Belgos

營業中

休息中

我都幾鍾意去開放式有露天坐位嘅餐廳。一來可以欣賞街景，二來感覺亦比較開陽。Belgos仲要有高樓底，地方夠大，喺入面用餐十分舒適。佢哋嘅Business Lunch (Mon - Fri; 11:30am -3pm) 有齊前菜、主食、甜品及餐茶，價錢合理，食物選擇亦多。我哋一行三人，兩位叫咗Set Lunch, 一位叫 A Le Carte。Set 嘅前菜我哋揀咗兩款，分別係南瓜湯同埋Burrata-車厘茄配羅勒葉及新鮮水牛芝士。南瓜湯鮮甜濃稠，味道有層次感。新鮮水牛芝士有奶味，質感軟滑帶有彈力，加埋酸甜嘅車厘茄同羅勒葉，清新開胃。主菜方面有泰式冬陰功味青口及蒜蓉鮮蝦意粉。Thailandese Mussels ($158) 天氣悶熱，酸辣惹味嘅泰式冬陰功煮青口比同平時食開嘅白酒煮青口更醒胃。冬陰功汁料除咗有香矛獨特嘅香味之外，仲有加入椰奶，更具熱帶風味，令青口嘅滋味程度提升。薯條香脆，點冬陰功汁一流！Garlic Shrimp Pasta ($178) 新蝦大隻，爽口彈牙。蒜蓉白酒忌廉汁，濃淡適中。長通粉煮得煙靭，唔會太腍。Fish and Chips ($158)唔係set，係散叫

朋友帶我嚟,估唔到咁正不過menu全部都係英文冇相片根本唔知係咩嚟.我就google search睇下有咩啱畀我發現有個爆漿芝士burrata ($148)好啱我,超鍾意食,好似唔見其他餐廳有另外叫咗個main carbonade flamandes($288)望落價錢都幾貴,但原來都大份用啤酒醃到好鬆軟好入味.見到淨係點薯條都好多sauce但今日冇叫到薯條就用咗餐前麵包點下試食最鍾意係黃色呢隻dallas,辣辣地下次必定會再來,今次試得太少嘢

作為一個bon vivant周圍食下唔同嘅菜式，今次就嚟到belgos食belgian cuisine。香港要專門食比利時菜，除左有間連鎖店外選擇實在唔多。以下係我哋叫左嘅菜式：- an appetiser - Burrata, - a main course - grilled Wild Boar Sausage, - a tarte flambée - Brooklyn, and - a snacks - Fries.各樣食物都有水準，我最鐘意係Brooklyn，大概就係薄皮嘅薄餅咁，材料有ham, onion, Mozzarella, cheese, tomato sauce，食落口感就好豐富。而主菜除左條腸外，值得一提係配料Stoemp & red cabbage嘅味道都唔錯。👍環境方面，戶外有幾張枱，內面場地都幾大，我哋平日夜晚去，人唔多，坐得幾舒服。有bar陳列左各式各樣嘅酒，牆上有我睇唔明但好特別嘅抽象畫，整體感覺都幾好。😀