NN Coffee & Gin (裝修中)

連飲品都超少女心😆呢間cafe由西貢開到鰂魚涌 裝修完全係另一種style💐店舖前面係咖啡店 後面就係yoga studio! 🧘🏻‍♀️Hoop flow class第一次玩yoga～老師好細心有耐性 會逐個學生指導執動作 beginner friendly😚可以練到core😆🌟🌍Around the world ($108)造型滿分🤩焦糖味幾香 帶微微果甜 清新易入口 睇得又飲得! details位最讚 用迷你行李箱裝住 旁邊仲有地球儀 巴黎鐵塔😍🦀松葉蟹膏蟹肉貓耳朵粉 ($128)蟹肉份量幾多 食到底都有😆貓耳朵有咬口 al dente~ 配料仲有菇 蟹籽 味道感覺走健康路線

平時好少去鰂魚涌，咁啱有啲嘢做行經呢邊，上網見到，呢度有間好靚嘅餐廳，就想去試吓一入門口即刻俾佢個打卡位吸引，好似俾啲花圍住咁樣樣野都好靚，真係好難揀，特別係飲品，每一款都想試吓胃容量有限，只係揀咗幾款餐點，主食方面，叫蒜香鮮蝦手工意大利粉（$98）、脆炸黑蒜沙律醬薯條（$68）粗身嘅意大利粉，配合香濃醬汁，同埋新鮮嘅大蝦，非常好味；而薯條炸得夠脆，配黑蒜沙律醬，估唔到原來咁夾👍飲品方面，梗係要叫signature嘅Around the world, 我唔係太想飲酒，就叫咗杯velvet latteAround the world 既Gin 同檸檬味好出，好fresh既感覺；velvet latte 平時好少飲，因為佢粉紅色實在太吸引，飲落又幾特別，好似食緊甜品咁餐廳除咗可以食嘢，原來入邊仲別有洞天，係可以做瑜伽嘅地方，如果做完瑜伽出嚟飲杯嘢都真係幾chill

鰂魚涌區呢間粉紅系夢幻Cafe💕喺網上略有名氣，一開始我都係衝着佢嘅裝修同埋非常岩打卡嘅飲品而黎，但係估唔到佢啲手工意粉會咁出色！比起我之前食過I 字頭嗰間好出名嘅意大利手工意粉仲好食，佢啲闊條麵煮到外層軟化，中間半熟不生，非常有咬口但又唔會過硬喎💯技巧拿挰得好好！而且價錢係平一大截，唔使$100 有一碟，環境又乾淨明亮，好舒服可以坐一個下午，以後我一想食意粉，我諗我都會推介朋友過黎！香蒜大蝦意粉🦐$98 (🌟9/10)大蝦size 好巨型，足足有5大隻，非常爽口彈牙新鮮，闊條麵正如我上述，質感令人驚艷，香蒜味道濃郁，不過因為呢個意粉有三大隻紅椒，會越食越辣㗎🌶️唔食得辣嘅朋友要注意🤫煙花女意粉 💃🏻$98 (🌟9/10) 開頭聽個名都一頭霧水，但係店員推介我哋就試試，呢款手工扁意粉就係用茄汁做醬汁基底，比起大蝦個款我更喜歡呢款嘅濕潤感，材料有鯷魚乾、蕃茄、橄欖、酸豆等，食起黎酸酸甜甜好開胃Around the world 🌎 $108 (🌟8.5/10)我好鍾意去旅行，亦對地球儀情有獨鍾，所以喺網上見到啲呢杯嘢飲已經bookmark 定要黎，呢杯酒用左地球儀裝住，再放入行李箱，靚到同朋

<NN Coffee & Gin> 📍鰂魚涌🔸設計極具心思 🍹 打卡Cocktail 😻😻😻🔸粉紅攻擊 💗💗💗 滿足少女心 上次試過依間餐廳，感覺好特別。不過Lunch實在太多人，食唔到有啲唔忿氣 😆 專誠放工再過嚟，夜晚人流少啲，仲有打卡位坐 😁✌🏼蒜香鮮蝦手工意大利($98) — 估你唔到！竟然有五隻大蝦 🤩 大蝦口感爽脆，配合上手工意大利麵，細膩滑順 😋😋😋 蒜香微辣，好味！煙花女手工意大利粉 ($98) — Spaghetti alla puttanesca嘅主要材料相當簡單，用橄欖、提魚乾、酸豆同番茄做出醬汁，識落鹹鹹酸酸咁樣好惹味 🥴 不過就真係冇乜配料。《當你唔尷尬嘅時候，尷尬嘅就係人哋系列》🤭 要打卡就千祈怕醜，當我叫Gazelle(Gin Tonic)果陣指到明話想要埋後面啲菇菇森林打卡用 🤣🤣🤣🤣🤣🤣🤣🤣 影相出嚟嘅效果真係好靚！好靚！好靚！少女心大爆炸！💗上次飲過Around the world 🌎 今次就推介左朋友是飲呢杯Cocktail 比朋友 💙💙💙 Gin + Cauracao（委內瑞拉藍色酒），個人覺得味道有少少似焦糖味。

今日嚟咗呢間係太古同鰂魚涌交界嘅cafe, 聽朋友介紹呢度有好girly嘅裝潢，好適合一班閨密嚟聚聚，於是決定嚟試下。同朋友分別叫咗兩個main，佢嘅係蟹肉南瓜牛油果手工意大利粉，口感濃稠，但南瓜味有清甜嘅感覺，蟹肉同牛油果都同個汁好夾；我嘅係香煎日本帶子黑松露手工意大利粉，帶子煎等香得嚟，入面嘅鮮味依然冇流失，肉質唔會乾爭爭，而黑松露汁都好濃厚，雖然兩個意粉望落好似好細碟，但都夠飽。即便如此，女仔點都要啲甜品去滿足下另一個胃，所以再叫咗個雜果法式西多士。藍莓同草莓都幾新鮮，西多士外脆內軟，已經被甜甜嘅糖漿包圍好，感覺幸福。嘢飲方面朋友叫咗Sour Sweet，係用English Breakfast Tea做嘅，有啲似檸檬茶嘅味道，但有滋潤嘅感覺。而我就試咗個Around The World，真係又飲得又睇得，用個小小皮箱裝住個藍色地球，突然好想去旅行呀！有汽嘅酒飲落竟然有啲creamy 嘅感覺，非常特別，強烈推介！！