） 另外仲試左呢個 真係好大份 有兩件炸雞扒  沙律菜 薯條等等 不過雞扒炸粉多左啲同燶左啲 整體都唔錯的

Happy Friday跟好友放工後，到煙廠街揾食，每次經過<Ocio>，也被門口的甜品餐牌吸引著。難得星期五，我們便放縱一下吧! 由於7時正已經到逹餐廳，所以未見人龍。餐廳暈黃的燈光很温䁔，也呼喚著我的食慾。餐牌的選擇多多，我們最後決定點2個Dinner Set和甜品一拿破崙。Dinner Set跟配頭盤、甜品及餐飲，點餐後不久，香甜美味的忌廉蜆肉湯便上碟了。滿滿的淡忌廉和鮮奶，令忌廉湯軟綿濃稠，很喜歡蜆肉的加入，令忌廉湯更鮮甜、有"咬口"；切成幼粒的西芹、洋蔥和煙肉都令味道更加精彩豐富；薯仔打成薯蓉，入口粗而順滑，別具滋味。套餐可點叫$33以下的餐飲，蘋果汁甜酸怡人，十分開胃。黑松露野菌扁意粉 $139每條扁意粉也被黑松露白汁包裹著，入口順滑細膩，除了黑松露幽香，還散發陣陣雜菌菇香。切成條狀的青椒、黃椒和紅椒口感爽脆，配合彈牙的意粉，軟硬兼施。洋蔥鮮甜、清脆，入口微辣，令整體味道更突出。如果意粉可以加入雞絲，相信會更吸引。奧斯特選早餐 $118奧斯特選All Day Breakfast的賣相非常吸睛，上次光顧已經很想食，所以今次不可再錯過。特選早餐有香煎雞扒、德國肉

說旺角是鬧市，應該沒有人會不同意。今日下午到了旺角逛街，去了先達看相機的配件，買完配件後，在附近到處逛逛，便找到了這間西式餐廳。餐廳的內部裝潢很不錯，有7-8張枱，每張枱可以坐4個人，而座位與座位之間也有合適的空間距離，不會感覺很擠擁。在牆身上面放置了很多很raw的decoration，點綴了整間餐廳的環境，讓整間餐廳的格調提升到了另一個層次。再看一看餐牌，有很多的選擇，有飯，有意粉，有窩夫還有我的weekend最愛all day breakfast!而這餐廳的all day breakfast有分兩種，正常的，和vegetarian的，而我當然選擇正常的啦。奧斯特選早餐 ($89) 8/10這裡的all day breakfast十分大份，雞扒，三文魚，番茄，德國腸，炒蛋，薯條，還有多士！可說應有盡有！炒蛋炒得很香滑，而多士，還配有果醬，十分體貼！菠菜蟹肉意大利飯 ($79) 8/10菠菜比我預期的多，滿滿的菠菜，遍佈了整碟意大利飯，而意大利飯亦煮得岩岩好，不會太淋身，也保留了意大利飯應有的咬口感，很好味！Hazelnut Latte (+$19) 7/10Coffee Art有點兒

晚飯時間，在旺角想找點好吃的，又不想等位太久，我都會選擇遠離旺區一點的地方。這條煙廠街，正正就是旺中帶靜的好位置。只要穿過排檔，就可以找到這家餐廳。門面ocio四字優雅地飛舞，看過餐牌後，就會知道這裡是一家主打西餐的小餐館。即使已屆九時，但仍要等十分鐘左右才可入座。與朋友各點了一份晚餐，晚餐包沙律或餐湯、主菜、甜品和飲品，還可以用優惠價追加一些小食，每份晚餐的價錢約百多元至二百多元，價位算是中上。田園沙律：個人很喜歡帶甜酸味的沙律汁，甜酸汁混和新鮮的沙律菜特別叫人開胃。忌廉蘑菇湯：湯色很濃，質感偏稀，湯裡帶一顆顆的菌茸，味道自然而不過膩。附上的多士也烘得香脆。奧斯特選早餐($118)：朋友點了這份早餐，初時會擔心份量會不會太少，但早餐奉上後這個疑慮就全消了。煙三文魚、德國腸、炒蛋、雞扒、薯條、厚方包、茄汁豆、蕃茄、沙律……這個特選早餐真的很豐富，絕對有資格問鼎晚餐的位置，相信如果將這份早餐放在早上吃，相信午飯也不用吃了。德國腸是白色的，帶香草味的豬肉腸，口味偏淡；雞扒烤得稍乾，仍帶適量的香脆。薯條熱脆，炒蛋嫩滑又不易散開，是這份早餐最令人滿意的食物。焗芝士菠菜蟹肉千層麵($139)：菜