Aberdeen Street Organic Restaurant (已結業)

今晚和老公撐檯腳，去了鴨巴甸街一間酒吧兼餐廳，悠和的燈光下，兩口子好浪漫。Gin breeze雖然不太懂飲酒，但在這様的氣氛下，點都要飲番杯。gin 酒味好強，好彩混合了蜜糖中和少少。Prosciutto e Melone巴馬火腿鹹鹹香香，送酒好。份量頗大。Seafood Pasta平時自己不會煮意粉，好難控制意粉條的軟硬度。意粉硬度剛好，不過腍有彈性。海鮮有魚塊，大蝦，青口，帶子，鮮甜美味。Apple Tart蘋果撻焗得好香，外脆脆，甜度恰到好處。整體來說, 環境，氣氛，服務，食物水準中上，可推介。

今日同個朋友行完PMQ之後，喺果度附近 揀咗間餐廳嚟食。見佢前門都幾簡潔同餐廳入面裝修有少少情調，所以揀咗呢間。餐廳座位幾舒服，有點中東feel，感覺好得意。服務員態度都有善同親切。每一道菜都幫我哋轉碟。同朋友行完咁耐街，坐喺度飲杯嘢，食啲嘢，真係覺得好舒服。我哋叫咗兩杯cocktail同一d主菜，前菜同甜品。都覺得啲嘢食唔錯同啲嘢飲好好飲。Fortress Hill $85 -杯酸酸地,有檸檬同西柚嘅酸甜味，都幾開胃。Causeway Bay $85 -杯cocktail 濃蜂蜜香甜酒味，同埋有啲食西班牙酒，個味幾特別唔錯。Greek Lentils Salad $88-呢個沙律幾特別。扁豆再加埋羊芝士碎同香菜碎溝埋一齊然後放喺塊熱辣辣嘅多士上面一齊食，幾好味。d羊芝士好香，估唔到同埋d軟硬適中嘅扁豆一齊食，好有口感。Salmon $175 -個三文魚外面煎得幾好，脆脆地，上面d香料黐住塊三文魚，特別有香味。連三文魚皮都煎得幾脆。估唔到啲三文魚肉都ok滑。d伴菜煮得好入味，加埋d醬汁好好味，有濃濃的燒汁味。個藜麥都煮得好入味，有清清地嘅素菜香味。Ribeye Steak $180-塊

話說自己成日去Soho飲野食飯，但從來冇帶過媽咪去食，於是今晚做個孝順嘅孩子，同佢去飲杯野食餐飯。一路行行行，好在今晚唔算好熱，否則真係會發癲。6點嚟到，得我哋兩個，店員全部都係外籍人士，非常親切友善地介紹食物俾我哋。原來呢度唔落味精、食物來自無農藥嘅地方等，值得支持吖！Garlic prawn ($85)雖然我唔食蝦，但呢個係必點喇呱！一上菜已經香到想喊，蒜片偏軟，連埋蝦一齊食係無得頂㗎！蝦夠大隻，口感勁好勁鮮甜；呢度菜主要係用橄欖油半泡半煎蒜片及蝦，所以靚嘅橄欖油完全係靈魂，連最底嗰啲橄欖油都充滿蒜香，好味到呢......Provencale mussels ($190)我真係好鍾意食青口！每次見到青口都會諗起比利時嗰大鍋青口，念念不忘.... 竟然喺呢度俾我食返嗰種感覺，因為夠大鍋，差不多有成40隻！唔算非常肥美，但已經好滿足！用番茄、檸檬、香草汁等令青口味道好清新，徘徊在似酸又甜之間，超級好味！同比利時唔同嘅係呢度用新鮮炸起嘅薯仔，店員話唔係落茄汁食，係要點啲番茄醬汁食㗎，熱辣辣嘅薯仔上面仲有啲椒鹽，更加惹味，諗返起都流口水Ribeye steak ($180)好耐冇食過牛扒，