Mango Tree Café (已結業)

環境優美舒適，很適合一班朋友一齊聚舊～ 碰巧發現最近有一週年優惠，叫左冬陰公豬手同龍蝦粉絲煲，晚餐都有第二款半價優惠，好正！我哋6個人點左：燒八爪魚菠蘿沙律冬陰公豬手 龍蝦粉絲煲椰汁帶子蟹肉扁意粉黃咖哩炒蟹 蒜蓉包烤豬肉鮮蝦米紙卷Bubble mellowYoung coconut Watermelon juiceBerry e kiwiPandan coladaRed bean ict重點推介黃咖哩炒蟹🤤食左好豐富嘅大餐順帶一提，啲嘢食顏值好高～

好耐冇同朋友咁enjoy去食餐飯, 坐得舒服之外, 服務都好好(有個男侍應, 應該三十幾歲, 招呼得好好)~其實平時我唔係好中意食泰菜, 因為覺得好重口味, 每次食完都會覺得好辛苦, 夜晚飲勁多水, 飲到個肚漲晒, 好唔舒服但係呢間真係我食過元朗咁多間泰菜, 最冇呢個問題既一間！所以之前公司系度搞過生日party食過一次之後, 都再同朋友卜枱來食, 果然一樣冇失望！今次仲要試左上次冇食既菜式，特別推介既係黃咖哩炒蟹配蒜蓉包, 我地仲refill左蒜蓉包來食埋個黃咖哩！(refill $38一客, 有四塊, 切開share都岩岩好, 唔洗太飽)另外佢個冬陰功豬手都好值得試！我因為本身唔太好泰菜, 所以對冬陰功都係麻麻, 又唔係好中意食豬手, 本身都驚伏, 但朋友話想食咁就叫啦,之後試左一舊發覺都幾驚喜！因為個冬陰功隻味岩岩好, 而且豬手好有嚼勁, 我食完一舊又一舊...今次有排做運動...>v<不過可惜既係琴日係國慶,假日食呢個冇得優惠, 要星期一至五食先有得享用佢個一周年誌慶, 有得半價食多個佢地指定既菜式~btw不得不提既係我好中意杯野飲啊! 因為平時食泰菜太咸, 我

國慶去下白泥睇日落，其實只係行行走走，回程時已經好肚餓，book咗8點食，個肚差啲唔切。一行六人入坐之後興興撼撼嗌嘢食，而家有一周年優惠，喺五味脆皮雞（$168）、青檸辣椒蒸原條紅鮪（$188）、龍蝦粉絲煲（$238）同埋冬陰公豬手（$188）四款菜式中嗌任何兩款，其中一款就有半價。我地叫咗龍蝦粉絲煲（$238）同埋冬陰公豬手（$188），半價後平均每樣$166，以份量味道嚟講都幾抵食。先上椰汁帶子蟹肉扁意粉。上菜嘅時候已經好香冬陰公味，帶子同蟹肉唔算鮮甜但都可以，扁意粉加冬陰公椰汁，估唔到係得意幾夾，加哂分。燒八爪魚菠蘿沙律。蔬菜幾新鮮爽脆，個汁酸酸甜甜，八爪魚醃過，幾濃味，啱哂做頭盤沙律，開開個胃。烤豬肉鮮蝦米紙卷。有時食泰國越南菜嘅米卷味道會好淡，呢間醬汁偏濃，入面好足料，一條米卷俾兩隻大蝦，加埋隔離嗰碟明明都係酸酸甜甜，聽落冇咩新意，但依然好好味嘅汁，呢碟又係要讚一讚。冬陰公豬手 。份量幾大，肉已經拆好哂，放落口就得，懶人最愛，仲有條完整嘅骨做裝飾。表皮好香口，唔會太硬，骨膠原（啫係皮連肥肉嗰part）加埋依然係酸酸甜甜嘅汁好解膩，仲有腰果同蒜頭做伴碟。黃咖哩炒蟹+蒜蓉包。上菜

最新趁仲放緊假，特登約咗朋友去食個下午茶吹下水，由於大家都係新界友，所以揀咗呢間喺 Yoho Mall 入面嘅餐廳，一入去就覺得個環境都幾舒服，我地仲有沙發位坐。原來佢地平日嘅三點至五點有下午茶套餐，可以分別選擇鹹點同甜點，如果兩個加埋叫仲可以平啲，我地都係大食人士，最後每人分別點咗鹹點加甜點，另外仲加 20 蚊試埋佢個特飲。最先黎嘅係泰式炸魚丸、蝦丸、沙爹同米紙卷，好啱我呢啲鍾意食香口嘢嘅人，啲丸好彈牙，用料好足，而且仲有唔同嘅汁點各種小食。之後係呢個泰式香茅豬排包，因為我地全部食物都 share 黎食，切呢個包嘅時候俾我地切到散曬，塊豬排都幾入味，我朋友就鍾意食個薯條，話炸得好脆。對我黎講，食下午茶最緊要就係杯嘢飲，我地分別叫咗 bubble mellow 同 tropical sangria，我杯 bubble mellow 其實係泰式奶茶加珍珠同棉花糖，一路飲一路仲有好多嘢俾我食，都幾過癮。我地食完曬鹹點之後，先叫侍應上甜點，我朋友叫嘅草莓香蕉薄餅賣相唔錯，但食落好似無咩特別，我都係鍾意我叫嘅椰青斑蘭奶凍，上面層斑蘭布甸真係好香，下面層椰青奶凍就好爽口，可算為我地今次嘅下午茶畫

近來時常都到yoho mall開餐，兩天前才剛在IKI吃過鐵板午餐，這天晚上又來到Mango Tree Cafe ，而這已是我的第二訪了。自從形點擴展至第三期後，餐廳數目比以往多了近一倍，但不少新進駐的餐廳 是熟悉的面孔，如小王牛肉麵、outback、Pizza Express、Cafe Habitu......既然這些在屯門也有分店，那又何必千里迢迢來到Yoho Mall朝聖呢？雖然如此， 在千篇一律的熟悉面孔之下，還是有一些餐廳能排眾而出，成為值得回頭的注目餐廳。Mango Tree Cafe 開業才不過數月，一直維着極高的人氣，是暫時唯一能吸引我再訪的。翻開餐牌細心研究，發現跟初開業時相比選擇更多，餐牌加入不少新菜式，如炭燒牛肉、番石榴沙律、酸辣扎肉生菜包、荔枝烤鴨薄餅、蕉葉燒石斑魚柳 等等，都是首訪時沒有的菜式。適逢遇上mango tree cafe一週年誌慶，平日光顧可以半價優惠，享用指定泰式煲仔系列。今天的優惠是森巴牛仔骨煲，只需半價品嘗得到，不過只限晚市供應。兩式頭盤分別是香茅椒鹽炸魷魚圈及酸辣扎肉生菜包。較欣賞香茅椒鹽炸魷魚圈($88)，魷魚圈十分新鮮， 裹上薄身的炸漿