Amazake (已結業)

好耐次前朋友帶詔我黎飲Cocktails, 之後一直冇機會再黎,今次同朋友食野傾計又諗起呢度呢度既Cocktail幾好飲,唔會有假味,所以我先敢叫Cocktail,平時幾乎都唔飲平時6-9 好似有HH, 每款$70左右就有得飲,都幾抵Amazake Roll有齊海膽同碎吞拿魚, 一次過食哂我最鐘意既食材!呢個好似TACO咁, 下面有炸紫菜同飯,上面有3款唔同既topping第一次食我覺得好新奇有趣,下次好想再食另外仲叫左tempura同sushi~呢D就一般日本菜都有 用料都幾新鮮如果想靜靜地傾計同食飯,我覺得呢度都係好選擇

午餐喺另一間餐廳中晒伏，諗住夜晚食呢間Amazake咁多好評應該實無死啦，點知墮入無間地獄，睇黎今日食神今日唔多眷顧我。Happy friday 七點半入座，去之前懶無book位仲擔心緊有無位，點知去到竟然只係得兩檯客，已經覺得伏味甚濃。星期五喎，七點半喎，中環喎，老蘭隔黎咋喎，唔通成個中環D人都O緊T？睇睇個餐牌，價錢一D都唔親民，不過中環食日本野，預左。因為小弟唔飲酒，所只happy hour唔岩我。野食就揀左海膽配麵包糠、帶子海膽墨西哥夾餅、Amazake Roll同埋鵝肝和牛炒飯。無心插柳之下幾樣想食嘅野都咁岩係有海膽。先黎嘅係海膽配麵包糠，賣相係幾好嘅，不過就真係剩係得個樣。我初頭以為佢會係類似係天婦羅咁，原來佢真係就咁海膽＋麵包糠墊底。海膽同麵包糠真係九唔搭八，怪就只怪我無睇清楚同問清楚。個麵包糠又唔係好食，凍冰冰，溝埋海膽又會搶晒佢D鮮味 (如果個海膽係新鮮嘅話)。唔計菊花同紫菜絲，$120大元，成碟野可以食嘅只係海膽 (同埋幾粒三文魚籽咁囉)。而主角海膽嘅質素就。。。。葵廣嘅海膽手卷都仲要新鮮過佢！！！食完第一道菜之後我地就非常擔心，因為之後仲有兩道菜係會用到海膽嘅，而