影片
更多
2018-08-09
384 瀏覽
前幾日係百樂中心食完晚飯想食個甜品，見ZUC.CCH.ERO個名咁特別又係樓上，就抱住要食甜品嘅好奇心上左去。佢大部分座位都係bar 枱，可以睇住chef係你前面拉糖整甜品，但係如果你想坐得舒適d,同幾個朋友吹吓水嘅，佢亦有少量嘅四人座，六人座。言歸正傳，今次到訪試左Para Para Sakura,最吸晴嘅係粉紅色士多啤梨棉花糖做成嘅樹，啡色嘅樹幹係用黑朱古力整成。而樹下嘅泥漿係由紅桑莓啫哩、朱古力mousse 和朱古力蛋糕配搭而成。紅桑莓啫哩散發嘅酸味加上朱古力mousse 甜甜嘅味道，好夾。唯一係略嫌份量較細。所以促使左我地叫下款甜品🙈😂Rolex ball其實即係中式糖水楊枝甘露嘅fusion版本。甜品一上枱，店員會係橙黃色嘅拉糖上面淋酒精，再點火，令到拉糖變軟，容易d敲碎。拉糖入面有雪凍左嘅西米 芒果西柚分子牛奶雪糕等，加上雪成沙冰嘅楊枝甘露同敲碎左嘅拉糖一齊食，食落層次非常豐富。而且酸和甜十分平衡，非常好食。Break the tear 係ZUC.CCH.ERO 另一個出名嘅甜品，單單係佢嘅外表已經好吸引。藍色嘅拉糖造成嘅水滴蓋住非常罕見嘅藍芝士雪糕，味道濃郁得黎又唔會搶左
言歸正傳，今次到訪試左Para Para Sakura,最吸晴嘅係粉紅色士多啤梨棉花糖做成嘅樹，啡色嘅樹幹係用黑朱古力整成。而樹下嘅泥漿係由紅桑莓啫哩、朱古力mousse 和朱古力蛋糕配搭而成。紅桑莓啫哩散發嘅酸味加上朱古力mousse 甜甜嘅味道，好夾。唯一係略嫌份量較細。所以促使左我地叫下款甜品🙈😂
Rolex ball其實即係中式糖水楊枝甘露嘅fusion版本。甜品一上枱，店員會係橙黃色嘅拉糖上面淋酒精，再點火，令到拉糖變軟，容易d敲碎。拉糖入面有雪凍左嘅西米 芒果西柚分子牛奶雪糕等，加上雪成沙冰嘅楊枝甘露同敲碎左嘅拉糖一齊食，食落層次非常豐富。而且酸和甜十分平衡，非常好食。
Break the tear 係ZUC.CCH.ERO 另一個出名嘅甜品，單單係佢嘅外表已經好吸引。藍色嘅拉糖造成嘅水滴蓋住非常罕見嘅藍芝士雪糕，味道濃郁得黎又唔會搶左西芹沙冰嘅清新感覺，加埋一d walnut 更加帶出到甜品嘅口感同層次，最重要係有得玩又有得食，一次滿足你2個願望😆
Namida 涙同break the tear 相似，不過就比較易入口。佢用左益力多冰做冰底，加入綠茶雪糕、梅酒啫喱同白玉，有冰嘅爽脆得黎又有白玉嘅煙韌。最後加上最吸晴嘅拉糖，食落有好多層次，味道亦好清新。
而Planet Earth又ZUC.CCH.ERO 的一傑作。佢地出名每款甜品都細細份，好精緻，而且非常有創意。好似呢個planet earth 面頭有舊白色嘅雲，其實係棉花糖黎嘅。店主提供左黑色焦糖噴霧同綠色蜜瓜噴霧，代表住污染地球同綠化地球。而地球就係用jasmine tea lava mousse 做成，淡淡茉莉花香味，感覺清新，食幾多都唔膩。切開中間就有blood orange sauce流出黎，酸酸甜甜好醒神。地球底下仲有啲chocolate crunch，令到成個甜品嘅口感更有層次。 又有得食又有得玩，值得推介。
最後要介紹嘅係Mount Fuji，呢個富士山係由波子汽水、乳酪同蜜瓜雪糕整成嘅。不過成個富士山嘅味道偏清，蜜瓜味唔夠香濃。而山下嘅草係橙味蛋糕碎，略嫌有少少乾。附近嘅櫻花啫喱都有啲清淡，用黎點綴嘅士多啤梨醬味道最為濃郁，連同蛋糕碎一齊食比較好食。富士山上枱嗰陣，店員會係上面加入液態氮，令成個作品更有仙氣😍
Para para Sakura
54 瀏覽
0 讚好
0 留言
Rolex ball
61 瀏覽
0 讚好
0 留言
Break the tear
76 瀏覽
0 讚好
0 留言
Namida
59 瀏覽
0 讚好
0 留言
Planet earth
52 瀏覽
0 讚好
0 留言
Mount fuji
51 瀏覽
0 讚好
0 留言
張貼
