POP vegan (已結業)

企係伊利近街28號地下，眼見「Pop Vegan」既招牌係一樓，但苦無入口，原來行過少少有棟鎖左既門，門旁有指示要按鈴，然後餐廳應機問你係咪book左枱，確認後先入到去。上到去餐廳好闊落，環境一流，係蘇豪區入面絕對係旺中帶靜。然後野食亦好有誠意，食Cauliflower Cake好似食緊Crab Cake咁，色香味都有蟹味，好神奇Beetroot and coconut soup超好飲，口感濃厚，就算攤凍左都好飲Four Seasons Pizza其實都好食，但由於味道就係想像到既味道，相對Caulifower Cake同Beetroot and coconut soup較無驚喜兩個人食三樣野加埋一都只係$180，仲要係蘇豪區入面咁好既環境，性價比好高！

一行三人有兩個全素，故此試下這家vegan。去到樓下已覺得好特別，入大厦的感覺是好簡約的石屎牆，沿路行樓梯上有清晰指示，一邊行一邊在想究竟上到去會係點呢？一入到餐廳已有好的空間感，一般餐廳會為左做多啲生意啲枱排得好密下，呢度入口已有一大個空間完全無擺枱，而枱的size算是大張的，樓底亦高，坐的感覺好舒服，背景音樂聲量又足以聽到得來不會影響傾計。燈光亦恰到好處，不會過光或過暗，可清楚睇到餐牌同食物，所以未食嘢甚至未點嘢已好有好感。😊😊食物和飲品甜品方面都有好多選擇。我們三個人叫了兩個前菜share，每人再叫了一個主菜，叫了兩杯飲品同一個甜品。結果平均每人$250，以食物質素、地點、環境等來計，性價比十分高。👍😊兩個前菜outine (薯條加芝士同vegan汁) $68 👍😋份量比預期大碟，芝士亦足，好多時其他餐廳的芝士薯條可能食左面一堆薯條後，剩下的一大碟薯條就無晒芝士，呢度芝士量好好多，個vegan gravy汁我建議好似我地咁叫另上，一來不會整淋啲薯條，又唔會整污糟隻手 (如果用手食)，最重要係我覺得無個汁好味啲。推介👍😋 (除左個汁)Cauliflower Cake 係餐廳Sign

香港地有純素西餐既選擇寥寥可數，而且無五辛既更加少之又少，所以Pop Vegan開業後都成為熱話，呢日終於藉着同學敘舊嘅名義可以黎品嚐。Salad係非常難忘，入口清新又有泰式既味道，而且Tuna入口即溶。Pizza好有特色，因為可以一次過試哂四種唔同既味，同埋唔會烘得太乾身，最喜歡茄子味。Pasta既芝士味剛好，好Creamy又唔太鹹，仲加左甜甜既蘆筍。朋友推薦Rice Pudding，外型精緻，椰奶味很香濃。至於Rice Roll有點太大件，食起上黎有點狼狽，如果做到精緻一點，一口份量就最好不過。Fruit Tart既皮略嫌有點過硬，不夠鬆跪，希望可以改善。