Honbo (已結業)

今日去搵個喺中環返工嘅高級行政人員食lunch，佢話介紹我去食一間好好味嘅burger，一到步原來就係傳說中嘅HONBO，我之前都已經喺灣仔食過，原來佢最近喺中環開咗分店，估唔到我哋嘅口味咁夾。我叫咗個Double Cheese Burger，塊牛肉漢堡超級厚身，每塊有4安士，配上芝士洋蔥等，好味到爆！朋友因為唔食牛肉，所以佢就揀咗grill chicken burger，呢個份量比較輕盈， 雞扒燒得好靚，配埋啲生菜，感覺清新不油膩。食burger總覺得一定要配薯條，我哋分別叫咗一份炸蕃薯條同一份芝士薯條，原來一份份量好多，我哋結果食唔晒，早知叫一份share都夠晒。仲有叫咗兩杯特飲，分別係apple pie iced tea同埋green lemon tea，蘋果嗰杯有好香嘅玉桂味，而青檸嗰杯就酸酸甜甜咁，我再自己加冰就覺得好正啊！呢間burger雖然價錢有啲貴，但係佢嘅味道絕對對得起呢一個價錢！

最近晚餐買外賣都係常識，日日食炒粉麵飯🍜都有啲悶，間唔中都要食下西餐🥩，Pizza🍕，漢堡包，今晚就揀漢堡包🍔做晚餐😌。🔻COLESLAW $32🔻酸椰菜沙律，分量剛剛好，酸度適中椰菜爽脆，係一個開胃嘅沙律🥗前菜。🔻CHEESE FRIES $58🔻香滑芝士醬加薯條🍟，勁多芝士醬，味道唔算濃，但好滑🥰🔻HONBO 1.5 $124🔻2oz嘅牛有3件，即係有6oz🤩，加上雙層芝士，啖啖肉又夾住豐富嘅芝士，口感好rich🤤，仲要依然保持到牛肉嘅香味，好似食緊個肉包咁☺️。🔻DOUBLE CHEESE BURGER $148🔻鬆軟嘅漢堡包🍔加4oz既牛，配上洋蔥生菜同雙層芝士，減去牛肉嘅油膩感，牛肉味依然香濃，絕不比6oz差👍🏻。🔻GINGER LIME LEMOADE $38🔻味道偏酸，幾開胃🤤。青檸加薑一啲都唔怪，仲好夾😋，酸酸地有薑味飲落好醒神👍🏻🔻APPLE PIE ICED TEA $38🔻飲落去真係有蘋果批味🤣，清新嘅肉桂蘋果，好特別好新穎，唔抗拒玉桂味嘅朋友，都可以一試👍🏻

✨味道88分，食落第一啖我真係嘩一聲！漢堡扒係用好重牛味既牛肉碎製造，煮到啱啱好，扒中間仲要係粉粉地紅色，咬落去都juicy，中間夾住熱熔哂既芝士。.🔸Double Cheese Burger ($148)兩塊漢堡扒，雙重芝士，生菜，酸青瓜，洋蔥，特製醬汁。.🔸Honbo 2.0 ($160)4x2安士double漢堡扒，三重芝士，酸青瓜，洋蔥，特製醬汁。.🔸Cheese Fries ($58)因為外賣既關係，番到屋企啲薯條已經焗腍左。不過上面舖滿溶既芝士，味道唔算濃。.🔸Pickles ($32)平時夾漢堡入面既酸青瓜，做開胃小食一流。