COSMOS

營業中

休息中

Lunch去左呢層新開既Cosmos食晏, 本來以為係cafe, 但原來去到成層都係一間間私人房間, 可以同friend靜靜地係房入面食晏, 感覺好正, 唔俾俾人騷擾!餐廳用QR code手機點餐, 所以就算係房間入面都唔洗有侍應入黎落order, 我今日叫左和風咖喱炸雞飯套餐 ($98), 仲配有熱辣辣蘑菇湯, 同埋即沖咖啡, 如果以有埋間房去計, 實在係好抵玩。另外, 今日叫埋黑松露炸薯條 ($78), 份量好多好開心!下次可以試埋chicken沙律同all day breakfast先!

今日有嘢要做，所以想搵間Café坐吓，上網見到銅鑼灣就開咗間新 Café 就打算上去坐。一入門口就有個好大電視播緊太空人片，加埋好大隻太空人，好有宇宙Feel，真係影相嘅好地方！入到去買杯Mocha搵個位坐低，做吓野，又有d音樂，好輕鬆。坐到一半餓餓地就叫咗d小食，包括有「燒鳥盛合」、「紫蘇葉雞皮餃子」，「燒鳥盛合」有雞翼、雞軟骨、雞串等等，而紫蘇葉雞皮餃燒到惹味十足，好好食啊！呢度又可以帶部電腦工作、飲咖啡、又有西式、日式小食，仲有好多間好靚嘅房間，下次一定要再上去Hea!