Oldish (已結業)

之前同朋友黎過一次 ，我一直記掛住佢地個Avocado Toast，終於俾我搵到時間再黎食啦😍烘好嘅多士上面擺左接近大半個牛油果，再加上調味粉，真係好好食！今次仲食左Truffle Mushroom Risotto 同BBQ Baby Pork Ribs，兩個都好好食，推得推薦俾大家！Risotto好creamy好香松露味，菇同飯嘅比例啱啱好，必叫！BBQ Pork Ribs 調味偏甜，不過個豬肋骨肉質好嫩，好易切得開，配菜又有牛油果，大讚！唯獨係個燒粟米有啲乾身無咩味。如果想影靚相嘅人士建議係weekday晏就/夜晚去，少啲人會容易影到紅磚牆上懷舊擺設做背景嘅相。.一個地方，可以滿足你食好西嘅慾望，又可以滿足到你影靚相打卡嘅心，真係好適合約朋友黎飯聚👯‍♀️

自從同好朋友一齊去左港島區返工，我地多左係港島發掘美食，朋友lunch嘅時候食過oldish 覺得幾好，就約我一齊收工dinner再戰！.餐廳位置係上環，有去開上環嘅朋友都知上斜係無何避免嘅一個環節，去oldish亦一樣，由上環地鐵站行上去大約要10-15分鐘左右。.上到去未抖順條氣已經俾oldish嘅門面吸引左，紅磚牆加古銅色窗框，有一種英國復古嘅感覺。入到去嘅設計亦都係一樣，暗黃色嘅燈光再配合牆上嘅舊式擺設，成功營造到懷舊嘅感覺，好適合打卡影相。.食物方面，整體黎緊都好好食，特別推薦Avocado Toast，冬蔭公意粉同Tiramisu! 鍾意食牛油果🥑嘅人必食個Toast, 我為左個Avocado Toast會再去！冬蔭公意粉十分惹味，而且海鮮料都好多，不過就有少少辣，唔食辣嘅可以skip。呢到嘅Tiramisu 酒味比較重，而且食落一啲都唔膩，幾好去圖:總括，唔介意行下斜路食好西嘅你，一定要去試！