Ciao Chow - Italian Cafeteria (已結業)

之前次次都係去又一城間Ciao Chow，今次試下中環呢間。呢間大好多氣氛都好好多，門口有個area係bar,可以齋飲野。不果今日黎食晚餐所以坐入面。餐廳入面大部分位置都可以睇到廚師即場整野食，睇住佢即叫即整的確會加分👍🏻之前係Festival Walk食過Carbonara ，醬汁好重蛋黃好濃好入味 諗住pizza都會係同一隻醬。但pizza反而冇乜蛋黃,味道淡好多，同出面既差唔多普普通通冇乜特別,有D失望。6/10😐而Fettuccine Bolgnese味道不錯，醬汁超級濃郁，採用扁意粉令Pasta更入味，經理好細心知道係Share食幫我地分好左兩份。。8/10😊野飲方面叫左杯Brewdog Grapefruit IPA.味道還好，飲落去有少少蜜糖味，不過要趁凍既時候快D飲。7/10😀Overall：7/10 😀同Festival Walk比呢閒價錢貴左差唔多成倍，但環境靚D氣氛又好D，而且食物種類、野飲都多D，所以比貴少少都值既。不過如果只係想試下又唔想曬錢去Festival Walk抵好多。

雖然晌中環工作，但一向都甚少出外食晏，唔喺帶飯返去叮，而喺公司屬舊派，仍有叫福食嘅傳統。都幾好架，足不出戶，專人送到，快快手食完又可以瞓吓晏覺。不過，間中都有例外，就如福食嗰邊無咁快開市，又趁新正頭，約約附近做嘢嘅朋友外出食餐開年午飯。晌德輔道、皇后大道一帶超多人，上番少少嘅蘭桂坊其實有唔少食肆，但人潮就相對細。嚟到Ciao Chow，鋪面開揚，近門口僻為酒吧，所以，門口以高腳吧枱為主；再入啲，環境依然闊落，原木、配雲、銅管嘅組合，帶點工業風，貫徹番依一帶食肆要夠型格。再者，開放式廚房，睇到廚師團隊落力做菜，側旁一大個玻璃櫃，吊起多條意大行火腿。而另一邊廂，巨型大烤爐，令人對其薄餅充滿萬分期待。雖然喺食晏，不過，依度無午餐供應，全部散點，橫掂開年，就一於食得豐富少少！前菜小食有超多選擇，大大話話近30款，分為肉類、芝士類及蔬菜類，各式其式，適合唔同喜好嘅人士，定價$32-$98，豐儉由人。Bruschetta ai Pomodoro $48意式嘅烤麵包片配以蕃茄粒伴橄欖油，麵包香脆，蕃茄鮮甜，簡單開胃。Salame Napoli $32拿坡里我只想起馬勒當拿曾效力過嘅意甲球隊，佢嘅莎樂