Sole Coffee

營業中

休息中

放假係元朗周圍行，想搵間Cafe 食個 Brunch嘆下！見到依間小店幾近大馬路，二話不說試一試！♥️All Day Breakfast經典重份量早餐菜式，有水波蛋、煙肉、烤大啡菇、薯餅、沙律菜、竹炭包多士；伴隨酸酸甜甜的荷蘭汁，烹調溫度控制得剛剛好、新鮮口感而軟滑，超級美味！♥️ 日式蟹膏醬松葉蟹肉忌廉意大利麵蟹膏醬超級濃郁而香香，松葉蟹肉份量很多，肉感實在及有層次。意大利麵質滑溜，噓一聲就啜了一條，超正啊！♥️ Tiramisu CoffeeTiramisu 與咖啡係天作之合，手指餅調味適中，口感脆化帶少許燕麥味，非常吸引！咖啡聞起來香噴噴，咖啡味能夠中和Tiramisu的甜甜味道，店家落了不少苦功！♥️ Crunchy Caramel Lattel咖啡偏為多奶，這就是我的至愛☺️與咖啡本身同樣有中和作用🤪咖啡上層的焦糖脆脆味道突出，口感脆口吸引，為咖啡點綴了，令人印象深刻！

元朗近期多咗好多間輕食cafe，其中呢間環境以白色為主，主打多款ADB、穀類包點等，飲品餐廳選擇亦非常多。門外仲有開放座位，打卡或閒坐同樣舒服寫意。慢煮美國prime級下肩胛翼板肉三文治配粗直薯條($138)，肉食愛好者必點，食物送上枱時不禁嘩一聲，除左比想像中嘅份量多外，三文治嘅內餡好似湧出黎咁。薯條粗身大條，放耐咗先食，都keep住脆。麵包帶有香草味，微微烘過，邊邊位有少少烘脆口感，內層柔軟，唔乾。重點係，下肩胛翼板肉嘅口感好幼嫩，完全唔韌，完全好容易可以一啖食到包、肉、蕃茄、菜，perfect~~幾乎枱枱客人都有點尼個菜。食物即叫即煮，熱辣辣送上。all day breakfast($98)，尼款係中等級別嘅ADB，烤大啡菇多汁，煙肉脆口，薯餅同薯條一樣都脆身，食到薯粒嘅口感。沙律菜嘅醬汁唔會落得太多，特別在於加入埋藍莓。水波蛋好fluffy，外型好似cream，刺穿之後，蛋汁不斷湧出，烹調時間拿捏得好。竹炭多士烘脆過，配搭蛋汁食唔錯。black sesame latte($40)，拉花手藝唔錯，黑芝麻味超濃郁，飲到磨成微微粒狀嘅芝麻。飲到一半，建議拌一拌，因為好多芝麻沉咗去底。