Kelly's Cape Bop (已結業)

二零一六年香港一系列米芝蓮推介街頭小食出爐當中固然不乏港式小食，但是卻只有Kelly’s Cape Bop唯一一間韓式小食店。除了招牌飯卷之外，店內還有出售韓式蛋卷、炸雞及拌飯等小食，食物款式不多。牛肉飯卷 ($50)飯卷口味除了有牛肉之外，更有豬肉、吞拿魚、芝士、辣魷魚，以及健康素食選擇——蔬菜，每件豐富巨型，七彩繽紛，整整齊齊地排放在紙盒中。餡料與白飯的比例大約是四比一，牛肉、青瓜絲、雞蛋絲、紅蘿蔔絲等材料密密麻麻擠在紫菜和飯之中。牛肉已經醃製，甜中帶鹹，但由於蔬菜量多且調味不重，飯卷整體而言味道較淡，倘若麻油味道更香更濃定必更好。旁邊更有自家製的泡菜蘿蔔，爽脆而辣度到位，個人喜歡連同飯卷同吃，令本身味淡的飯卷變得濃味一點。雖然個人認為香港的確有數之不盡比Kelly’s Cape Bop更加值得入選米芝蓮推介街頭小食的食店，但是在二零一七年繼續保一席位，的確是其質素的保證，個人認為亦是不錯的健康之選。

轉下眼，就到下午4點幾5點，臨入去書展前，食少少野頂一頂再血拼先! 今次屈小姐就帶賴生去To eat list入面既其中1間 - Kelly's cape bop 食紫菜飯卷!入到去，韓國靚靚老闆娘超nice，英文好好，笑容好友善，令人感覺好舒服好自在! 佢係舖頭幅牆用英文寫晒有咩食，佢寫kimbap果d啦，入面可以再揀要咩ingredient, 佢仲好貼心有中文menu嫁!!我地叫左牛肉紫菜飯卷! 佢即叫即整嫁! 仲可以睇住佢整添! 睇住佢逐樣逐樣放入去，再卷埋，好熟手! 勁快有得食!一咬落去，覺得所有野既portion 岩岩好飯量比起出面果啲少好多，感覺岩岩好，唔會好似齋食飯咁，夾埋甜甜地既韓式牛肉，加上青瓜絲，紅蘿蔔絲，蛋絲，紅椒等等，好juicy，好fresh! 食落唔會濟，而感覺又剛好，再配一盒自家制既泡菜，辣得夠刺激!值得推薦!#let's eat the whole list tgt!